BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭتۇستىك قازاقستاندا ديزاينەرلىك اياق-كيىمدەر شىعارىلاتىن بولادى

 استانا. 21 ٴساۋىر. baq.kz – قازاقستاندا ايەلدەر مەن ەر ادامدارعا ارنالعان ساپالى اياق-كيىم ٴوندىرىسىن جاقسارتۋ قولعا الىنباق. 2015 جىلدىڭ سوڭىنا دەيىن دۇكەن سورەلەرىندە 100 مىڭ جەڭىل اياق-كيىمدەر مەن باتەڭكەلەر پايدا بولاتىن بولادى دەپ حابارلايدى «دامۋ» كاسىپكەرلىك قورى.

 «وڭتۇستىك قازاقستان اياق-كيىم فابريكاسى» كومپانياسى العاشقى توپتاماسىنىڭ ديزاينىن بەكىتىپ ۇلگەردى. وتاندىق ٴوندىرۋشىنىڭ ونىمدەرى ساتىلىمعا وسى جىلدىڭ جاز ايىندا شىعادى. كومپانيا ديرەكتورى سانجار تىلەگەنوۆتىڭ ايتۋىنشا، ٴوندىرىستىڭ جاڭا كەزەڭى باستالماس بۇرىن اياق-كيىم سالاسى مەن نارىقتاعى قۇرىلعىلار زەرتتەلگەن.

«شىنى كەرەك، بىزگە كەلەتىن تاۋارلاردىڭ باسىم كوپشىلىگى قىتايدان اكەلىنەدى. ونىڭ ساپاسى دا كوڭىل كونشىتەرلىكتەي ەمەس. ٴبىزدىڭ ماقساتىمىز — جەرگىلىكتى وندىرۋشىلەردىڭ شەتەلدىكتەردەن كەم ەمەستىگىن تۇرعىندارعا دالەلدەۋ. ٴبىزدىڭ تاۋارلارىمىزدىڭ باعاسى قىمباتتاۋ بولسا دا، ساپالى بولادى. وعان اياق-كيىمدەردىڭ زاماناۋي ٴارى وزگەشە ديزاينىن قوسىڭىز»، — دەيدى تىلەگەنوۆ.

قۇرىلعىلار سۋبسيديالانعان پايىزدىق مولشەرلەمەمەن «دامۋ» قورى ارقىلى الىنعان. الداعى ۋاقىتتاردا جەڭىل اياق-كيىمدەردەن ەتىككە دەيىن جانە ديزاينەرلىك اياق-كيىمدەردى شىعارۋ جوسپارلانىپ وتىر.

«باستاپقىدا ٴبىز ٴوز كۇشىمىزبەن شىعامىز دەگەنبىز. ٴبىراق، بىزگە تاجىريبەلى سەرىكتەس كەرەگىن تۇسىندىك. قازاقستاندا بولمادى، تۇركيادان تاپتىق. شيكىزاتتىڭ كەي بولىگى شەتەلدەن اكەلىنەتىن بولدى. ٴبىز تىگىپ، دايىنداۋمەن اينالىساتىن بولدىق. ازىرگە ەلىمىزدەگى نارىقتا ساپالى شيكىزات جەتكىزۋشىلەر جوق»، — دەيدى كومپانيا باسشىسى.

بۇگىندە فابريكا كۇنىنە 1000 جۇپ جەڭىل اياق-كيىم شىعارادى. ٴوزىنىڭ ونىمدەرىن كومپانيا ٴىرى رەتەيلەر مەن نارىقتاعى كوتەرمە ساۋداگەرلەرگە وتكىزۋ ارقىلى جۇزەگە اسىرىپ وتىر.

ەستەرىڭىزگە سالا كەتسەك، وسىعان دەيىن وتاندىق اياق كيىم ٴوندىرىسىنىڭ كولەمى تومەندەپ كەتكەنىن حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي