BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماسكەۋدە قازاقستاندىق ونىمدەر تانىستىرىلدى

فوتو: Lada.kz

ماسكەۋ قالاسىندا «ماسكەۋ ساۋدا-ونەركاسىپتىك پالاتاسى» وداعىنىڭ قولداۋىمەن قازاقستاننىڭ سىرتقى ساۋدا پالاتاسى، «اتامەكەن» قر ۇلتتىق كاسىپكەرلەر پالاتاسى ۇيىمداستىرعان قازاقستاندىق كاسىپكەرلەردىڭ ساۋدا-ەكونوميكالىق ميسسياسى ٴوتتى، دەپ حابارلايدى baq.kz اقپارات اگەنتتىگى سىرتقى ساۋدا پالاتاسىنىڭ ٴباسپاسوز قىزمەتىنە سىلتەمە جاساپ.

بيزنەس-ميسسياعا تاماق ونىمدەرىن، ەلەكتر-تەحنيكالىق تاۋارلاردى، كاسىپتىك جۋۋ جانە دەزينفەكسيالاۋ قۇرالدارىن ٴوندىرۋ سالاسىنىڭ كاسىپورىندارىنىڭ وكىلدەرى قاتىستى. اتاپ ايتقاندا، تاماق ونىمدەرى بلوگىندا كونديتەرلىك ونىمدەردى، شۇجىق جانە ەت دەليكاتەستەرىن، جىلدام دايىندالاتىن ونىمدەردى، تابيعي بال، توساپ پەن كومپوتتاردى، قىشقىل ٴسۇت ٴونىمىن وندىرۋشىلەردىڭ كەڭ سپەكترى بولدى.

«سسپ قازاقستاندىق وندىرۋشىلەر دە، رەسەيلىك ارىپتەستەر دە پايدالانا الاتىن قولداۋدىڭ ۇلكەن باعدارلاماسىن ۇسىنادى. قازاقستان مەن رەسەي اراسىنداعى تاۋار اينالىمىنىڭ دەڭگەيى 2017 جىلى 17،5 ملرد دوللار بولدى جانە بىرلەسكەن كاسىپورىندار قارقىندى وسكەن كەزدە دە ىنتىماقتاستىق الەۋەتى جالعاسا بەرەدى»، - دەپ اتاپ ٴوتتى قازاقستاننىڭ سىرتقى ساۋدا پالاتاسىنىڭ وكىلى دۋلات وماروۆ.

رەسمي بولىك اياقتالعاننان كەيىن قازاقستاندىق جانە رەسەيلىك كاسىپورىندار ۆ2ۆ-سەسسياسى شەڭبەرىندە ەكىجاقتى كەلىسسوزدەر وتكىزدى. ماسكەۋلىك ريتەيل-جەلىلەردىڭ وكىلدەرى قازاقستاننان كەلگەن الەۋەتتى ارىپتەستەردىڭ ٴونىمىن كورۋ جانە ٴدامىن تاتۋ مۇمكىندىگىنە يە بولدى. بۇل وتاندىق تاماق ونىمدەرىن وندىرۋشىلەر ٴۇشىن رەسەيلىك ٴىرى ريتەيلەرلەرمەن بايلانىس ورناتۋدىڭ زور مۇمكىندىگى بولدى.

ميسسيا قورىتىندىسى بويىنشا قازاقستاندىق جانە رەسەيلىك كومپانيالار اراسىندا ىنتىماقتاستىق تۋرالى شارتتارعا قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي