BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مارات احمەتجانوۆ كاسىپكەرلەرگە سالىنعان ايىپپۇلدىڭ كولەمىن قىسقارتۋدى ۇسىندى

بۇگىن قر پارلامەنتى سەناتىندا «بيزنەستىڭ قۇقىقتارى مەن مۇددەلەرىن قورعاۋدى زاڭنامالىق تۇرعىدان قامتاماسىز ەتۋ» تاقىرىبىنا ارنالعان تىڭدالىم وتكەن بولاتىن. شارادا قر باس پروكۋرورىنىڭ ورىنباسارى مارات احمەتجانوۆ زاڭدى بۇزعان كاسىپكەرلەرگە جازانى جەڭىلدەتۋ باستاماسىن كوتەردى، دەپ حابارلايدى baq.kz ٴتىلشىسى.

«قولعا الىناتىن شارالاردىڭ قاتارىندا اكىمشىلىك جازالاۋدى جەڭىلدەتۋ بار. ايىپپۇل – ارينە كەرەك. ٴبىراق، بەس ساۋساق بىردەي ەمەس. سوندىقتان ٴاربىر جاعدايدى ەرەكشە قاراعان ٴجون. مىسالى، كاسىپكەرلەردىڭ جازاسىن جەڭىلدەتەتىن جاعداي بولسا، ايىپپۇلدى 30%-عا تومەندەتۋگە مۇمكىندىك بار. ول – ابايسىزدان قىلمىستى (ەكونوميكالىق – اۆتور) ٴبىرىنشى رەت جاساپ وتىرسا، ونداي نورمانى قولدانۋعا بولادى. 15 اقپاندا وسى زاڭ جوباسى قر پارلامەنتى ٴماجىلىسىنىڭ ٴبىرىنشى وقىلىمىندا ماقۇلداندى. ەگەر ازامات كەمشىلىگىن ٴتۇسىنىپ، دەر كەزىندە ايىپپ ۇلىن تولەسە، ول 50%-عا دەيىن ازايتىلادى. بۇل ۇسىنىس ماقۇلدانىپ، وزگەرىس جوباسى دايىندالۋدا»، - دەدى ول.

سونىمەن قاتار، مارات احمەتجانوۆ كاسىپكەرلىك سالاسىنداعى تاعى ٴبىر كەمشىلىككە توقتالدى.

«ودان باسقا، كەمشىلىكتەر مەرزىمىنەن بۇرىن جويىلسا، رەسەنزيانىڭ كۇشى قالپىنا كەلتىرىلۋى كەرەك. ٴقازىر مۇنداي جاعداي كەزدەسەدى. تەكسەرۋشى ورگان كەمشىلىكتەردى تاۋىپ، كاسىپكەردىڭ جۇمىسىن 6 ايعا دەيىن توقتاتا الاتىن مۇمكىندىگى بار. وسى كەمشىلىكتەردى (كاسىپكەر – اۆتور) ٴبىر اپتادا جويسا دا كاسىپكەر سول مەرزىمدى تولىعىمەن كۇتۋگە ٴماجبۇر. بۇل نورما ٴتيىمسىز»، - دەپ تۇيىندەدى ٴسوزىن قر باس پروكۋرورىنىڭ ورىنباسارى مارات احمەتجانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي