BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سقو-دا بيىل 144 مىڭ توننا استىق ورىلماي قالدى – ە. سۇلتان ۇلى

 استانا. 6 جەلتوقسان. baq.kz – سولتۇستىك قازاقستان وبلىسىندا بيىل 144 مىڭ توننا استىق ورۋسىز قار استاندا قالىپ وتىر. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە سولتۇستىك قازاقستان وبلىسىنىڭ اكىمى ەرىك سۇلتانوۆ جۋرناليستەردىڭ سۇراعىنا جاۋاپ بەرۋ بارىسىندا ٴمالىم ەتتى.

 «بيىل قار استىندا قالعانى ٴداندى-داقىل كولەمى 93 مىڭ گەكتار. مۇنى گەكتارىنا 15 سەنتنەر دەپ الاتىن بولساق، 144 مىڭ توننا استىق ورىلماي قالدى. ونىڭ تونناسىن 30 مىڭ تەڭگەدەن ەسەپتەيتىن بولساق، وندا 550 ملن تەڭگەنىڭ استىعى قار استىندا قالدى دەۋگە بولادى»، - دەيدى وبلىس باسشىسى ە.سۇلتانوۆ.
سونداي-اق وبلىس اكىمىنىڭ سوزىنشە وڭىردەگى ەكسپورتتاۋ الەۋەتىن دامىتۋ ٴۇشىن جاڭا ەگىندى قابىلداۋعا جالپى سىيىمدىلىعى 195 مىڭ توننا 3 جاڭا ەلەۆاتور ەنگىزىلگەن. ونىڭ ىشىندە سىيىمدىلىعى 120 مىڭ توننا بولاتىن پەتروپاۆل قالاسىندا ورنالاسقان «تنس-ەكسپورت» ٴجشس-ىن اتاۋعا بولادى.
جالپى ستايستيكالىق مالىمەتتەر بويىنشا بيىلعى جىلى استىق جيناۋ ورتاشا شىعىمدىلىعى 15،4 س/گا بولا تۇرا، 4،7 ملن. توننانى قۇراعان. اۋىل شارۋاشىلىعى ٴوندىرىسىن سۋبسيديالاۋعا وسى جىلدىڭ 21 قاراشاداعى جاعدايى بويىنشا 16،8 ملرد. تەڭگە ٴبولىندى، سونىڭ ىشىندە وسىمدىك شارۋاشىلىعىنا – 11،5 ملرد. تەڭگە جانە مال شارۋاشىلىعىنا – 3،6 ملرد. تەڭگە، بۇل جالپى 2013 جىلعى ۇقساس كەزەڭىنە 1،8 ەسەگە جوعارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي