BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو ىسكەرلىك كليماتتى قالىپتاستىرۋدا ۇزدىك ۇشتىككە كىردى

فوتو: ОҚО әкімінің баспасөз қызметінен

وڭتۇستىك قازاقستان وبلىسى ىسكەرلىك كليماتتى قالىپتاستىرۋدا رەسپۋبليكا بويىنشا ۇزدىك ۇشتىكتە. استانادان كەيىن ٴۇشىنشى ورىنعا تۇراقتاعان ٴوڭىردىڭ شاعىن جانە ورتا بيزنەستى دامىتۋداعى قارقىنى جوعارى. بۇگىن وڭتۇستىكقازاقستاندىقتارعا قازاقستاننىڭ كاسىپكەرلەر قۇقىعىن قورعاۋ بويىنشا وكىلى بولات پالىمبەتوۆ وسىنداي باعا بەردى. وبلىس اكىمى جانسەيىت تۇيمەبايەۆتىڭ قاتىسۋىمەن وتكەن كەزدەسۋدە كاسىپكەرلىك سالاسىنداعى وزگە دە وزەكتى ماسەلەلەر تالقىلانىپ، الداعى جوبا-جوسپارلار قارالدى، دەپ حابارلايدى baq.kz ٴتىلشىسى.

وبلىس اكىمى جانسەيىت تۇيمەبايەۆ قازاقستاننىڭ كاسىپكەرلەر قۇقىعىن قورعاۋ جونىندەگى وكىلى بولات پالىمبەتوۆپەن كەزدەسۋىندە وڭتۇستىك ٴوڭىردىڭ كاسىپكەرلىك سالاسىندا ٴجيى كوتەرىلەتىن پروبلەمالارعا جاۋاپ ىزدەلدى. اتاپ ايتساق، ٴوڭىردىڭ ىسكەرلىك كليماتىن قالىپتاستىرۋ، كولەڭكەلى ەكونوميكا مەن سىبايلاس جەمقورلىققا قارسى كۇرەس، سالىق تولەۋ، جەر تەلىمدەرىنىڭ بەرىلۋى سياقتى وزەكتى ماسەلەلەر جونىندە ٴسوز قوزعالدى. رەسپۋبليكا بويىنشا «اتامەكەن» كاسىپكەرلەر پالاتاسىنا شاعىن، ورتا جانە ٴىرى بيزنەسكە قاتىستى تۇسكەن ارىز-شاعىمداردىڭ باسىم بولىگى دە وسى ماسەلەلەر جونىندە تىركەلەدى. ٴوڭىر باسشىسى ايماقتا كاسىپكەرلىككە قاجەتتى جەر تەلىمدەرىنە دەگەن تاپشىلىق تۋىنداپ وتىرعانىن جەتكىزدى.

«وڭتۇستىك قازاقستان وبلىسىندا بوس جاتقان بىردە ٴبىر جەر تەلىمى جوق. وبلىس ورتالىعىنداعى بارلىق كوممەرسيالىق جەردىڭ ساتىلىپ كەتكەنىن جاسىرۋعا بولماس. سوندىقتان، ٴبىز قۇرىلىسى ۇزاق جىلدار بويى توقتاپ تۇرعان جەر تەلىمدەرىن انىقتاپ شىعىپ، قاداعالاۋىمىز قاجەت. بۇل رەتتە اۋدان-قالالارداعى بارلىق جەر تەلىمى تەكسەرۋدەن ٴوتىپ، ولاردىڭ تيىمدىلىگىن ارتتىرۋ جولدارىن ويلاستىرعان ابزال»، - دەدى جانسەيىت قانسەيىت ۇلى.

قازاقستاننىڭ كاسىپكەرلەر قۇقىعىن قورعاۋ جونىندەگى وكىلى بولات پالىمبەتوۆتىڭ ايتۋىنشا، وڭتۇستىكقازاقستاندىق كاسىپكەرلەردىڭ بەلسەندىلىگى جوعارى. دەسەك تە، ول ٴبىرقاتار تۇيتكىلدىڭ ٴتۇيىنى تارقاتىلماي وتىرعانىن جەتكىزدى.

«وڭتۇستىك قازاقستان وبلىسى كاسىپكەرلىك نىساندارى بويىنشا رەسپۋبليكامىزدا الدىڭعى ۇشتىككە كىرەدى. مۇنداعى كاسىپكەرلەردىڭ بەلسەندىلىگى دە جىل ساناپ ارتىپ كەلەدى. بۇل رەتتە جەرگىلىكتى كاسىپ يەلەرىنە قولداۋ ٴبىلدىرىپ وتىرعان جەرگىلىكتى بيلىكتىڭ دە جۇمىسىنا وڭ باعا بەرۋگە بولادى»، - دەدى بولات پالىمبەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي