BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق قۇس ونىمدەرىن ساتىپ الۋعا ٴۇش سەبەپ – مامان

استانا، baq.kz ٴتىلشىسى. قر جۇمىرتقا وندىرۋشىلەر اسسوسياسياسى پرەزيدەنتى ماكسيم بوجكو قازاقستانداعى قۇس فابريكالارىندا قۇس تۇماۋى تىركەلمەگەنىن، سول سەبەپتى ەلىمىزدە وندىرىلگەن قۇس ەتى مەن جۇمىرتقاسىن تۇتىنۋ ٴقاۋىپتى ەمەس ەكەنىن ايتتى.

قر اۋىل شارۋاشىلىعى مينيسترلىگى قۇس تۇماۋىنىڭ ٴورشۋى تىركەلگەن رەسەيلىك زاۋىتتاردان اكەلىنەتىن قۇس ونىمدەرىن يمپورتتاۋعا شەكتەۋ قويعاندىقتان، قازاقستاندىق وندىرۋشىلەرگە كورشى مەملەكەتتە بەلەڭ العان ىندەتتەن زالال كەلگەن جوق.

"كورشى مەملەكەتتەردەن كەلگەن تاۋىق ەتىن ساتىپ الاتىن تۇتىنۋشىلار بار. ولاردىڭ ونىمدەرى وتاندىق تاۋىق ەتىنە قاراعاندا ارزانداۋ شىعار، ٴبىراق ول ەت 15-30% ارالىعىندا سۋمەن تولتىرىلعان بولۋى مۇمكىن. تاۋىق ەتى ەمەس، سۋ ٴۇشىن اقشا تولەگىڭىز كەلمەسە، وتاندىق توڭازىتىلعان قۇس ەتىن الۋعا كەڭەس بەرەم"، - دەيدى ول.

سونداي-اق، ماكسيم بوجكو نە سەبەپتى تەك وتاندىق قۇس ونىمدەرىن تۇتىنۋ كەرەكتىگىنىڭ ٴۇش سەبەبىن ايتتى.

ونىڭ ايتۋىنشا، وتاندىق قۇس فابريكالارىنداعى ەتتى ٴتيىستى مەكەمەلەر تەكسەرىپ وتىراتىندىقتان، ٴاردايىم ساپالى جانە ٴقاۋىپسىز. شەتەلدەن كەلەتىن قۇس ەتىندە شىعارۋشى مەملەكەتتىڭ ۆەتەرينارلىق سەرتيفيكاتى بولعانىمەن، قازاقستان تاراپىنان قوسىمشا تەكسەرىلمەيدى.

"ەكىنشىدەن، قۇس فابريكاسى ەلىمىزدىڭ بارلىق وڭىرىندە بار دەۋگە بولادى. وتاندىق قۇس فابريكالارىنىڭ توڭازىتىلعان ەتىن ساتىپ العاندا جاڭا سويىلعان ەت ەكەنىنە سەنىمدى بولاسىز. ويتكەنى توڭازىتىلعان تاۋىق ەتىنىڭ جارامدىلىق مەرزىمى - 5 تاۋلىك قانا، سوندىقتان توڭازىتىلعان تاۋىق ەتن شەتەلدەن اكەلۋ مۇمكىن ەمەس. ۇشىنشىدەن، ٴبىزدىڭ قۇستار ەكولوگيالىق تازا جەممەن وسىرىلەدى، سوندىقتان ونىڭ ٴونىمى ساپالى ٴارى پايدالى بولادى"، - دەيدى ول.

وتاندىق قۇس ونىمدەرى باسەكەگە قابىلەتتى جانە رەسەيلىك، بەلارۋسيالىق ونىمدەردەن ساپاسى جاعىنان دا، باعاسى جاعىنان دا قالىس قالمايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي