BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا حالىقتان ٴسۇت قابىلداۋ پۋنكتەرى ىسكە قوسىلدى

استانا. 23 ٴساۋىر. baq.kz - شىعىس قازاقستاننىڭ جارما اۋدانىندا حالىقتان ٴسۇت جيناۋ پۋنكتتەرى ىسكە قوسىلدى، دەپ حابارلايدى شقو اقپاراتتىق ورتالىعى.

جارما اۋدانىنا جۇمىس ساپارىمەن بارعان وبلىس اكىمى دانيال احمەتوۆ بىرلىك اۋىلىندا «يماديلوۆ» شارۋا قوجالىعىنىڭ ٴسۇت قابىلداۋ پۋنكتىمەن تانىستى. رەسەيدەن اكەلىنگەن 3 توننالىق زاماناۋي «fresh milk» ٴسۇت ساقتاعىش قۇرىلعىسى حالىقتان كۇنىنە 850 ليتر ٴسۇت جيناپ، وڭىردەگى ٴسۇت زاۋىتتارىنا جولداۋعا مۇمكىندىك بەرەدى. قۇنى 3 ملن. 200 مىڭ تەڭگە تۇراتىن كەشەن «اۋىل شارۋاشىلىعىن قولداۋ قورى» اق نەسيەسى ارقىلى الىنعان.

- بۇعان دەيىن اۋىل حالقى ساۋىلعان سۇتتەرىن وتكىزە الماي قينالاتىن. ال ٴقازىر ٴبىز مۇندا ٴسۇتتىڭ ٴليترىن 60 تەڭگەدەن قابىلدايمىز. تەك بىرلىك اۋىلىندا عانا 184 وتباسى كەلىپ ٴسۇت وتكىزەدى، - دەدى شارۋا قوجالىعىنىڭ باسشىسى ەربولات يماديلوۆ.

2016 جىلعا دەيىن جارما اۋدانى بويىنشا ٴدال وسىنداي زاماناۋي قۇرىلعى اكەلىپ، جالپى 5 ٴسۇت قابىلداۋ پۋنكتىن اشۋ جوسپارلانعان.

ٴوڭىر باسشىسى حالىقتان ٴسۇت قابىلداۋ كەزىندە ەڭ الدىمەن سانيتارلىق-گيگيەنالىق قاۋىپسىزدىكتى ساقتاۋ ماڭىزدىلىعىن ايتىپ ٴوتتى.
- ٴسۇت وتكىزۋ كەزىندە تۇرعىنداردىڭ بارلىعىندا ٴبىرىڭعاي بيدون بولۋى ٴتيىس. بيدونعا قۇيىلىپ اكەلىنبەسە، پۋنكت ٴسۇتتى قابىلداماۋى كەرەك. وسى ارقىلى ٴبىز ساپالى ٴارى ٴقاۋىپسىز ٴسۇت ونىمدەرىن وندىرۋگە قول جەتكىزەمىز. الەمدىك ستاندارتتارعا ساي ٴسۇت قابىلداۋ پۋنكتتەرىن ۇيىمداستىرۋ ماڭىزدى، - دەپ ٴتۇيدى د. احمەتوۆ.

جالپى، شىعىس قازاقستان وبلىسىندا 115 ەلدى مەكەن تۇرعىندارىنان ٴسۇت جيناپ، جەرگىلىكتى ٴسۇت زاۋىتتارىنىڭ 54% شيكىزاتىن بەرەتىن 37 ٴسۇت-تاۋار فەرماسىن ۇيىمداستىرۋ قولعا الىنعان.

 

 

 

 

ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي