BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماڭعىستاۋدا "باستاۋ بيزنەس" بويىنشا 605،2 ملن تەڭگەگە 192 جوبا جۇزەگە اسىرىلدى

استانا، baq.kz. بۇگىن وبلىس اكىمى ەرالى توعجانوۆتىڭ قاتىسۋىمەن اپپاراتتىق جيىن ٴوتتى. جيىندا "جۇمىسپەن ناتيجەلى قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان" ەڭبەك باعدارلاماسىن ىسكە اسىرۋدىڭ الدىن الا قورىتىندىلارى قارالدى. بۇل تۋرالى وبلىس اكىمدىگىنىڭ ٴباسپاسوز قىزمەتى حابارلادى.

جۇمىسسىز جانە ٴوزىن-وزى جۇمىسپەن قامتىپ وتىرعان حالىقتى جاپپاي وقىتۋ، كاسىپكەرلىك نەگىزدەرىنە وقىتۋ جانە جەڭىلدەتىلگەن شاعىن كرەديت بەرۋ ارقىلى كاسىپكەرلىك باستامالاردى قولداۋعا، ەڭبەك ۇتقىرلىعىن ارتتىرۋعا باعىتتالعان بۇل باعدارلاما 2017 جىلدىڭ ناۋرىز ايىنان باستاپ ىسكە اسىرىلۋدا. بيىل باعدارلامانى ىسكە اسىرۋعا 2،8 ملرد.تەڭگە قاراستىرىلعان.

"باعدارلاماعا سايكەس 1131 ادامدى 15 ۇيىمدا وقىتۋ كوزدەلىپ وتىر. بۇل، ەڭ الدىمەن، ۇبت تاپسىرماعان جانە وقۋ ورىندارىنا تۇسپەگەن مەكتەپ تۇلەكتەرى. ستۋدەنتتەر تەگىن وقيدى، سونىمەن قاتار ستيپەنديا تولەنىپ، كۇنىنە ٴبىر رەت ىستىق تاماق بەرىلەدى. باسقا قالالاردان كەلگەندەرگە جول ٴجۇرۋ جانە تۇرۋ شىعىندارعا ماتەريالدىق كومەك كوزدەلگەن. سونداي-اق كوللەدجدە جانە وقۋ ورتالىقتارىندا 712 ادام قىسقا مەرزىمدى كۋرس وقىدى. وقۋ مەرزىمى-ەڭبەك نارىعىندا سۇرانىسقا يە ماماندىقتار بويىنشا 1 ايدان 6 ايعا دەيىن. وقۋدان كەيىن 187 ادام جۇمىسقا ورنالاستىرىلدى»،- دەدى ماڭعىستاۋ وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قۋانىش بەرىشبايەۆ.

جالپى، جىل باسىنان بەرى 26،6 مىڭ جاڭا جۇمىس ورنى اشىلسا، ونىڭ ىشىندە 85% تۇراقتى نەگىزدە. وبلىس بويىنشا باعدارلاما اياسىندا 19،1 مىڭ ادام، ونىڭ 13،9 مىڭى تۇراقتى جۇمىس ورىندارىنا ورنالاستىرىلعان.

«باستاۋ بيزنەس» باعدارلاماسى بويىنشا 880 ادام وقىتىلدى جانە جالپى سوماسى 605،2 ملن.تەڭگەنى قۇرايتىن 192 جوبا جۇزەگە اسىرىلدى»، - دەپ مالىمدەدى «اتامەكەن» ۇكپ ماڭعىستاۋ وبلىسى بويىنشا باسشىسى نۇربەك قاراسايەۆ.

«اگروونەركاسىپ كەشەنىن دامىتۋ ٴۇشىن 341 جوباعا 1 244،89 ملن. تەڭگە ٴبولىندى، ونىڭ ىشىندە 712 500 ملن. تەنگەنى قۇرايتىن 187 جوبا ىسكە اسىرىلدى»، - دەدى وبلىستىڭ اۋىل شارۋاشىلىعى باسقارماسىنىڭ باسشىسى سەرىك قالدىعۇل.

«شاعىن جانە ورتا بيزنەس سالاسىندا 2017-2021 جىلدارعا ارنالعان "ەڭبەك" ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىن ىسكە اسىرۋدان كۇتىلەتىن بولجام - 543،3 ملن.تەنگەنى قۇرايتىن 37 جوبا، 103 جۇمىس ورنىن قۇرۋ. اقتاۋ جانە جاڭاوزەن قالالارىندا شاعىن نەسيەلەۋگە 543 263 مىڭ تەڭگە ٴبولىندى، بۇل 2017 جىلعا قاراعاندا 2،2 ەسە كوپ»، - دەدى كاسىپكەرلىك جانە ساۋدا باسقارماسىنىڭ باسشىسى ۆەنەرا مۇستاپايەۆا.

ەلباسىنىڭ جاڭا جولداۋىن جانە بەس الەۋمەتتىك باستامانى ىسكە اسىرۋ بارىسى تۋرالى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى مارينا البەكوۆا باياندادى.

«حالىقتىڭ تابىس دەڭگەيىن ارتتىرۋ تارماعى بويىنشا بۇگىنگى كۇنى وبلىستا تابىسى 42،5 مىڭ تەڭگەدەن كەم 39 889 قىزمەتكەرگە تومەن ەڭبەكاقى تولەنەدى. بيۋدجەتتىك ۇيىمداردا جالاقىسى تومەن 24 251 قىزمەتكەردىڭ جالاقىسىن ارتتىرۋعا 2019 جىلعا ارنالعان رەسپۋبليكالىق بيۋدجەتتەن 3،2 ملرد.تەڭگە كوزدەلگەن. سونىمەن قاتار، وبلىستا 50 كومپانيا جالاقىسى تومەن قىزمەتكەرلەرگە جالاقى مولشەرىن ارتتىرۋعا دايىن ەكەندىكتەرىن مالىمدەدى»، - دەپ مالىمدەدى ول.

ٴبىلىم بەرۋ ساپاسىن ارتتىرۋ ماسەلەسى بويىنشا ٴۇش اۋىسىمدى مەكتەپتەردىڭ تىزبەسى پىسىقتالدى. باسقۇدىق جانە اتامەكەن اۋىلدارىنداعى مەكتەپتەرگە ٴارقايسىسى 320 ورىندىق 2 قوسىمشا قۇرىلىس سالىناتىن بولادى. 2019 جىلى باتىر اۋىلىندا 960 ورىندىق 1 مەكتەپ سالۋ جوسپاردا بار. سونىمەن قاتار، 2019-2020 وقۋ جىلىنان باستاپ 4، 9، 10 سىنىپتاردا نازاربايەۆ زياتكەرلىك مەكتەپتەرىنىڭ وقىتۋ جۇيەسى مەن ادىستەمەسىن ەنگىزۋدى قامتاماسىز ەتۋ بويىنشا جۇمىستار جۇرگىزىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي