BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا كوكونىس ٴونىمى 2 ملن تونناعا ارتتى

استانا. 24 اقپان. baq.kz – وڭتۇستىك قازاقستاندا وبلىسىندا ماقتا ەگىستىگىن قىسقارتۋ ارقىلى كوكونىس ٴونىمى 2 ملن تونناعا ارتتى. بۇل جايىندا بۇگىن ورتالىق كوممۋنيكاسيالار قىزمەتىنىڭ بريفينگىندە قر پارلامەنتى سەناتىنىڭ دەپۋتاتى قۋانىش ايتاحانوۆ مالىمدەدى. 

- رەسپۋبليكامىزدا وڭتۇستىك قازاقستان بۇكىل ەلدى كوكونىس، جەمىس-جيدەكپەن قامتاماسىز ەتەتىن ٴوڭىر بولۋى قاجەت. ويتكەنى جازى ۇزاق، اۋا-رايى قولايلى. جاڭا تەحنولوگيالاردى ەنگىزسە شىعىن دا از كەتەدى. مىسالى، ماقتا مەن بيداي ەگىلەتىن جەرلەرگە باقشا داقىلدارىن ەگەتىن بولساق، جەم-شوپ داقىلدارىن ەگىپ مال ونىمدەرىن ۇلعايتۋعا əرەكەت جاسايتىن بولساق، سوندا ٴبىزدىڭ اۋىل شارۋاشىلىعىنا جۇمساعان ٴəربىر قارجىمىزدىڭ قايتارىمى بىرنەشە ەسە مول بولادى. ٴبىز ماقتا ەگىستىگىن قىسقارتۋ ارقىلى، كوكونىس ەگۋ مəسەلەسىن كوتەردىك. ٴقازىر وڭتۇستىك قازاقستان وبلىسىندا كوكونىس ٴوندىرۋ 2 ملن تونناعا ارتتى. جەمىس-جيدەك مəسەلەسى، ونىڭ بەرگى جاعىندا تامشىلاتىپ سۋارۋ سىندى ۇنەمدى جاڭا تەحنولوگيالاردى ەندىرۋ توڭىرەگىندە جۇمىس ىستەلۋدە، - دەدى دەپۋتات.

بۇل جۇمىستىڭ بارلىعى مەمەلەكەتتىك قولداۋ، سۋبسيديالاۋ، ٴتۇسىمى جوعارى داقىلدارعا باسىمدىق بەرۋ ارقىلى جاسالىپ جاتقاندىعىنا توقتالعان ق.ايتاحان ۇلى:

- مىسالى بۇرىن جۇگەرى ەگىستىگىنە ٴəربىر گەكتارىنا 3،8 مىڭ تەڭگە تولەنسە، ٴقازىر 20 000 تەڭگە تولەنەتىن بولىپ وتىر. سوندا شارۋالار كوپ تولەنەتىن داقىلداردى ەگەتىن بولادى. ال، جۇگەرى بىزگە بىرىنشىدەن استىق، ەكىنشىدەن مالدىڭ جەمى ٴۇشىن قاجەت. سول سياقتى كوكونىس، جەمىس-جيدەكتەر ەگىلەتىن جەرلەرگە سۋبسيديانى كوبىرەك بەرۋ ارقىلى ٴبىز ەگىن شارۋاشىلىعىن əرتاراپتاندىرۋ مəسەلەسىمەن شۇعىلدانىپ جاتىرمىز، - دەپ اتىپ ٴوتتى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي