BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇگەدەك كاسىپكەرلەرگە كومەك كورسەتىلدى

«دامۋ» قورى مەن «shinhan bank kazakhstan» اق مۇگەدەك كاسىپكەرلەرگە دەمەۋشىلىك كومەك كورسەتتى، دەپ حابارلايدى baq.kz.

«shinhan bank kazakhstan» مۇگەدەك كاسىپكەرلەر ٴۇشىن قۇنى 5،5 ملن تەڭگە بولاتىن 18 تىگىن ماشيناسىن ساتىپ الدى. «دامۋ» قورىنىڭ «دامۋ-كومەك» جوباسى اياسىندا تەحنيكانى «shinhan bank kazakhstan» باسقارما ٴتوراعاسى كيم حەن حۆان تابىستادى. ەندى مۇگەدەكتىگى بار كاسىپكەرلەر ٴوز كاسىبىن اشىپ، بيزنەسى بارلارى ٴىسىن دامىتۋعا مۇمكىندىك الدى. مۇنىمەن قاتار «shinhan bank kazakhstan» 18 كاسىپكەرگە ەسەپ-شوت اشىپ، ىستەرىن باستاپ كەتۋ ٴۇشىن شوتقا 100 مىڭ تەڭگەدەن سالىپ بەردى. بولاشاقتا بانك كوپ بالالى، الەۋمەتتىك جاعىنان از قامتىلعان وتباسىلار مەن مۇگەدەك بالالاردى كۇندىز باعاتىن ورتالىقتار ٴۇشىن تاپسىرىس تاۋىپ بەرەدى.

«دامۋ» قورىنىڭ باسقارۋشى ديرەكتورى عابيت لەسبەكوۆتىڭ ايتۋىنشا، «دامۋ-كومەك» جوباسى جۇزەگە اسىرىلا باستاعان 7 جىل ىشىندە www.damu-komek.kz سايتى ارقىلى رەسپۋبليكا بويىنشا 2 342 ٴوتىنىم تۇسسە، ول بويىنشا 1 945 مۇگەدەك جانعا كومەك كورسەتىلگەن. 2016 جىلى 300 ادام كومەك سۇراپ تىركەلسە، بارلىعى دەمەۋشىلەردەن قاجەتتى بۇيىمدارىن العان.

«دامۋ-كومەك» جوباسىنىڭ دەمەۋشىلەرى – كاسىپكەرلەر، ٴىرى بيزنەس يەلەرى جانە بانكتەر. مۇگەدەكتەردى قولداۋ جونىندەگى باستامامىزدى قولداعانى ٴۇشىن شينحان بانككە ريزامىز. بۇل – مۇگەدەكتەر ٴۇشىن تاپسىرىس تاۋىپ، بيزنەستەرىن كەڭەيتۋگە دەگەن ۇلكەن مۇمكىندىك. «دامۋ-كومەكتەن» باسقا قوردا «جۇلدىزدارعا قارا» جوباسى دا جۇزەگە اسىرىلىپ كەلەدى. ول بويىنشا مۇمكىندىگى شەكتەۋلى كاسىپكەرلەر قۇرال-جابدىققا دەپ 300 مىڭ تەڭگەگە دەيىن گرانت الا الادى. قازىرگى ۋاقىتتا 50 ملن تەڭگەدەن استام قارجىعا 250 گرانت بەرىلگەن. وتكەن جىلى ٴبىز «مۇگەدەك ايەلدەردىڭ كاسىپكەرلىك داعدىلارىن دامىتۋ» اتتى باعدارلامانى قولعا الدىق. بۇل باعدارلاما ايەلدەردى سۇرانىسقا ساي كاسىپ تۇرىنە وقىتىپ، دايىنداپ/قايتا دايىنداپ، بيزنەس-جوسپار قۇرۋعا باعىتتالعان. ٴقازىر 50 مۇگەدەك ايەل جۇمىسقا تۇرىپ، 90-ى كاسىپتىك دايىندىقتان ٴوتتى»،-دەدى «دامۋ» كاسىپكەرلىكتى دامىتۋ قورىنىڭ باسقارۋشى ديرەكتورى-باسقارما مۇشەسى عابيت لەسبەكوۆ.

شارا اياسىندا جارمەڭكە-كورمە ٴوتىپ، مۇگەدەك كاسىپكەرلەر ٴوز بۇيىمدارىن قويدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي