BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر "ۋاقىپ" قورىنىڭ نە ٴۇشىن قۇرىلعانىن ايتتى

بۇگىن وكق-دە قر ٴدىن ىستەرى جانە ازاماتتىق قوعام ٴمينيسترى نۇرلان ەرمەكبايەۆ، قازاقستان مۇسىلماندار ٴدىني باسقارماسىنىڭ نايب ٴمۇفتيى ناۋرىزباي وتپەنوۆ جانە «ۋاقىپ» قازاقستاندىق قورى» كورپوراتيۆتىك قايىرىمدىلىق قورىنىڭ پرەزيدەنتى قايرات ايتبايدىڭ قاتىسۋىمەن «ۋاقىپ» كورپوراتيۆتىك قايىرىمدىلىق قورىنىڭ قۇرىلۋىنا بايلانىستى بريفينگ ٴوتتى، دەپ حابارلايدى baq.kz اقپارات اگەنتتىگى.

2017 جىلعى 1 شىلدەدە «ۋاقىپ» قورى ادىلەت ورگاندارىندا تىركەۋدەن وتكەن بولاتىن. قور كوممەرسيالىق ەمەس ۇيىم. ونىڭ قۇرىلتايشىلارى: «ٴدىن جانە مادەنيەت حالىقارالىق ورتالىعى»، «ٴدىن ماسەلەرى جونىندەگى ساراپتامالىق جانە عىلىمي-زەرتتەۋ ورتالىعى»، سونداي-اق قازاقستاننىڭ ٴدىنتانۋشىلارى كونگرەسى» جانە قازاقستان مۇسىلماندارى ٴدىني باسقارماسىنىڭ «زاكيات» قورى.

«ۋاقىپ» قورىنىڭ قىزمەتىنە ناقتىراق توقتالا كەتسەم، ونىڭ قىزمەتى - ٴداستۇرلى رۋحاني-مورالدىق قۇندىلىقتاردى دامىتۋعا، مەملەكەتتىڭ زايىرلى نەگىزدەرىن نىعايتۋعا جانە ٴدىندى دەسترۋكتيۆتىك ماقساتتا قولدانۋعا جول بەرمەۋگە، سونىمەن قاتار، ٴدىني مازمۇنداعى عيماراتتار جانە الەۋمەتتىك نىساندار قۇرىلىسىن بىرلەسىپ سالۋعا جانە ٴدىني ۇيىمداردىڭ قىزمەتكەرلەرىنە قولداۋ كورسەتۋگە، ولاردىڭ بىلىكتىلىگىن ارتتىرۋعا باعىتتالادى. سونداي-اق، اتالعان قور مۇمكىندىگى شەكتەۋلى جاندارعا، جۇمىسسىزدار مەن از قامتىلعان وتباسىلارعا ماتەريالدىق كومەك كورسەتەتىن بولادى» - دەدى مينيستر نۇرلان ەرمەكبايەۆ.

ونىڭ ايتۋىنشا، ەلىمىزدەگى كوپتەگەن اۋقاتتى، سونداي-اق جاعدايى ورتاشا اۋقاتتى بيزنەسمەندەر «يگىلىكتى ىستەر» نەمەسە «ساۋاپتى ىستەر» جاساۋعا نيەت بىلدىرەدى. ولار وسى جولدا ەشكىمنىڭ رۇقساتىنسىز قايىرىمدىلىق جاساۋ ٴۇشىن مۇمكىندىكتەر ىزدەيدى. ماسەلەن، ولاردىڭ كەيبىرەۋلەرى تەك مەشىتتەر سالۋدى عانا «ساۋاپتى ٴىس» دەپ سانايدى دا، بارلىق قاراجاتتى مەشىت سالۋعا جۇمسايدى.

«ٴدىني جولداعى «ساۋاپتى ىستەر» جاساۋ ٴۇشىن تەك مەشىتتەر سالۋ مىندەتتى ەمەس، ول ٴۇشىن قوعامعا پايدالى كەز كەلگەن ٴىس ساۋاپقا جاتادى. مىسالعا الاتىن بولساق، مەكتەپتەر، اۋرۋحانالار، جول، كوپىر سالۋ جانە تاعى دا باسقا حالىق ٴۇشىن پايدالى ىستەردى ايتۋعا بولادى» - دەيدى مينيستر.

مىنە، وسىدان قور قۇرۋ يدەياسى تۋىنداعان، بۇل - قالىپتاسقان حالىقارالىق پراكتيكادا بار ٴۇردىس.

«ٴبىزدىڭ «ۋاقىپ» قورىنىڭ تاعى ٴبىر وزگەشەلىگى سول، قايىرىمدىلىق قاراجاتتارىن باسقارۋمەن قاتار تابىس تابۋمەن اينالىسا الادى. سول سەبەپتى قارجى تۇرىندەگى اكتيۆتەرىمەن قاتار، ماتەريالدىق، جىلجيتىن جانە جىلجىمايتىن مۇلىكتەردى باسقارۋعا رۇقسات بار. اتالعان تابىستاردىڭ سالىقتارىن تولەگەننەن كەيىن اقشانى قايىرىمدىلىققا جۇمساۋعا بولادى. ال كاپيتال (ەنداۋمەنت) قوماقتى بولسا، وندا ول كاسىبي باسقارۋشى ينۆەستيسيالىق كومپانيا باسقارۋىنا بەرىلەدى. مىسالى، كوپتەگەن مەملەكەتتەردە ۆاكفتار (ۋاقىپتار) ينستيتۋتى وسىنداي جاعدايدا جۇمىس ىستەيدى» - دەپ تۇيىندەدى ٴسوزىن مينيستر.

قور جۇمىسىنىڭ باستى باعىتتارىنىڭ ٴبىرى – بارشا قوعام ٴۇشىن پايدالى الەۋمەتتىك-ماڭىزدى جوبالارعا قولداۋ كورسەتۋ.

«مىسالى، كوپ بالالى وتباسىلارعا كومەكتەسۋ، بالالارعا ارنالعان سپورت سەكسيالارىن ۇيىمداستىرۋ، بالاباقشالار، اۋرۋحانالار سالۋ جانە باسقا دا الەۋمەتتىك جوبالار بار. قور وقۋ-ادىستەمەلىك نۇسقاۋلىقتار شىعارۋعا، ٴدىني مامانداردى مەملەكەتتىك ساياسات نەگىزدەرىنە، ەكونوميكا، فيلوسوفيا، الەۋمەتتىك عىلىمداردى وقىتۋعا، ٴتۇرلى سەمينارلار، كونفەرەنسيالار وتكىزۋگە، ٴدىني ەكسترەميزمنىڭ جانە راديكاليزمنىڭ الدىن الۋعا باعىتتالعان دەرەكتى، كوركەم فيلمدەر تۇسىرۋگە دە ات سالىسادى» - دەپ تولىقتىردى نۇرلان ەرمەكبايەۆ.

سونداي-اق «ۋاقىپ» قورى ٴوز قىزمەتىندە ٴدىني بىرلەستىكتەرگە يمامدارعا ستيپەنديالىق كومەك كورسەتۋ، ٴبىلىم دەڭگەيىن كوتەرۋ، جانە عيبادات ۇيلەرىن ۇستاۋ ارقىلى كومەك كورسەتەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي