BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەيلىكتەر ەلىمىزدىڭ كونديتەرلىك جانە ماكارون ونىمدەرىنە قىزىعۋشىلىق تانىتىپ وتىر

استانا، baq.kz. ەل ەكسپورتىن مەملەكەتتىك قولداۋ اياسىندا سانكت-پەتەربۋرگ قالاسىندا ساۋدا-ەكونوميكالىق ميسسياسى ٴوتتى. قازاقستاندىق كاسىپكەرلەر سانكت-پەتەربۋرگكە 10 ميلليون دوللاردان استام قارجىعا ترانسفورماتور، لاك-بوياۋ ماتەريالدارى، ۇن جانە تۇز ەكسپورتتايتىن بولدى.

ميسسيانى قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى، اتامەكەن ۇلتتىق كاسىپكەرلەر پالاتاسى، قازاقستاننىڭ سىرتقى ساۋدا پالاتاسى، سانكت-پەتەربۋرگ ساۋدا-ونەركاسىپ پالاتاسى بىرلەسىپ، سانكت-پەتەربۋرگتاعى قر باس كونسۋلدىعىنىڭ قولداۋىمەن ۇيىمداستىرىلدى.

ساۋدا-ەكونوميكالىق ميسسياعا قازاقستاندىق 17 كومپانيا قاتىستى. ولاردىڭ قاتارىندا ازىق-تۇلىك، قۇرىلىس ماتەريالدارى، ەلەكتروتەحنيكا، حيميا ونىمدەرى، فارماسەۆتيكا، جەڭىل ونەركاسىپ جانە ت.ب. سياقتى سالا وكىلدەرى بولدى.

شارا ناتيجەسىندە ترانسفورماتورلاردى، لاك-بوياۋ ماتەريالدارى، ۇن مەن تۇزدى 10 ملن. اقش دوللارىنان استام سومماعا ەكسپورتقا شىعارۋ بويىنشا 6 شارت جاسالدى. سونداي-اق، جىلىنا 3،6 مىڭ توننا پوليمەر ونىمدەرىن جەتكىزۋ جوسپارلانىپ وتىر.

بۇعان قوسا، رەسەيلىكتەر ەلىمىزدىڭ كونديتەرلىك جانە ماكارون ونىمدەرىنە قىزىعۋشىلىق تانىتتى.

ٴىس-شاراعا سانكت-پەتەربوردىڭ ۆيسە-گۋبەرناتورى موۆچان يۋ.ن.، ساۋدا-ونەركاسىپ پالاتاسىنىڭ پرەزيدەنتى س.ن. بۋرچاكوۆ، قازاقستان رەسپۋبليكاسى ۆتب باسقارماسى ٴتوراعاسىنىڭ ورىنباسارى س.م. احانوۆا قاتىستى.

سونىمەن قاتار، سانكت-پەتەربۋرگ قالاسىنىڭ ساۋدا-ونەركاسىپتىك پالاتاسى، قازاقستان رەسپۋبليكاسىنىڭ جەڭىل ونەركاسىپ وندىرۋشىلەر قاۋىمداستىعى جانە لەنينگراد وبلىسىنىڭ كاسىپكەرلەرى مەن ونەركاسىپشىلەر وداعى اراسىندا ەكى مەموراندۋمعا قول قويىلدى.

ساپار اياسىندا سانكت-پەتەربۋرگ ساۋدا-ونەركاسىپتىك پالاتاسىنىڭ الەۋەتتى ساتىپ الۋشىلارى مەن سەرىكتەستەرىن ىزدەۋگە، وڭىرلەر اراسىنداعى ساۋدا قاتىناستارىن دامىتۋعا ارنالعان ىسكەرلىك بايلانىستار الماستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي