BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق نارىق قاشان قارىق بولادى؟

بۇگىنگى تاڭدا وتاندىق ساۋدا سالاسى اقش، گەرمانيا، انگليا، جاپونيا، تۇركيا سەكىلدى باتىس ەلدەرىنەن كوپ كەيىن قالىپ وتىر. قاجەت بولسا كەدەندىك وداق اياسىنداعى سەرىكتەس مەملەكەتتەردىڭ وزدەرى بىزدەن كوش-ىلگەرى العا كەتىپ وتىر. بۇل تۋرالى بۇگىن «اتامەكەن» ۇلتتىق كاسىپكەرلەر پالاتاسىندا وتكەن ساۋدا ساتتىقتى دامىتۋ جونىندەگى جاڭا باعدارلامانى تانىستىرۋ بارىسىندا قازاقستاننىڭ ساۋدا كاسىپورىندارى قاۋىمداستىعىنىڭ ۆيسە-پرەزيدەنتى جىبەك اجىبايەۆا ٴمالىم ەتتى، دەپ حابارلايدى baq.kz ٴتىلشىسى.

«ٴبىز 2015 جىلى ۇلتتىق پالاتانىڭ ارالاسۋىمەن ارنايى ساراپتاما جۇمىستارىن جۇرگىزگەن بولاتىنبىز. سول كەزدە ەلىمىزدىڭ باتىس ەلدەرىنەن ەكونوميكالىق جاعىنان 25-30 جىلعا كەيىن قالىپ قويعانى انىقتالدى. ٴتىپتى، رەسەيدىڭ ٴوزى 15 جىلعا الدا كەلەدى. ولار بىزدەن كوش ىلگەرى وزىپ كەتتى. بۇل، ارينە، ەلىمىزدىڭ ەكونوميكالىق جاعدايى وتە تومەن دەگەندى بىلدىرمەيدى. ٴبىراز شارۋالار جاسالىپ جاتىر. الايدا بۇل قادامدار ازدىق ەتەدى. ناقتى جۇمىستار جاسالىپ، العا ۇمتىلۋ كەرەك. قارجى بار. الايدا بۇل قارجىنى يگەرۋ، بيزنەس نىساندارىنا جەتكىزۋ ماسەلەسى دۇرىس جولعا قويىلماي وتىر. شاعىن جانە ورتا بيزنەس وكىلدەرىنە قول جەتىمدى ەمەس. اكىمشىلىك كەدەرگىلەر وتە كوپ. ياعني «كەپىلگە قوياتىن زاتىڭ جوق» دەگەن جەلەۋمەن كوپتەگەن شارۋالار مەملەكەت تاراپىنان ٴبولىنىپ جاتقان قارجىعا قول جەتكىزە المايدى. وسىنداي سەبەپتەرمەن بيزنەسكە بولىنگەن قىرۋار قارجى تولىق يگەرىلمەي وتىر»، - دەيدى جىبەك اجىبايەۆا.

سونداي-اق، ول وسىنداي كەدەرگىلەردى جويۋ ماقساتىندا اۋىلشارۋاشىلىق مينيسترلىگى كوتەرمە-تارتۋ ورتالىقتارىن قۇرۋ تۋرالى باستاما كوتەرىپ وتىرعانىن اتاپ ٴوتتى. بۇل جوبا ىسكە اسىرىلسا، شاعىن جانە ورتا كاسىپ پەن وڭىرلەردەگى قاناتقاقتى جوبالارعا قولداۋ كۇشەيتىلەتىن بولادى. شارۋا مەن ساتۋشىلار اراسىندا ورتاق مامىلە كۇشەيىپ، ساۋدا-ساتتىق بايلانىس ارتادى.

«بۇگىندە وسى باستامامىز جان-جاقتى زەرتتەلىپ جاتىر. ارتىقشىلىقتارى مەن وڭىرلەرگە قولجەتىمدىلىگىن دالەلدەپ، جوباسىن ۇسىنىپ تا قويدىق. وكىشكە قاراي بۇل جوبا قولداۋ تاپپاي وتىر. اۋىل شارۋاشىلىعى مەن ۇلتتىق ەكونوميكا مينيسترلىگىنىڭ ورتاق مامىلەگە كەلە الماي وتىر. بيىل ىسكە اسادى دەپ ۇمىتتەنەمىز. وسى كەدەرگىلەردى جويماي، وتاندىق بيزنەس العا جىلجىمايدى»، - دەيدى ول.

جيىندا، سونىمەن قاتار، وتاندىق ەكونوميكانىڭ اياعىنا تۇساۋ بولىپ وتىرعان ٴبىرقاتار جايتتار ٴسوز بولدى. ماسەلەن، قازىرگى ۋاقىتتا جۇمىس ىستەپ تۇرعان ستراتەگيالىق جانە باعدارلامالىق قۇجاتتاردا ساۋدا نىساندارىن قولداۋدىڭ ناقتى شارالارى قاراستىرىلماعان. قالا مەن اۋىلدى جەرلەر اراسىنداعى تاۋار باعاسىنىڭ ايىرماسى دا كوپ دۇنيەگە كەدەرگى بولۋدا.

«وسىنداي جايتتاردىڭ كەسىرىنەن وتاندىق تاۋار وندىرۋشىلەر مەن كاسىپورىندار عالامدىق باسەكەگە قاۋقارسىز بولىپ وتىر. مۇنداي قيىندىقتان شىعۋ ٴۇشىن شاعىن جانە ورتا بيزنەسكە ارنالعان نەسيەنىڭ ٴبىر بولىگىن سۋبسيديالاۋدى قولعا الىپ، ەكىنشى دەڭگەيلى بانكتەر مەن دامۋ بانكى اراسىنداعى نەسيەلىك شارتارعا كەپىلدىك بەرۋدى قولعا العان ٴجون. وتاندىق ونىمدەرگە قولداۋدى ارتتىرۋ كەرەك»، - دەيدى «اتامەكەن» ۇلتتىق كاسىپكەرلەر پالاتاسى ساۋدا كوميتەتىنىڭ ٴتوراعاسى قايرات ماجىبايەۆ.

سونداي-اق، دوڭگەلەك ۇستەلدە شەتەلدەن قىرۋار قارجىعا كەڭەسشىلەر شاقىرتۋ، جەلىلى ماركەتينگ قۇرۋ ارقىلى سالىقتان جالتارىپ وتىرعان الاياق كومپانيالار، ۇلكەن ساۋدا ورىندارىندا وتاندىق تاۋار وندىرۋشىلەر ەمەس شەتەلدىك كاسىپورىن ونىمدەرىنە باسىمدىق بەرىلۋ سەكىلدى تۇيتكىلدى ماسەلەلەر ٴسوز بولدى.

بۇركىت نۇراسىل


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي