BAQ.kz - Қазақстан жаңалықтары USD 378.87 BAQ.kz - Қазақстан жаңалықтары EUR 422.4 BAQ.kz - Қазақстан жаңалықтары RUB 5.87
استانا:

پاۆلودار وبلىسىندا جىل سوڭىنا دەيىن بيزنەستى قولداۋعا 1 ملرد تەڭگە بولىنبەك

فوتو: автор

پاۆلودار، baq.kz ٴتىلشىسى. ەرتىس ٴوڭىرىنىڭ شاعىن جانە ورتا بيزنەس سۋبەكتىلەرى ٴۇشىن قارجىلىق قولداۋ رەتىندە جىل سوڭىنا دەيىن شامامەن 1 ملرد تەڭگە بولىنبەك. بۇل تۋرالى سالا ماماندارى حابارلادى.

قازىرگى تاڭدا پاۆلودار وبلىسىندا 43 مىڭنان استام شاعىن جانە ورتا بيزنەس سۋبەكتىسى بار. كاسىپورىنداردا 130 مىڭنان استام ادام ەڭبەك ەتەدى. ولاردىڭ بارلىعى مەملەكەتتىك قولداۋدىڭ قۇرالدارىن قولدانا الادى.

«دامۋ» كاسىپكەرلىكتى قولداۋ قورى وبلىستىق فيليالىنىڭ ديرەكتورى ارىستان كەنجالينوۆتىڭ حابارلاۋىنشا، بۇگىندە ەلىمىزدە قوردىڭ قولداۋىمەن كۇن سايىن 35 جاڭا كاسىپورىن اشىلادى.

«شاعىن جانە ورتا بيزنەسكە ناقتى قولداۋ بار. جىل سوڭىنا دەيىن جەرگىلىكتى كاسىپكەرلەرگە 1 ملرد تەڭگەگە جۋىق قارجىلاي قولداۋ كورسەتىلەدى دەپ جوسپارلانىپ وتىر. ولارعا كەشەندى كومەك كورسەتەمىز، ياعني قۇجات راسىمدەۋ جانە نەسيە الۋ بويىنشا تەگىن كەڭەستەر بەرەمىز. مەملەكەتتىك قولداۋ قۇرالدارىنىڭ قاتارىندا شاعىن كرەديت بەرۋ، سۋبسيديالاۋ سياقتى شارالار بار. باس-اياعى 200-دەن استام جوبا قولداۋ كورەدى دەپ جوسپارلانعان»، - دەيدى ارىستان كەنجالينوۆ.

وبلىستىق كاسىپكەرلىك، ساۋدا جانە تۋريزم باسقارماسىنىڭ مامانى مەدەت شوقانوۆتىڭ مالىمەتىنشە، ۇستىمىزدەگى جىلى ەلباسى جولداۋىندا ايتالعان تاپسىرمانى ورىنداۋ ماقساتىندا «بيزنەستىڭ جول كارتاسى» باعدارلاماسىنىڭ جۇزەگە اسىرىلۋ مەرزىمى ۇزاردى.

«مەملەكەتتىك باعدارلاما بويىنشا 353 جوبا قولداۋ تاپتى. جاپپاي كاسىپكەرلىك جانە ناتيجەلى ەكبەكپەن قامتۋ باعدارلاماسى شەڭبەرىندە 406 شاعىن نەسيە بەرىلدى. وعان 1،9 ملرد تەڭگە ٴبولىندى»، - دەيدى ول.

مامانداردىڭ ايتۋىنشا، نەسيە ۇلەستىرۋدە ەكسپورتتىق الەۋەتى بار كاسىپكەرلەرگە باسىمدىق بەرىلگەن.

ايتا كەتەيىك، وڭىردە شاعىن جانە ورتا بيزنەس وكىلدەرى مەملەكەت باسشىسىنىڭ جۇمىسكەرلەردىڭ جالاقىسىن ۇلعايتۋ باستاماسىن قولدادى. جەڭىل ونەركاسىپ، ەنەرگەتيكا، قۇرىلىس، مەتاللۋرگيا جانە وزگە سالالاردا ەڭبەك ەتەتىن 130 مىڭنان استام جۇمىسكەردىڭ ايلىعى ٴوستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي