BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سارىوزەكتە شىعارىلاتىن وتاندىق اياق كيىمگە سۇرانىس جوعارى

فوتو: «Атамекен» ҚР ҰКП

الماتى وبلىسىنا قاراستى سارىوزەك اۋىلىندا وسىدان ٴبىر جىل بۇرىن اشىلعان اياق-كيىم تىگۋ سەحى بۇگىندە ەلىمىزدىڭ بارلىق وڭىرىنەن بىلعارى اياق كيىمگە كوپتەپ تاپسىرىس الۋدا. بۇل تۋرالى baq.kz اقپارات اگەنتتىگى «اتامەكەن»قر ۇكپ-عا سىلتەمە جاساپ حابارلايدى.

الماتى وبلىسىنىڭ كەربۇلاق اۋدانى سارىوزەك اۋىلىنداعى اسقات تالعاربايەۆ ەرەكشە قاجەتتىلىگى بار ازامات. 2 توپ مۇگەدەگى تۋعانىنان ەستۋ جانە سويلەۋ قابىلەتتەرىنەن ايىرىلعان. الايدا اسقات «بۇل تەك ٴبىر عانا مۇمكىندىكتىڭ شەكتەلگەنى» دەپ ەسەپتەيدى. ٴوز كەزەگىندە ول شىعارماشىلىق دارىندى، ەرەكشە كۇش-قۋاتقا يە جان. سوندىقتان دا الدىنا قويعان ماقسات-مىندەتتەرىن ورىنداپ كەلەدى.

كاسىپكەرلەر پالاتاسىنىڭ كەربۇلاق اۋداندىق فيليالىنىڭ باسشىسى بولات تاستانبەكوۆتىڭ ايتۋىنشا، اسقات فيليالعا كەلىپ، كاسىپكەرلىك سالاسىنداعى سوڭعى جاڭالىقتار مەن وزگەرىستەر تۋرالى ٴجيى ٴبىلىپ تۇرادى.

«اسقاتقا اياق كيىم تىگۋ مەن جوندەۋ سەحىن اشۋدى ۇسىندىق. بۇل ىستە تاجىريبەسى بار. ٴوندىرىستى ۇيىمداستىرۋ ۇردىسىمەن تانىستىرىپ، بيزنەس-جوسپاردى ازىرلەپ بەردىك. كەيىن سۋردواۋدارماسى بار «بيزنەس كەڭەسشى» جوباسىنا جازىلدى. وقۋدان ٴوتىپ، مەملەكەتتىك گرانت الۋعا ٴوتىنىم بەردى»، - دەدى بولات تاستانبەكوۆ.

اسقات تالعاربايەۆ جوباسىن ٴساتتى قورعاپ، كوميسسيانىڭ شەشىمىمەن «بيزنەستىڭ جول كارتاسى - 2020» باعدارلاماسى اياسىندا اقىسىز گرانتقا يە بولدى. 1،5 ملن سوماداعى قاراجات ٴتيىستى قۇرال-جابدىقتار، ماتەريالدار مەن شيكىزات الۋعا مۇمكىندىك بەردى. سونىمەن بىرگە، جاس بيزنەس وكىلىنە كاسىپكەرلەر پالاتاسىنىڭ اۋداندىق فيليالى تىركەۋ، قۇجاتتاردى دايىنداۋ بويىنشا سۇيەمەلدەپ، قولداۋ كورسەتتى.

اياق كيىم تىگۋ مەن جوندەۋ سەحى وتكەن جىلدىڭ سوڭىندا سالتاناتتى تۇردە اشىلدى. شاراعا اۋدان باسشىلىعى، تۇرعىندار، كاسىپكەرلەر مەن بۇقارالىق اقپارات وكىلدەرى قاتىستى.

بۇگىنگى تاڭدا سەحتا اسقات سياقتى مۇمكىندىگى شەكتەۋلى ٴۇش ادام جۇمىس ىستەيدى. ايىنا 40 جۇپ اياق كيىم تىگىلەدى. بۇيىمعا قاجەتتى بىلعارى شىعىس قازاقستاننان اكەلىنسە، ال ۇساق-تۇيەك زاتتار رەسەيلىك وندىرۋشىلەردىكى. ايتا كەتۋ كەرەك، از ۋاقىت ىشىندە askhat برەندىمەن شىعارىلعان وتاندىق ونىمدەر كوپشىلىكتىڭ ىقىلاسىنا بولەنىپ، قازاقستاننىڭ تۇكپىر-تۇكپىرىنەن تاپسىرىستار كەلىپ تۇسۋدە.

«جاقىندا ٴبىز ٴجۇندى تەرىدەن تىگىلگەن جىلى ەتىككە شىعىس قازاقستان جانە اقتوبە وبلىستارىنان 2000 داناعا تاپسىرىس الدىق. ەندىگى ماقسات وسى سىندى بۇيىمداردىڭ ۇلكەن كولەمىن ورىنداۋ ٴۇشىن سەحتى كەڭەيتۋ. سونىمەن بىرگە، بالالارعا ارنالعان اياق كيىمدەردى شىعارۋدى دا جوسپارلاپ وتىرمىز»، - دەيدى كاسىپكەر اسقات تالعاربايەۆ.

ەسكە سالىپ كەتەيىك، 2017 جىلى الماتى وبلىسىندا كاسىپكەرلىك نەگىزدەرى بويىنشا «بيزنەس كەڭەسشى» ەكى كۇندىك وقۋ كۋرسىنا 1300-دەن ازامات قاتىسىپ، ولاردىڭ 200-گە جۋىعى جەكە كاسىپكەر رەتىندە تىركەلدى. 120 قاتىسۋشى جالپى سوماسى 340،4 ملن تەڭگە كولەمىندەگى قارجىلاندىرۋعا قول جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي