BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو اكىمى جاس كاسىپكەرلەرمەن كەزدەستى

فوتو: ОҚО әкімінің баспасөз қызметінен

شىمكەنتتە جاس كاسىپكەرلەر كلۋبىنىڭ العاشقى وتىرىسى ٴوتتى. كەزدەسۋگە قاتىسقان وقو اكىمى جانسەيىت تۇيمەبايەۆ كلۋبتىڭ اشىلۋى جاس كاسىپكەرلەردىڭ بيزنەس-باستامالارىن ىسكە اسىرۋ مۇمكىندىكتەرىن كەڭەيتە تۇسەتىنىن ايتتى، دەپ حابارلايدى baq.kz ٴتىلشىسى.

«وبلىس ەكونوميكاسىن دامىتۋ – بارشامىزدىڭ جۇمىلا كوتەرەتىن جۇگىمىز. ول ٴۇشىن ٴاربىر ازامات مۇنداي جۇمىستاردى شاعىن ىستەردەن باستاۋى قاجەت. ماسەلەن، ٴۇي الدىنداعى باقشاڭىزدى كوركەيتىپ، دامىتۋعا بولادى. قۋانتارلىعى سول، وڭىرىمىزدە شاعىن جانە ورتا بيزنەس دامىپ كەلەدى. ەندىگى قادام، وسىناۋ كاسىپ يەلەرى بىرىگىپ، جۇمىس ىستەمەي تۇرعان ەسكى زاۋىتتاردى قالپىنا كەلتىرىپ، سول جەردە بيزنەستى ودان ارى قاراي دامىتۋ بولماق. سونىمەن قاتار، قازاقستاندى دامىعان 30 ەلدىڭ قاتارىنا ەنگىزۋ، تۇرعىنداردىڭ ٴال-اۋقاتى مەن تۇرمىس جاعدايىن سوعان ساي كوتەرۋ سىزدەر سەكىلدى جاستاردىڭ قولىندا. ەلباسى شاعىن جانە ورتا كاسىپتىڭ دامۋىنا كوپتەگەن مۇمكىندىك پەن جاعداي جاساپ وتىر. سونى دۇرىس پايدالانا بىلىڭىزدەر»، - دەدى اكىم.

سونىمەن قاتار، اكىم الداعى ۋاقىتتا جاس كاسىپكەرلەردى شەت ەلدەرگە تاجىريبە الماسۋ ماقساتىندا ىسساپارمەن جىبەرۋ قاجەتتىگىن ايتتى.

وتىرىستى جۇرگىزىپ وتىرعان وقو كاسىپكەرلەر پالاتاسىنىڭ ديرەكتورى ا.ابۋباكىروۆ كلۋبتىڭ ەركىن تاقىرىپتا بيزنەس-ديالوگ ورناتىپ، ٴتيىمدى جاعدايلار جاساۋ ماقساتىندا قۇرىلعانىن اتاپ ٴوتتى.

وڭىردەگى وتىزعا جۋىق جاس كاسىپكەردىڭ قاتىسۋىمەن وتكەن باسقوسۋدا بيزنەستىڭ دامۋى تۋرالى پىكىر الماسىپ، كرەاتيۆتى يدەيالار مەن ۇسىنىستار ايتىلدى. ماسەلەن، قاتىسۋشىنىڭ ٴبىرى مەملەكەتتىك مەكەمەلەر وزدەرىنە قاجەتتى زاتتى تەندەر ارقىلى الاتىن كەزدە جەرگىلىكتى جەردە شىعىپ جاتقان ونىمدەرگە باسىمدىق بەرۋىن جانە سول ونىمدەردىڭ ٴتۇر-تۇسى سيپاتتالعان رەەستر جاساقتالسا دەگەن ۇسىنىسىن ايتسا، ەندى ٴبىرى مەملەكەت باسشىسىنىڭ ارگوونەركاسىپ سالاسىندا شاعىن فەرمەرلەردى ٴبىر كووپەراتيۆكە بىرىكتىرۋ تاپسىرماسى بىزدەر ٴۇشىن زور مۇمكىندىك ەكەنىن ايتتى. وسى كووپەراتيۆكە بىرىگۋ ارقىلى كاسىبىن دامىتۋ ٴۇشىن تومەنگى پايىزبەن نەسيە الۋعا قول جەتكىزىپ وتىرعانىن جەتكىزدى.

سونىمەن قاتار، كلۋب وتىرىسىنا بيزنەستەرى جەمىستى دامىپ، ىسكەر اتانعان ازاماتتار قاتىسىپ، جاس ارىپتەستەرمەن ٴوز تاجىريبەلەرىمەن ٴبولىستى.

بۇگىندە جاس كاسىپكەرلەر كلۋبىنىڭ قۇرامىندا 40 جاسقا دەيىنگى 30 كاسىپكەر بار.

وڭتۇستىك قازاقستاندا بۇگىندە جۇمىس ىستەيتىن شاعىن جانە ورتا كاسىپكەرلىك سۋبەكتىلەرىنىڭ سانى 173 362 بولسا، ونىڭ 14 ٴ618-ى شاعىن كاسىپكەرلىكتەگى زاڭدى تۇلعالار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي