BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق ٴونىمنىڭ تىنىسى قايتا اشىلۋدا (فوتو)

استانا 21 تامىز. baq.kz - كوپ جىلدان بەرى بوس تۇرىپ قالعان «ىرىس باحىت» جشس بىلعارى جانە تەرى كومبيناتىنىڭ جاڭا تىنىسى اشىلدى. كاسىپورىن سوڭعى التى ايدا وتكەن جىلعى كەزەڭمەن سالىستىرعاندا 18،2% ارتىق تاۋاردى ساۋداعا شىعارعان.

كاسىپورىن باسشىسى كەڭەسحان احايەۆتىڭ ايتۋىنشا،  سوڭعى ٴۇش جىلداعى تابىس وراسان زور.  كومبينات  2011 جىلى 95 ملن. 766 مىڭ تەڭگە تابىس تاپسا، 2012 جىلى 101 ملن. 235 مىڭ تەڭگەگە پايداعا كەنەلگەن. ال سوڭعى التى ايدىڭ قورتىندىسى بويىنشا  كاسىپورىن تابىسى - 86 ملن. 608 مىڭ تەڭگەگە جەتكەن.
«بۇل سالادا ساپالى شيكىزات كوزى تاپشى. كوبىنە ناۋقان كەزىندە  قاجەتتى شيكىزاتتارمەن ونى وندەيتىن حيميكاتتار الدىن الا ساتىپ الىنادى»،-دەگەن كەڭەسحان احايەۆ وسى سالاداعى كۇپتى ماسەلەنى تىلگە تيەك ەتتى.
«ىرىس باحىت» جشس 1994 جىلدان باستاپ ارناۋلى جۇمىس كيىمىن وندىرۋمەن اينالىسادى. كەزىندە كاسىپورىن كەڭەس وداعىنا قاراعان مەملەكەتتەردى ٴوز تاۋارىمەن  قامتاماسىز ەتكەن. الايدا  تاۋەلسىزدىكتىڭ العاشقى جىلدارىندا فابريكانىڭ جۇمىسى توقىراۋعا ۇشىراپ، جۇمىسى توقتاپ قالعان. بۇگىندە قيىن كۇندەر كەلمەسكە كەتكەن. شارۋاسىنىڭ شىرايى كىرگەن زاۋىتتىڭ زاتتارى قازاقستاندا كەڭىنەن تانىمال. ەلىمىزدە زاۋىت،  فابريكالار مەن ٴتۇرلى مەملەكەتتىك مەكەمەلەر وسى كومپانيانىڭ ارنايى كيىمدەرىن ساتىپ الادى.  ٴتىپتى، قىتاي، رەسەي، بەلارۋس ەلدەرىندە سۇرانىس جوعارى. كوبىنە ارناۋلى كيىم تىگۋمەن اينالىساتىن كومبينات قازاقتىڭ ۇلتتىق قولونەرىن دە ساۋداعا شىعارادى. مۇنداي تاڭداۋلى تاۋارلاردى جاساۋ ٴۇشىن شيكىزات الماتى، تالدىقورعان وبلىستارىننان جانە تاراز قالاسىنان اكەلىنەدى.  
كاسىپورىننىڭ ٴبىر ەرەكشەلىگى - وندىرىستەن قالعان قالدىقتان تۇرمىسقا اسا قاجەتتى جەلىم جاسالادى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي