BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شاعىن نەسيە بيزنەستىڭ دامۋىنا سەرپىن بەرىپ، حالىقتىڭ جاعدايىن جاقسارتادى – ازات پەرۋاشەۆ

بۇگىن ەلباسى نۇرسۇلتان نازاربايەۆ قر پارلامەنتى پالاتالارىنىڭ بىرلەسكەن وتىرىسىندا قازاقستاندىقتارعا ٴوز ٴىسىن باستاۋ ٴۇشىن شاعىن نەسيە بەرۋدى جالعاستىرۋ كەرەك ەكەنىن ايتىپ، بۇل باعىتتاعى جۇمىستاردى جۇرگىزە بەرۋدى تاپسىردى. وسى ورايدا اتالعان ماسەلەگە قاتىستى ٴماجىلىس دەپۋتاتى ازات پەرۋاشەۆ ٴوز پىكىرىن ٴبىلدىردى، دەپ حابارلايدى baq.kz ٴتىلشىسى.

«مەملەكەت باسشىسىنىڭ بۇل باستاماسى وتە ورىندى. ەگەر ٴبىز ەلىمىزدە كاسىپكەرلىكتى دامىتامىز دەسەك، وعان جاعداي جاساۋ كەرەك. بيزنەس بىردەن ٴىرى كاسىپكە اينالمايدى. سەبەبى، ول دامىپ، ٴىرى بيزنەسكە اينالۋى ٴۇشىن ۋاقىت پەن قارجى كەرەك. ازاماتتار ٴوز كاسىپتەرىن وسىنداي دارەجەگە جەتكىزۋگە شاماسى جەتپەي جاتادى. ەگەر نەسيەنى الۋ ٴۇشىن حالىقتا كەپىلدىككە سالاتىن مەنشىگى جوق بولسا، ولاردى ٴبىز دالادا قالدىرماۋىمىز كەرەك. سوندىقتان مەملەكەت تاراپىنان وسىنداي ازاماتتارعا كومەك كورسەتىلۋى قاجەت»، - دەدى دەپۋتات.

ونىڭ ايتۋىنشا، ەلىمىزدە ازاماتتارعا بەرىلەتىن شاعىن نەسيەنىڭ كولەمىن ارتتىرۋ شاعىن جانە ورتا بيزنەستىڭ دامۋىنا سەرپىن بەرىپ، ازاماتتاردىڭ جاعدايىن جاقسارتۋعا مۇمكىندىك تۋدىرادى.

«بۇل – حالىقتىڭ الەۋمەتتىك جاعدايىن جاقسارتۋدىڭ ٴبىر جولى. ٴبىز اسىرەسە اۋىل شارۋاشىلىعى سالاسىندا جۇمىس ىستەيتىن ازاماتتارعا وتە جەڭىل شارتپەن نەسيە بەرسەك، ولار مال شارۋاشىلىعىمەن اينالىسۋعا، ەگىن ەگۋگە مۇمكىندىك الادى. سونىڭ ارقاسىندا ازاماتتار ٴوز كاسىبىن اشىپ، جاعدايىن جوندەيدى. كەيىن ٴوز كاسىبىن كەڭەيتەدى»، - دەپ تۇيىندەدى ٴسوزىن ازات پەرۋاشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي