BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا «قىزىلجار-قۇس» فابريكاسى اشىلدى

 استانا. 12 جەلتوقسان. baq.kz – بۇگىن پاۆلودار وبلىسىنىڭ اكىمى قانات بوزىمبايەۆ اقسۋ اۋىلدىق ايماعىنا قاراستى قىزىلجار ەلدى مەكەنىندەگى «قىزىلجار-قۇس» فابريكاسىنىڭ اشىلۋىنا قاتىستى. بۇل تۋرالى پاۆلودار اكىمدىگىنىڭ ٴباسپاسوز قىزمەتى حابارلاپ وتىر.

  ايماق باسشىسى يندۋستريالاندىرۋ كارتاسى اياسىندا اشىلعان كاسىپورىن ەكسپورتتىڭ الەۋەتىن ارتتىرىپ، فابريكادان تۇسكەن سالىق اۋىلدىق ايماقتاعى ينفراقۇرىلىمدى دامىتۋعا جول اشاتىنىن اتاپ ٴوتتى.
- ٴبىرىنشى كەزەڭدە 4 مىڭ تونناعا دەيىن ٴونىم شىعارىلادى. بۇل وبلىستاعى برويلەر ەتى بويىنشا قاجەتتىلىكتىڭ 70 پايىزىن وتەيدى. قازىرگى تاڭدا 100-دەن استام جەرگىلىكتى تۇرعىن ەڭبەك ەتۋدە. الداعى ۋاقىتتا قوسىمشا جۇمىس ورنى اشىلماق. 2016 جىلى ٴوندىرىس قۋاتىن 8 مىڭ تونناعا دەيىن ارتتىرۋ جوسپارلانىپ وتىر. جالپى، ٴۇييد باعدارلاماسىنىڭ ٴبىرىنشى بەسجىلدىق شەڭبەرىندە وبلىستا 87 جوبا ىسكە اسىرىلدى، - دەدى قانات الدابەرگەن ۇلى.
كاسىپكەر ٴارى باس ينۆەستور داۋلەت سىزدىقوۆ اتالمىش جوبا «بيزنەستىڭ جول كارتاسى 2020» جانە «اگروبيزنەس 2020» باعدارلامالارى اياسىندا پاۆلودار وبلىسى اكىمدىگى مەن ەۋرازيالىق بانكتىڭ قارجىلاي قولداۋىمەن جۇزەگە اسىرىلعانىن اتاپ ٴوتتى. قازىرگى تاڭدا برويلەر بالاپاندارىن شىعارۋ ماقساتىندا ينكۋباتورلارعا 114 مىڭنان استام جۇمىرتقا سالىنعان.
«قىزىلجار-قۇس» جشس-نىڭ ديرەكتورى نيكولاي رۋدەنكونىڭ ايتۋىنشا، كەلەسى جىلدىڭ قاڭتار ايىندا ىشكى نارىققا جەرگىلىكتى برويلەر ەتى جەتكىزىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي