BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«سۇلتان ماركەتينگ» قىتايداعى بازارىن كەڭەيتپەك

قىتاي. 5 قىركۇيەك. baq.kz – ٴۇرىمجى قالاسىندا بيىل ٴۇشىنشى رەت ٴوتىپ جاتقان قىتاي-ەۋرازيا حالىقارالىق كورمەسىنە ەلىمىزدىڭ «سۇلتان ماركەتينگ» كومپانياسى دا قاتىسۋدا. بۇل تۋرالى «شىڭجاڭ» گازەتىنىڭ ٴتىلشىسى قالياكبار ۇسەمقان ۇلى ٴمالىم ەتتى دەپ حابارلايدى baq.kz ٴتىلشىسى.  

50 ەلدەن كەلىپ الەمدىك كورمەگە قاتىسىپ جاتقان كاسىپورىنداردىڭ ىشىندە قازاقستاندىق «سۇلتان ماركەتينگ» كومپانياسى دا بار. قازىرگە دەيىن 14 ەلمەن ەكسپورتتىق قارىم-قاتىناستا بولىپ كەلگەن وتاندىق كومپانيا ەندى قىتاي بازارىنداعى ٴورىسىن كەڭەيتپەك.
– ٴبىزدىڭ ونىمدەرىمىزدى كورمەگە قويۋداعى ماقساتىمىز قىتايدىڭ ەڭ ۇلكەن پروۆينسياسى، شەكارالاس شىڭجاڭنان بازار اشۋ. وسىنداعى كاسىپورىندارمەن ارىپتەستىك ورناتا وتىرىپ، «سۇلتان ماركەتينگتىڭ» بولىمشەسىن اشۋ ويىمىز بار. حالىقتىڭ ىقىلاسى جامان ەمەس. سەرىكتەس بولاتىن كومپانيالار دا تابىلىپ قالار دەگەن ۇمىتتەمىز،- دەيدى اتالعان سەرىكتەستىكتىڭ قىزمەتكەرى گۇلميرا سۇيىندىكوۆا. 

ايتا كەتەيىك، الماتىدا ورنالاسقان بۇل فيرما 1996 جىلى «سۇلتان» ساۋدا بەلگىسىمەن وندىرىلگەن ونىمدەردى تاراتۋ جانە ساتۋ ماقساتىندا قۇرىلعان بولاتىن. قىسقا مەرزىم ىشىندە ماركەتينگتىك فيرماعا اينالىپ، بۇكىل قازاقستان بويىنشا قىزمەت كورسەتەتىن حالگە جەتكەن «سۇلتان ماركەتينگ» كومپانياسى تەك قانا ٴوزىمىزدىڭ ەنشىلەس كاسىپورىنداردىڭ عانا ەمەس، سونىمەن قاتار ٴۇشىنشى ٴوندىرۋشىنىڭ دە ٴتۇرلى ونىمدەرىن شەتەلگە شىعارۋ جانە شەتەلدەن الىپ كەلۋ جۇمىستارىن جۇزەگە اسىرۋدا.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي