BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا مجس جوبالارىن جۇزەگە اسىرۋدىڭ وڭتايلى جولدارى تالقىلاندى

فوتو: ОҚО әкімінің баспасөз қызметінен алынды

بۇگىن وڭتۇستىك قازاقستاندا وبلىس اكىمىنىڭ ٴبىرىنشى ورىنباسارى دارحان ساتىبالدىنىڭ توراعالىعىمەن «مەملەكەتتىك-جەكەمەنشىك سەرىكتەستىك جوبالارىن جۇزەگە اسىرۋ تۋرالى» جيىن ٴوتتى، دەپ حابارلايدى baq.kz ٴتىلشىسى.

وتىرىسقا قر ۇلتتىق ەكونوميكا مينيسترلىگى بيۋدجەتتىك ينۆەستيسيالار جانە مەملەكەتتىك-جەكەمەنشىك سەرىكتەستىكتى دامىتۋ دەپارتامەنتىنىڭ ديرەكتورى نۇرىم ايازبايەۆ، «قازاقستاندىق مەملەكەتتىك جەكەشەلىك ارىپتەستىك ورتالىعى» باسقارما ٴتوراعاسىنىڭ ورىنباسارى عالىمبەك مامرايەۆ، «مەملەكەتتىك-جەكەمەنشىك سەرىكتەستىك» اق ۆيسە-پرەزيدەنتى ايدوس كوبەتوۆ جانە جامبىل، قىزىلوردا مەن وڭتۇستىك قازاقستان وبلىسى اكىمدىكتەرىنىڭ وكىلدەرى قاتىستى.

تانىمدىق سەميناردى اشىپ بەرگەن د.ساتىبالدى ەلباسىنىڭ وسى جىلعى جولداۋىندا مەملەكەتتىك-جەكەمەنشىك سەرىكتەستىك مەحانيزمىن دامىتۋ ماسەلەسىنە توقتالىپ، ناقتى مىندەتتەردى ايقىنداپ بەرگەنىن ايتتى.

«اتالعان مەحانيزم بيۋدجەت مۇمكىنشىلىگىن ەسكەرە وتىرىپ، الەۋمەتتىك ماڭىزدى نىسانداردى سالۋ نەمەسە پايدالانۋ ٴۇشىن قاجەتتى قارجىلىق بازانى قامتاماسىز ەتۋدىڭ بالامالى قۇرالدارىنىڭ ٴبىرى. مەملەكەتتىك-جەكەمەنشىك سەرىكتەستىك مەحانيزمى مەملەكەت پەن بيزنەستىڭ ٴوزارا پايدالى ىنتىماقتاستىعىن ارتتىرىپ، ۇسىنىلاتىن قىزمەتتەر ساپاسىن جاقسارتۋعا جانە قاجەتتى ينفراقۇرىلىمداردى جاڭعىرتۋعا مۇمكىندىك بەرەدى»، - دەدى دارحان امانگەلدى ۇلى.

جيىنعا قر ۇلتتىق ەكونوميكا مينيسترلىگى مەن «قازاقستاندىق مەملەكەتتىك جەكەمەنشىك ارىپتەستىك ورتالىعى» اق ۇيىتقى بولعان.

«مەملەكەتتىك-جەكەمەنشىك سەرىكتەستىك» اق ۆيسە-پرەزيدەنتى ا.كوبەتوۆتىڭ مالىمەتىنشە، وسىناۋ جوبا اياسىندا وڭىرلەردە 350 جوبانى جۇزەگە اسىرۋ جوسپارلانسا، بۇگىنگى كۇنگە دەيىن ونىڭ ٴ42-نىڭ كەلىسىمشارتى جاسالعان. ال جالپى، مجس اياسىندا ەلىمىزدە جالپى قۇنى 1 تريلليون تەڭگەدەن استام قارجى بولاتىن جوبالاردى جۇزەگە اسىرۋ كوزدەلىپ وتىر.

ايتا كەتسەك، مۇنداي تانىمدىق سەمينارلار بۇعان دەيىن رەسپۋبليكانىڭ استانا، كوكشەتاۋ، اقتوبە، پاۆلودار، تالدىقورعان قالالارىندا ۇيىمداستىرىلعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي