BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەيدەن جەتكىزىلگەن تاعامداردىڭ قۇرامىنان دوڭىز دنق-سى تابىلدى

استانا. 31 ناۋرىز. baq.kz – تۇتىنۋشىلاردىڭ قۇقىقتارىن قورعاۋ كوميتەتى رەسەيلىك ٴوندىرىس ەتىنىڭ سىنامالارىندا ىشەك تاياقشاسىن، دوڭىز دنق-سىن جانە ناتريي نيتريتى قۇرامىنىڭ ارتۋىن انىقتادى دەپ حابارلايدى قر ۇەم ٴباسپاسوز قىزمەتى.

ناۋرىز ايىندا قر ۇەم تۇتىنۋشىلاردىڭ قۇقىقتارىن قورعاۋ كوميتەتىنىڭ اۋماقتىق دەپارتامەنتتەرى تەحنيكالىق رەگلامەنتتەر تالاپتارىنا سايكەس كەلمەيتىن تاماق ونىمدەرىنىڭ 272 سىناماسىن انىقتاعان، ونىڭ ىشىندە 74 سىناما – ەت ونىمدەرى، ول سايكەس كەلمەيتىن ونىمدەردىڭ جالپى سانىنىڭ 28 %-كە جۋىعىن قۇرايدى.

دوڭىز ەتىنىڭ دنق-سى مىناداي ەت ونىمدەرىنىڭ قۇرامىنان انىقتالعان:

"كۋرگانسكيي مياسوكومبينات" جشق "ستاندارت" - قورعان ق.;

«ومسكيي بەكون» ااق، ومبى وبلىسى، كالاچينسك ق.;

«كالينينگرادسكيي مياسوپەرەراباتىۆايۋششيي زاۆود «دەيما» ااق;

"ورەلپرودۋكت" جاق، رف، ورلوۆ وبل. مسەنسك ق.;

"راپپ كاۆكاز-مياسو" ااق،

"مياسوكومبينات شيلوۆسكيي" جشق ريازان وبلىسى، شيلوۆسكيي اۋدانى، شيلوۆو كەنتى;

"ميكويانوۆسكيي مياسوكومبينات" جاق رەسەي، ماسكەۋ ق.;

"چەركيزوۆسكيي مپز" ااق ماسكەۋ ق. - «گوۆيادينا تۋشەنايا»، «گوۆيادينا بوگاتىرسكايا»، «كونينا تۋشەنايا ناتۋرالنايا» كونسەرۆىلەرىندە; «نەجنىي يز پەچەني يندەيكي»، «نەجنىي يز گۋسينوي پەچەني»، «نەجنىي يز گوۆياجەي پەچەني» پاشتەتتەرىندە; «رۋسسكيي فەرمەر» كەنەۋلى سوسيسكالارىندا، «يۋجنىە پو-چەركيزوۆسكي» سوسيسكالارىندا، «تريۋمف» ىستاپ-پىسىرىلگەن سيىر ەتىندە.

اتالعان ونىمدەردىڭ تاڭبالاۋىندا دوڭىز ەتىنىڭ بار ەكەنى كورسەتىلمەگەن، بۇل تۇتىنۋشىنى جاڭىلىستىرادى.

سونىمەن قاتار، الماتى وبلىسىنداعى «city plus» سۋپەرماركەتىندە ىرىكتەپ الىنعان رف، التاي ٴوڭىرى، «زولوتوي پەلمەشەك» جشق ونىمدەرىندە، ولشەپ-ورالعان سىبىرلىك پەلمەندەرىندە ىشەك تاياقشاسى توبىنىڭ باكتەريالارى انىقتالدى.

باتىس قازاقستان وبلىسىندا «بايتەرەك» سۋپەرماركەتىندە رف، ماسكەۋ ق.، «چەركيزوۆسكيي مياسوپەرەراباتىۆايۋششيي زاۆود» جشق-نىڭ «اپپەتيتنىە كلاسسيچەسكيە» سوسيسكالارىندا، «رۋسسكايا چەركيزوۆسكايا» پىسىرىلگەن شۇجىعىندا، رف، تولياتي ق.، «پك «فابريكا كاچەستۆا» جشق وندىرگەن «مۋسكاتنىي» سەرۆەلاتىندا، «چەسنوچنوي» جارتىلاي ىستالعان شۇجىعىندا ناتريي نيتريتىنىڭ 3 ەسەگە دەيىن ارتۋى انىقتالدى.

ەت ونىمدەرىنىڭ 54 سىناماسىندا ونىمدەردى تاڭبالاۋ بولىگىندەگى سايكەس كەلمەۋ انىقتالىپ وتىر.

سايكەس كەلمەيتىن ونىمدەر قازاقستان رەسپۋبليكاسىنىڭ مىناداي ٴىرى ساۋدا كاسىپورىندارىندا ساتىلعان: اقمولا وبلىسىندا «ورتالىق گاسترونوم» سۋپەرماركەتى، «انارا» دۇكەنى، «التىن پلازا» سو; الماتى قالاسىندا «magnum» سۋپەرماركەتتەرى، «يۋبيلەينىي» سۋپەرماركەتى، «green mart» سۋپەرماركەتتەرى; الماتى وبلىسىندا «city plus» سۋپەرماركەتتەرى; باتىس قازاقستان وبلىسىندا «ليدەر» دۇكەنى، «بايتەرەك» سۋپەرماركەتى; قاراعاندى وبلىسىندا «يۋما» فيرماسى جشس سۋپەرماركەتتەرى، «ايان» ٴسۇ، «قازاقستان» دۇكەنى; قىزىلوردا وبلىسىندا «ال-اساد» ٴسۇ، «small» ٴسۇ.

تەحنيكالىق رەگلامەنتتەرگە سايكەس كەلمەيتىن ەت ونىمدەرىنىڭ تەحنيكالىق رەتتەۋ سالاسىنداعى ۋاكىلەتتى ورگان بەرگەن سايكەستىك تۋرالى دەكلاراسيالارى بولعان. اۋماقتىق دەپارتامەنتتەر قازاقستان رەسپۋبليكاسىنىڭ زاڭناماسىنا سايكەس ساۋدا وبەكتىلەرىنەن دە، جەتكىزۋشىلەردىڭ قويمالارىنان دا جوعارىدا كورسەتىلگەن ونىمدەردى اينالىمنان الىپ تاستاۋ بويىنشا ٴىس-شارالار جۇرگىزۋدە. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي