BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەيلىكتەردىڭ قازاقستاندىق تاۋارلاردى تۇتىنۋعا دەگەن ىنتاسى جوعارى

استانا. 26 قاڭتار. baq.kz - دميتريي شپاكوۆ ماسكەۋدە قازاقستاننان جەتكىزىلەتىن بالىقتى ساتۋمەن اينالىسادى. اسىرەسە فرانسۋز اسحاناسىندا پايدالاناتىن قازاقستاندىق وزەن-كولدەردىڭ شاياندارىنا دەگەن سۇرانىس جوعارى ەكەن.

وزەن جاندىگىن ماسكەۋگە شىعىس قازاقستاننان ۇشاقپەن جەتكىزەدى. سول سەبەپتى ساپاسى مەن باعاسىنىڭ قىمباتتىعى ٴوزارا سايكەس. ٴبىراق وعان قاراپ جاتقان ەشكىم جوق. ساتۋشىنىڭ ايتۋىنشا، تاۋاردى جەرگىلىكتى تۇرعىندار تالاسىپ الاتىن كورىنەدى.

دميتريي شپاكوۆ، ساتۋشى:
-قازاقستاننىڭ وزەن-كولدەرىنەن شىققان شاياندار وتە ٴدامدى ٴارى ەتتى كەلەدى. اسىرەسە جازدى كۇندەرى ساۋدا ماۋسىمى قىزا تۇسەدى، سول كەزدە بۇل سۋ جاندىكتەرىنە سۇرانىس ارتادى.

الەكسەي كوكين – تاعامعا اسا تالعامپازدىقپەن قارايتىن ماسكەۋلىكتەردىڭ ٴبىرى. قاجەتتى ازىق-تۇلىكتى بازارعا بارىپ ٴوزى ساتىپ الادى. ادەتتەگىدەي ازىق-تۇلىك الۋعا كەلگەن الەكسەي قازاقستاننان جەتكىزىلگەن تاۋارلاردى تاڭدادى. سەبەبى ونىمدەر تازا ەكولوگيالىق ساپادا ەكەنىن ايتادى ول.

الەكسەي كوكين، ماسكەۋ قالاسىنىڭ تۇرعىنى:
-قازاق ەلىنىڭ تاعامى ۇنايدى، وتە ٴدامدى ٴارى ساپالى. سوندىقتان قازاقستاننىڭ ازىق-تۇلىك ونىمدەرى ۇنەمى ماسكەۋگە جەتكىزىلىپ، جەرگىلىكتى حالىققا ۇسىنىلىپ وتىرسا، جاقسى بولار ەدى. مۇنداي باستامانى قۋانا قولدايمىز.

ماسكەۋدە ەكى كۇن ايالداعان ەلىمىزدىڭ اۋىل شارۋاشىلىعى ونىمدەرىن وندىرۋشىلەر الىپ، شاھاردىڭ نارىعىمەن كەڭىنەن تانىستى. «ازىق-تۇلىك باعاسىن سالىستىرىپ، ساۋدا ورىندارى مەن بازارلاردى، سونىمەن قاتار ازىق-تۇلىك ساقتايتىن قويمالاردى دا ارالاپ كوردى. ەندىگى باستى ماقسات – وتاندىق تاۋارلاردى جەتكىزۋدى جۇيەلى ۇيىمداستىرۋ دەيدى»، – ەلىمىزدىڭ اۋىل شارۋاشىلىعى ماماندارى.

ارمان ەۆنەەۆ، قر اۋىلشارۋاشىلىعى مينسترلىگىنىڭ جاۋاپتى حاتشىسى;
ٴ-بىزدىڭ تاۋار وندىرۋشىلەرىمىز شاعىن. سولاردىڭ باستارىن بىرىكتىرىپ، ولاردى قوسىپ، وسىنداي كەستە جاساپ، جۇيەلى تۇردە جۇمىس جاساۋىمىز كەرەك.

ال ماسكەۋ بيلىگى مەن ساۋدا ورىندارىنىڭ باسشىلارى قازاقستاندىق ازىق-تۇلىكتەردى قابىلداۋعا ازىردەن-اق دايىن ەكەندىكتەرىن ايتادى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي