BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساۋىردە جاپپاي كاسىپكەرلىكتى دامىتۋ باعدارلاماسى باستالادى

فوتو: Kursiv.kz

قازاقستاندا ٴونىمدى ەڭبەكپەن قامتۋ جانە جاپپاي كاسىپكەرلىكتى دامىتۋ باعدارلاماسى باستالادى. سونىڭ ارقاسىندا قازاقستان ازاماتتارى اۋىلدا نەمەسە قالادا ٴوز بيزنەسى ٴۇشىن 16 ميلليون تەڭگەگە دەيىن شاعىن نەسيە الا الادى. بۇل تۋرالى بۇگىن ورتالىق كوممۋنيكاسيالار قىزمەتىندە ۇلتتىق ەكونوميكا ٴمينيسترى تيمۋر سۇلەيمەنوۆ ايتتى، دەپ حابارلايدى baq.kz ٴتىلشىسى.

«بۇل باعدارلاما 1 ساۋىردەن باستالادى. سونىڭ ارقاسىندا قازاقستان ازاماتتارى اۋىلدا نەمەسە قالادا ٴوز بيزنەسى ٴۇشىن 16 ميلليون تەڭگەگە دەيىن شاعىن نەسيە الا الادى. 2017 جىلى كاسىپكەرلىك باستامالارعا شاعىن نەسيە بەرۋ ٴۇشىن قالالارعا 2،5 مىڭ ادامدى قامتيتىن 10 ملرد تەڭگە، اۋىلدار مەن شاعىن قالالارعا 3 مىڭ ادامدى قامتيتىن 27 ملرد تەڭگە قاراستىرىلىپ وتىر»،- دەدى تيمۋر سۇلەيمەنوۆ.

ونىڭ ايتۋىنشا، بيزنەسكە سالالىق شەكتەۋلەرسىز 6%-عا دەيىنگى سىياقىمەن 8 مىڭ اەك-كە دەيىن جەڭىلدىكتى شاعىن نەسيەلەر ۇسىنىلادى. كەپىل ماسەلەسىن شەشۋ ماقساتىندا شاعىن نەسيەلەردى كەپىلدەندىرۋ ەنگىزىلەدى.

«جاڭا باعدارلاما اياسىندا نەسيەنىڭ 85 پايىزىنا مەملەكەتتىڭ ٴوزى كەپىلدىك جاسايدى. ول ٴوز كاسىبىن ەندى باستاپ جاتقان بيزنەسمەندەرگە ارنالعان شارتتار. ال بۇرىننان بەرى اينالىساتىندارعا 50 پايىزدىق كەپىلدىك قاراستىرىلعان. كەپىلدىككە ەشقانداي اقشا الىنبايدى»، -دەيدى ۆەدومستۆو باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي