BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەت باسشىسى «قازاقستان اسەلسان ينجينيرينگ» جشس جۇمىسىمەن تانىستى (فوتو)

استانا. 19 جەلتوقسان. baq.kz - نۇرسۇلتان نازاربايەۆ ەلەكتروندىق-وپتيكالىق قۇرىلعىلار شىعاراتىن قازاق-تۇرىك بىرلەسكەن كاسىپورنى قىزمەتىمەن تانىستى، سونداي-اق وندىرىستىك كورپۋستارىن قاراپ شىقتى. مەملەكەت باسشىسى قازاقستاندا مۇنداي جوعارى تەحنولوگيالىق ٴوندىرىس قۇرۋدىڭ ماڭىزدىلىعىن ەرەكشە اتاپ ٴوتتى. بۇل تۋرالى اقوردانىڭ ٴباسپاسوز قىزمەتى حابارلادى.

بۇعان قوسا، استانا قالاسىنىڭ اكىمى ي.تاسماعامبەتوۆ كاسىپورىندى ارالاۋ بارىسىندا «استانا – جاڭا قالا» يندۋستريالىق پاركى – ارنايى ەكونوميكالىق ايماعى جۇمىسىنىڭ ارالىق ناتيجەلەرى تۋرالى باياندادى، وندا كاسىپورىن ٴوز قىزمەتىن جۇزەگە اسىرادى. جالپى، پارك اۋماعىندا ينۆەستيسيالىق جالپى كولەمى 181 ملرد. تەڭگە بولاتىن 49 جوبا ٴمالىم بولعان، ونىڭ ىشىندە 11 جوبا تابىستى جۇمىس ىستەۋدە، ٴ8-ى پايدالانۋعا بەرىلۋدە، ال قالعان 30-ى ىسكە اسىرىلۋ ۇستىندە.

«قازاقستان اسەلسان ينجينيرينگ» جشس ەلەكتروندىق-وپتيكالىق قۇرىلعىلار شىعاراتىن بىرلەسكەن كاسىپورنى نۇرسۇلتان نازاربايەۆتىڭ تۇرىك رەسپۋبليكاسى باسشىلىعىمەن ۋاعدالاستىعىنا سايكەس 2011 جىلى قۇرىلعان بولاتىن.

بىرلەسكەن كاسىپورىنعا قاتىسۋشى – «اسەلسان» كومپانياسىمەن ترانسفەرت تەحنولوگياسى تۋرالى شارت اياسىندا تۇرىك تاراپى قازاقستاننىڭ قورعانىس-ونەركاسىپ كەشەنى ونىمدەرىنىڭ كومپونەنتتەرى بولىپ سانالاتىن ەلەكتروندىق-وپتيكالىق قۇرىلعىلار، ەلەكتروندىق پلاتالار مەن لينزا ٴوندىرىسى ٴۇشىن تەحنولوگيالىق قۇجاتتار، ماتەريالدار مەن جابدىقتار ۇسىنىپ وتىر.

بۇعان قوسا، بىرلەسكەن كاسىپورىن ونىمدەرىن قازاقستاندىق قامتۋدى ٴبىرىنشى كەزەڭدەگى 30 پايىزدان تاياۋ بەس جىل ىشىندە 67 پايىزعا دەيىن ۇلعايتۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي