BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەمەيدە ٴجۇن وڭدەۋ سەحى ىسكە قوسىلماق

سەمەي. 15 شىلدە. baq.kz سەمەي قالاسىنا قاراستى اباي اۋدانىندا ٴجۇن وڭدەۋ سەحى ىسكە قوسىلماق دەپ حابارلايدى 24 kz 

تاۋلىگىنە 8 تونناعا دەيىن ٴجۇن وڭدەي الاتىن كاسىپورىن كەيىن تولىق قۋاتىنا قوسىلعاندا پارفيۋمەرلىك ونىمدەردى دە شىعارۋدى جوسپارلاپ وتىر. «قىرقىلعان قوي ٴجۇنىن قايتەمىز؟» دەگەن سۇراق ٴبىراز جىلدان بەرى وڭىردە مال ۇستايتىنداردى مازالاپ كەلگەن ەدى. سەبەبى، ٴجۇن وتكىزەتىن تۇراقتى ورىن بولمادى. بولعان كۇننىڭ وزىندە باعا وتە تومەن. ەندى وسى ماسەلەنىڭ ٴتۇيىنى شەشىلدى. اباي اۋدانىندا جوبالىق قۇنى 75 ملن تەڭگە بولاتىن ٴجۇن وڭدەۋ سەحىنىڭ اشىلۋى جەرگىلىكتى تۇرعىنداردى قۋانتقانداي. بىرىنشىدەن، ٴجۇندى تۇراقتى وتكىزۋ ورنى پايدا بولسا، ەكىنشىدەن، مۇندا ٴجۇننىڭ كەلىسى 40 تەڭگەدەن قابىلدانادى. ياعني مىڭداعان توننا ٴجۇن بۇدان بىلاي دالادا قالمايتىن بولدى.

مارات ەدىلبايەۆ، اباي اۋدانى اكىمىنىڭ ورىنباسارى:

- «ۇدەمەلى يندۋستريالدى-يننوۆسيالىق دامۋ» باعدارلاماسىنىڭ اياسىندا وسى ٴبىزدىڭ جوبامىزدى قورعايىق دەپ وتىرمىز. ول دەگەنىمىز قوسىمشا تاعى 25 ميلليون قارجى نەسيە سۇراعالى وتىرمىز. ول جاڭاعى ەرتىس الەۋمەتتىڭ كاسىپكەرلىك كورپوراسياسى ارقىلى جۇزەگە اسىرامىز با دەگەن ماقساتىمىز بار.

ٴجۇن وڭدەۋ سەحى قىركۇيەك ايىندا تولىق ىسكە قوسىلادى. بۇعان ۇكىمەت تاراپىنان دا كومەك كورسەتىلۋدە. ازىرگە وڭىردەگى اۋىلداردان جانە كورشىلەس پاۆلودار وبلىسىنان ٴجۇن جينالۋدا.

نۇرلان ماقاجانوۆ، ٴوندىرىس باستىعى:

- جىلىنا ٴبىز 2 مىڭ تونناداي جۋىلعان ٴجۇن دايىندايمىز. ەگەر دايىنداۋ ستاندارتتارى بويىنشا ايتساق، ٴبىز 3 مىڭ توننادان استام ٴجۇن جيناۋىمىز قاجەت. شىعىس قازاقستان وبلىسىنان، قاراعاندى، پاۆلودار، سولتۇستىك قازاقستاننىڭ كەي جەرىنەن دە ٴجۇن تاسىمالدانادى.

سەح قۋاتى تاۋلىگىنە 8 توننا ٴجۇن وڭدەۋگە جەتەدى. ارنايى قۇرىلعىلار قىتايدان جەتكىزىلدى. ولاردىڭ جالپى قۇنى 150 مىڭ دوللار. ٴوندىرىس ورنىندا قازىردە 35 ادام جۇمىس ىستەۋدە. سەح تولىق قۋاتىنا قوسىلعاندا جۇمىسشىلار سانى ەكى ەسەگە ارتپاق. بولاشاقتا بۇل ٴوندىرىس ورنىنان پارفيۋمەرلىك بۇيىمداردى دا شىعارۋ جوسپارلانۋدا.

اۆتورلار: سارۋار قابدوللا، مەدەت ٴومىرحانوۆ 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي