BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شەنەۋنىكتەردىڭ سۇيىكتى «فۋا-گراسى» قازاقستاندا دا جاسالماق

فوتو: Бауыржан ЖУАСБАЕВ

بيىل «جۇمىسپەن قامتۋ جول كارتاسى – 2020» باعدارلاماسىنىڭ ەكىنشى باعىتى بويىنشا اقمولا وبلىسىنا بيۋدجەتتەن 1 ملرد تەڭگەدەن استام قارجى بولىنگەن. ٴوز كاسىبىن اشقىسى كەلگەن 450-دەن استام ازامات اتالمىش باعدارلاماعا قاتىسۋعا نيەت بىلدىرگەن. ناتيجەسىندە 256 تۇرعىن 600 ملن تەڭگە كولەمىندە شاعىن نەسيە الىپتى. الداعى ۋاقىتتا 197 كاسىپكەرگە 400 ملن تەڭگە كولەمىندە شاعىن نەسيە بەرىلەدى. بۇل تۋرالى ارنايى پرەسس-تۋر بارىسىندا ٴمالىم بولدى. سونداي-اق، شارا بارىسىندا اقمولا وبلىسىنىڭ كاسىپكەرلەرى ٴوزىنىڭ جەكە كاسىبىن اشۋداعى قۇپيالارىمەن ٴبولىستى، دەپ حابارلايدى baq.kz ٴتىلشىسى.

ازامات بەيسەنبايەۆ – زەرەندى اۋدانى كۋروپاتكينو اۋىلىنىڭ قاراپايىم تۇرعىنى. ماماندىعى قۇرىلىسشى. ول الدىمەن وزگەلەرگە جالدانىپ جۇمىس ىستەيدى. ٴبىراق تابىسى تۇراقتى بولماعاندىقتان، ٴوز كاسىبىن اشۋدى ٴجون سانايدى. وسىلايشا، مەملەكەتتىڭ قولداۋىمەن اۋىلىندا قۇس فەرماسىن اشادى.

«ٴوزىمنىڭ ماماندىعىم قۇرىلىسشى. تابىس بىردە بار، بىردە جوق. ماۋسىمدىق جۇمىس قوي. سوندىقتان وسى بيزنەستى اشۋدى ٴجون سانادىم. وسى جىلدىڭ مامىر ايىنان باستاپ، ٴبىز جۇمىسپەن قامتۋ ورتالىعىنان ٴبىلىم الدىق. كەيىن 3 ملن تەڭگە كولەمىندەگى نەسيەگە قول جەتكىزدىك. جەرگىلىكتىك اكىمدىك بىزگە 25 سوتىق جەردى 2 جىلعا جالعا بەردى. وسىلايشا ٴوز كاسىبىمدى اشتىم»، - دەيدى شارۋا.

بۇگىندە ازامات قۇس فەرماسىندا 1 500 باس قاز وسىرۋدە. الداعى ۋاقىتتا شارۋا ٴوز ٴونىمىن استانا، كوكشەتاۋ قالالارىنا شىعارۋدى جوسپارلاپ وتىر. شارۋانىڭ ايتۋىنشا، قۇس ەتىنە سۇرانىس ٴارقاشاندا جوعارى ەكەن.

«قازدىڭ 1 كگ ەتى بازاردا 1 200 تەڭگەدەن ساتىلادى. ال ولاردىڭ سالماعى 4 كگ-عا دەيىن بارادى. دەمەك ەتتىڭ باعاسى 4-5 مىڭ تەڭگەگە دەيىن كوتەرىلەدى دەگەن ٴسوز. استانا، كوكشەتاۋ قالالارىندا سۇرانىس جوعارى بولادى. 20 قازاننان باستاپ، قازدىڭ ەتىن ساتا باستايمىز. 1 500 باس قاز ٴوسىرۋدى جوسپارلادىم. سەبەبى، شىعىندى اقتاۋ كەرەك. ال قازدىڭ جۇمىرتقاسىن ساتىپ الىپ، مامىردا باستىرامىز. ٴبىزدىڭ جەكە ينكۋباتورىمىز بار. بۇل مەنىڭ بيزنەستەگى العاشقى تاجىريبەم. وسى جىلى از بولسا پايدا بولادى دەگەن ۇمىتتەمىن. مەنىڭ ويىمشا، «جۇمىسپەن قامتۋ جول كارتاسى –2020» باعدارلاماسى اۋىلدا جەكە كاسىبىن اشقىسى كەلەتىن جاندار ٴۇشىن ٴتيىمدى»، - دەيدى فەرمەر.

سونىمەن قاتار شارۋا الداعى جوسپارلارىمەن ٴبولىستى.

«ەۋروپادا قازدىڭ باۋىرىنان دەليكاتەس جاسايتىنىن ەستىدىم. ونى قاتەلەسپەسەم، «فۋا-گرا» دەپ اتايدى ەكەن. نارىقتاعى باعاسى وتە قىمبات. مەن دە وسى تاعامدى جاساۋدى قولعا السام دەيمىن. ٴبىراق ٴدال ٴقازىر ەمەس، شارۋامدى ودان ٴارى دامىتۋىم كەرەك. الداعى ۋاقىتتا بۇل ويىمدى دا جۇزەگە اسىرارمىن»، - دەدى ازامات بەيسەنبايەۆ (كۇلىپ).

كەلەسى كەيىپكەرىمىز – تاتيانا حلۋبنايا. وسىعان دەيىن ەش جەردە جۇمىس ىستەمەگەن تاتيانا «جۇمىسپەن قامتۋ جول كارتاسى - 2020» باعدارلاماسى تۋرالىپ ەستىپ، جەكە بيزنەستە باعىن سىناپ كورەدى. وسىلايشا، ول ۇكىمەتتەن 3 ملن تەڭگە الىپ، شورتاندى اۋدانىنداعى العاشقى گاز قۇيۋ بەكەتىن ىسكە قوسادى.

«اتالمىش باعدارلاما تۋرالى جۇمىسپەن قامتۋ ورتالىعىنان ٴبىلدىم. ونداعى مەنەدجەر ماعان بارلىعىن ٴتۇسىنىردى. ٴتيىستى قۇجاتتاردى جينادىق. كەيىن 3 ملن تەڭگە كولەمىندەگى شاعىن نيەسيەگە قول جەتكىزدىك. 8 قاڭتاردا جەكە بيزنەسىمدى اشقانىما ٴبىر جىل تولادى. نەگە گاز قۇيۋ بەكەتىن اشتىم؟ ٴبىزدىڭ ۇيدە گازبەن جۇرەتىن ماشينا بولاتىن. ٴبىراق اۋداندا گاز قۇيۋ بەكەتى جوق. وسىنى ەسكەرە كەلە، شەشىم قابىلدادىم. كليەنتتەردىڭ ناقتى سانى جوق. بارلىعى سۇرانىسقا بايلانىستى. ەڭ ماڭىزدىسى ٴبىز جۇمىسىمىزدى ساپالى جانە شىن نيەتىمىزبەن اتقارىپ جاتىرمىز»، - دەدى جەكە كاسىپكەر.

تاتيانا حلۋبنايانىڭ ايتۋىنشا، «جۇمىسپەن قامتۋ جول كارتاسى –2020» باعدارلاماسى وڭىرلەردە شاعىن بيزنەستى دامىتۋعا تىڭ سەرپىن بەرەدى. سەبەبى، ميكرونەسيەنىڭ پايىزدىق ۇستەمەسى – 0،6%. بۇل اۋىلداعى كاسىپكەلەر ٴۇشىن وتە ٴتيىمدى.

«وزدەرىڭىز بىلەسىزدەر، بانك نەسيەسىنىڭ پايىزدىق ۇستەمەسى وتە جوعارى. ال مۇندا – 0،6 %. سونداي-اق، نەسيە 5 جىلعا بەرىلەدى. ەگەر دە ازامات ٴوز بيزنەسىن اشقىسى كەلسە، بۇل باعدارلامانىڭ كومەگىنە جۇگىنە الادى. ارينە، كوپ قۇجاتتار تولتىرۋ كەرەك. ٴبىراق، بۇل جۇمىس ٴوزىن اقتايدى. تىرناق استىنان كىر ىزدەۋدىڭ قاجەتى جوق. بۇل باعدارلاما ارقىلى كەز كەلگەن ازامات ٴوز كاسىبىن اشا الادى. ماڭىزدىسى، ٴتيىستى قۇجاتتاردى تاپسىرۋ قاجەت»، - دەيدى ول.

اتالمىش مەملەكەتتىك باعدارلامانىڭ شاپاعاتىن كورگەن كەلەسى ازامات – ٴماريام راحيموۆا. ول – ماكينسك قالاسىنىڭ تۇرعىنى. «جقجك-2020» باعدارلاماسى ٴماريامعا ٴوز ارمانىن ورىنداۋعا مۇمكىندىك بەرگەن.

«مەن باعدارلاما تۋرالى گازەتتەن ٴبىلدىم. ياعني ول بويىنشا كاسىبىن اشقىسى كەلگەن ازامات شاعىن نەسيە الادى ەكەن. ول كەزدە مەن جۇمىسسىز بولاتىنمىن. جۇمىسپەن قامتۋ ورتالىعىنان اقىل-كەڭەس سۇرادىم. ٴبىزدىڭ ماماندار كەرەكتى قۇجاتتاردى جيناۋعا كومەكتەستى. كاسىپكەرلىك كۋرسىن وقىدىم. ناتيجەسىندە، 2016 جىلدىڭ اقپان ايىندا «mari» سۇلۋلىق سالونىن اشتىم. مەندە بيزنەسكە ارنالعان عيمارات بولدى. العان نەسيەمدى قۇرىلىس جۇمىستارىن جۇرگىزۋگە، ٴتيىستى قۇرالدار ساتىپ الۋعا جۇمسادىم»، - دەيدى ول.

ٴماريام راحيموۆانىڭ ايتۋىنشا، بۇگىندە قالادا 16 مىڭنان استام ادام تۇرادى ەكەن. سونداي-اق، شاھارداعى حالىقتىڭ سانى جىلدان جىلعا وسۋدە. ٴبىراق سوعان قاراماستان وسى كۇنگە دەيىن ماكينسكىدە سۇلۋلىق سالونى بولماعان. وسىنى ەسكەرە كەلە، كەيىپكەرىمىز «mari» سالونىن اشادى. سۇلۋلىق سالونىندا 6 كابينەت نازىك جاندىلارعا قىزمەت كورسەتەدى.

«بىزدە كوسمەتولوگتار، شاشتاراز، ماسساجيستەر جۇمىس ىستەيدى. دەپيلياسيا، مانيكيۋر، پەديكيۋر، فيتوبوچكا (مونشانىڭ ٴبىر ٴتۇرى – رەد.) بويىنشا قىزمەت كورسەتەمىز. الداعى ۋاقىتتا پيلينگ پەن تاتۋاجعا قاتىستى قىزمەت تۇرلەرىن اشاتىن بولامىز. مەن ٴوزىمنىڭ جەكە بيزنەسىم بار ەكەنىنە قۋانىشتىمىن. سەبەبى، ونى بۇرىننان ارمانداۋشى ەدىم. ارينە، جەكە كاسىبىمدى اشۋعا ٴوز قارجىمدى دا جۇمسادىم. ٴبىراق مەملەكەتتىك باعدارلاما ۇلكەن دەمەۋ بولدى»، - دەيدى كاسىپكەر.

اقمولا وبلىسىنىڭ جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى دينا احمەتجانوۆا «جقك-2020» باعدارلاماسىن جۇزەگە اسىرۋ ٴۇشىن وڭىرگە 6،5 ملرد تەڭگە بولىنگەنىن ايتتى. باسشى قارجىنىڭ ٴتيىستى ماقساتتا جۇمسالىپ جاتقاندىعىن اتاپ ٴوتتى.

«5 ملرد تەڭگەگە جۋىق قارجى ٴبىرىنشى باعىت، ياعني ينفراقۇرىلىمدىق جوبالارعا باعىتتالدى. وبلىس بويىنشا 347 عيمارات جوندەۋدەن وتەدى. بۇگىندە 61 عيماراتقا كۇردەلى جوندەۋ جاسالدى. قالعانى جوسپار بويىنشا جۇرگىزىلۋدە. 1 396 جۇمىس ورنىن اشۋ كوزدەلىپ وتىر. ال جۇمىسپەن قامتۋ ورتالىعى ەسەبىنەن – 766 ورىن. ناتيجەسىندە 1 116 جۇمىس ورنى اشىلدى. ونىڭ ٴ612-سى جۇمىسپەن قامتۋ ورتالىعى ەسەبىنەن. وزدەرىڭىز كورىپ تۇرعانداي، بارلىعى جوسپارداعىداي جۇرگىزىلۋدە»، - دەپ سەندىردى باسشى.

سونىمەن قاتار، دينا احمەتجانوۆا اقمولا وڭىرىندە شاعىن جانە ورتا بيزنەستى دامىتۋ بويىنشا ٴتيىستى شارالار اتقارالىپ جاتقاندىعىن جەتكىزدى. ول ٴۇشىن رەسپۋبليكالىق بيۋدجەتتەن 1،1 ملرد تەڭگە بولىنگەن ەكەن.

«ەكىنشى باعىت بويىنشا 1،1 ملرد تەڭگە ٴبولۋ جوسپارلانعان. بۇگىندە 600 ملن-عا جۋىق تەڭگەگە 256 ازاماتقا شاعىن نەسيە بەرىلدى. ەندى يگەرىلمەگەن 400 ملن تەڭگە قالدى. الداعى ۋاقىتتا قارجىلاي قولداۋ قورى 197 تۇرعىنعا ميكرو كرەديت بەرۋدى جوسپارلاپ وتىر. ناتيجەسىندە ەكىنشى باعىت بويىنشا 453 ازامات باعدارلاماعا قاتىسىپ، ٴوز كاسىبىن اشا الادى»، - دەدى ول.

سونداي-اق، وبلىستىق جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى جۇمىسشى مامانداردى وقىتۋعا باسا ٴمان بەرىلەتىندىگىن تىلگە تيەك ەتتى.

«ٴۇشىنشى باعىت بويىنشا ٴبىز ازاماتتاردى وقىتاتىن بولامىز. الەۋمەتتىك جۇمىس ورىندارى بويىنشا 420 ادامدى وقىتۋ جوسپارلاندى. ال ٴبىز 607 ازاماتتىڭ ٴتىزىمىن جاسادىق. جاستار ساياساتى بويىنشا 538 ازامات وقىتىلماق. 497 ازامات وقۋعا جولداما الدى. ال كاسىپتىك وقىتۋعا 108 تۇرعىن جىبەرىلەدى»، - دەپ تۇيىندەدى ٴسوزىن باسقارما باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي