BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وزبەكستاندا وتكەن كورمەدە قازاقستاننىڭ ۇلتتىق ستەندى جوعارى باعالاندى

استانا، baq.kz. قازاقستاننىڭ سىرتقى ساۋدا پالاتاسى تاشكەنت قالاسىندا "ساۋدا مەن ينۆەستيسيانى دامىتۋداعى جاڭا كوكجيەكتەر" ۇرانىمەن وتكەن viii ورتالىق-ازيالىق ساۋدا فورۋمىنا قاتىستى.

فورۋم اياسىندا كولىك، تۋريزم، اقپاراتتىق تەحنولوگيالار، جابدىق، جەمىس-كوكونىس ونىمدەرىن ٴوندىرۋ جانە قايتا وڭدەۋ جانە تاعى باسقالارىن قوسا العاندا، ايماقتىڭ ٴتۇرلى سالالارىن كورسەتەتىن ورتالىق-ازيالىق ٴوڭىر كومپانيالارىنىڭ قاتىسۋىمەن ساۋدا كورمەسى بولىپ ٴوتتى.

بۇكىل ٴوڭىر بويىنشا كولىك، تۋريزم، اقپاراتتىق تەحنولوگيالار، جابدىق، جەمىس-كوكونىس ونىمدەرىن ٴوندىرۋ جانە قايتا وڭدەۋ جانە باسقالارىن قوسا العاندا، ٴتۇرلى سەكتورلاردان 100-دەن استام كاسىپورىندار ٴوز ونىمدەرى مەن قىزمەتتەرىن ۇسىندى.

ساۋدا كورمەسىندە قازاقستان ٴبىرىڭعاي ۇلتتىق ستەندپەن ۇسىنىلىپ، وعان قۇرىلىس، ماشينا جاساۋ سەكتورىنداعى، كابەل-وتكىزگىش ونىمدەرى، مەتاللۋرگيا، اگروونەركاسىپ سەكتورى، حالىقتىق تۇتىنۋ تاۋارلارى، جەڭىل ونەركاسىپ، تاماق ونىمدەرى، سونداي–اق مەديسينالىق باعىتتاعى زاتتار سەكتورلارىنداعى 29 قازاقستاندىق تاۋار وندىرۋشىلەر قاتىستى.

كورمەنىڭ نەگىزگى ماقساتى تىكەلەي بايلانىستاردى رەتتەۋ، قازاقستاندىق كاسىپورىندار مەن الەۋەتتى ساتىپ الۋشىلار اراسىنداعى ساۋدا-ساتتىق قاتىناستارىن بەلسەندىرۋ جانە بيزنەس توپتاردىڭ ەكىجاقتى كەزدەسۋلەرىن ۇيىمداستىرۋ بولىپ تابىلادى.

كورمە كەزىندە قازاقستاندىق وندىرۋشىلەرگە ولاردىڭ ونىمدەرىنە قىزىعۋشىلىق تانىتقان تاراپتاردان ۇسىنىستار تۇسە باستادى، بۇل بولاشاقتا ٴوندىرىستى دامىتۋعا جانە ٴوزارا ٴتيىمدى ىنتىماقتاستىق كوكجيەگىن كەڭەيتۋگە مۇمكىندىك بەرەدى.

قازاقستاننىڭ ۇلتتىق ستەندىن كورۋگە فورۋمدى ۇيىمداستىرۋشىلاردىڭ وكىلدەرى - ورتالىق ازياداعى usaid ميسسياسىنىڭ وڭىرلىك ديرەكتورى كريستوفەر ەدۆاردس، قازاقستانداعى اقش باس كونسۋلى ەريك مايەر، وزبەكستان رەسپۋبليكاسىنداعى اقش ەلشىلىگىنىڭ ىستەرى جونىندەگى ۋاقىتشا سەنىمگەرى الان مەلتسەر، سونداي–اق وزبەكستان رەسپۋبليكاسى پرەمەر-مينيسترىنىڭ ورىنباسارى نودير وتاجانوۆ كەلدى.

فورۋمدى ۇيىمداستىرۋشىلار قازاقستان ۇسىنعان ستەندتەردىڭ جوعارى ساپاسىن، كورنەكىلىگىن جانە اقپاراتتىق سىيىمدىلىعىن باعالادى. كومپانيالار زاماناۋي ستاندارتتارعا جاۋاپ بەرەتىن جوعارى ساپالى ٴونىم وندىرەتىن سەنىمدى بيزنەس-سەرىكتەستەر رەتىندە كازاقستاندىق وندىرۋشىلەردىڭ ٴيميدجىن ودان ٴارى نىعايتۋعا ٴوز ۇلەستەرىن قوسا الدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي