BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

س.كۋلاگين قوياندى اۋىلىنىڭ تۇرعىندارىمەن كەزدەستى

اقمولا وبلىسىنىڭ اكىمى سەرگەي كۋلاگين سەلينوگراد اۋدانىنا جۇمىس ساپارى بارىسىندا قوياندى اۋىلىنداعى شاعىن جانە ورتا بيزنەستىڭ دامۋ بارىسىمەن تانىستى، دەپ حابارلايدى baq.kz قازاقپاراتقا سىلتەمە جاساپ.

بۇگىنگى تاڭدا قوياندى اۋىلىنداعى تۇرعىنداردىڭ سانى 24 مىڭنان اسادى. ولاردىڭ 72 پايىزى شەتەلدەن كەلگەن قانداستار.

وسى ساپارى بارىسىندا ٴوڭىر باسشىسى اۋىلعا كەلگەن سوڭ ٴوز كاسىپتەرىن باستاعان كاسىپكەرلەرمەن كەزدەستى. ٴبىرىنشى بولىپ اكىم اعاشتاردان ٴتۇرلى بۇيىمدار شىعارۋمەن اينالىساتىن كاسىپكەردىڭ جۇمىسىمەن تانىسىپ، سوڭ بوتاندار وتباسىمەن كەزدەستى. اتالمىش وتباسى بيىل پەش دايىنداۋ ٴىسىن جولعا قويدى.

كاسىپكەردىڭ سوزىنشە، بۇل كاسىپ ٴتۇرى ورگە باسىپ كەلەدى. «ٴبىز بۇگىن كۇنىنە ٴبىر پەش دايىنداپ جاتىرمىز. ٴبىر پەشتىڭ قۇنى 250 مىڭ تەڭگە. ٴقازىر ٴبىز ولاردى كورشىلەس اۋىلدارعا ساتىپ جاتىرمىز. الايدا، بۇل كاسىپتى ەندى عانا باستادىق»،-دەيدى وتباسىنىڭ يەسى رايمحان بوتان.

ٴوز كەزەگىندە وبلىس اكىمى شاعىن جانە ورتا بيزنەستىڭ ەلىمىزدىڭ وڭىرلەرىندە دە رەسپۋبليكالىق دەڭگەيدە دە ەرەكشە كوڭىلل ٴبولىنىپ وتىرعان سالا ەكەندىگىن اتاپ ٴوتتى.

بۇگىنگى تاڭدا قوياندىدا 1600-دەن استام كاسىپكەرلىك نىسانى بار ەكەندىگىن ايتا كەتۋ كەرەك. ولاردىڭ 60-ى بيىل اشىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي