BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا ەلىمىزدە بالاماسى جوق ىسكەر ايەلدەر كلۋبى قۇرىلدى

فوتو: ОҚО әкімінің баспасөз қызметінен алынды

وڭتۇستىك قازاقستان وبلىسى سايرام اۋدانىندا ەلىمىزدە العاش رەت ىسكەر ايەلدەردىڭ «سىرعالىم» قوعامدىق قورى قۇرىلدى، دەپ حابارلايدى baq.kz ٴتىلشىسى.

بيزنەس باستاعىسى كەلگەن ايەلدەرگە كومەك كورسەتىپ، وتباسىلىق تاربيە ماسەلەلەرىن قولعا العان كلۋب مۇشەلەرى اشىلعان از ۋاقىتتىڭ ىشىندە 20-دان استام ايەل ازاماتىنا زاڭدىق كەڭەستەر مەن پسيحولوگيالىق قولداۋ بىلدىرگەن. سونىمەن قاتار، مادەني-كوپشىلىك ٴىس-شارالاردى ۇيىمداستىرۋعا ۇيىتقى بولىپ، ۇرپاقتار ساباقتاستىعىن جانداندىرۋدا.

ماسەلەن، ىسكەر حانىمدار «ايەلگە سۇيىسپەنشىلىكپەن» اتتى اكسيا ۇيىمداستىرىپ، وندا مۇمكىندىگى شەكتەۋلى جانە الەۋمەتتىك جاعىنان از قامتاماسىز ەتىلگەن ايەلدەرگە داستارحان جايىپ سىي-سياپات جاسادى، بۇعان قوسا 30 اناعا استانادا وتەتىن «ەكسپو-2017» حالىقارالىق كورمەسىن تاماشالاپ قايتۋ ٴۇشىن بيلەتتەر تارتۋ ەتتى.

بۇل شارانى تاعدىردىڭ تاۋقىمەتىن تارتقان نازىك جاندارعا قۋانىش، ايەل باقىتىن سىيلاۋ ماقساتىندا ۇيىمداستىرىپ وتىرمىز، دەيدى قوعامدىق ۇيىم مۇشەلەرى.

«سىرعالىم» كوشباسشى قوعامدىق قورى گەندەرلىك الشاقتىقتاردى جويۋ، وتباسىن جوسپارلاۋدى قوسا العاندا، ايەلدەردىڭ دەنساۋلىعىن قورعاۋ ٴۇشىن قاجەتتى جاعدايلاردى قامتاماسىز ەتۋ، قىز-كەلىنشەكتەر مەن انالاردىڭ قۇقىقتارى مەن مۇددەلەرىن قورعاۋدى قامتاماسىز ەتۋ، قوعامنىڭ رۋحاني-ادامگەرشىلىك قۇندىلىقتارىن ارتتىرۋ جانە وسكەلەڭ ۇرپاق تاربيەسىن كۇشەيتۋ سىندى مىندەتتەردى قويىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي