“made in araltobe” نەمەسە اۋىلدا جاسالعان اياق كيىم

بقو. 8 قىركۇيەك. baq.kz ۇلىنىڭ سەحىنا كومەكشى بولاتىن فيليال اشۋعا وقتالادى اعامىز. ونىڭ بۇل ويىن ارالتوبە اۋىلدىق وكرۋگىنىڭ اكىمى ٴادىلحان مۇحيتوۆ قولداپ، جاڭا كاسىپكەرلىك نىسا­نىن ارالتوبە اۋىلىنان اشۋعا كەڭەس بەرەدى. وتكەن جىلدىڭ سو­ڭىندا يننوۆاسيالىق جوبا­لار­عا بەرىلەتىن 3 ملن. تەڭگە كولەمىن­دەگى گرانتتى ۇتىپ العان ٴناسىپقا­لي شىڭعالي ۇلى اۋىلداعى بوس تۇر­­عان ٴۇيدى سەحقا اينالدىرادى. قاي­تارىمسىز بەرىلگەن گرانت قار­جىسى اتەلەنىڭ قۇرال-جاب­دىق­تارىن ساتىپ الۋعا جۇمسالدى. ٴتى­گىن سەحىنا جۇمىسقا الىنعان اۋىل تۇرعىندارىن ىسكە باۋلۋدا اعا­مىزدىڭ ۇلى ريشاد كومەكتەس­ٴتى. 

قازىرگى ۋاقىتتا اۋىلداعى «اسەم» سەحىندا اياق كيىم تىگىلەدى. ونىڭ ىشىندە قىزمەتتىك ٴتۇرى باسىم دەگەنمەن، كادۋىلگى تۇرمىستا تۇتى­نۋعا ارنالعان تۇرلەرى دە بار. ٴونىمنىڭ باستى وزگەشەلىگى تازا تا­بيعي ماتەريالدان تىگىلەدى. نەگىزگى شيكىزاتتار ماسكەۋ، سامارا، تاشكەنت، شىمكەنت قالالارىنان الدىرتادى.

اياق كيىمدەردىڭ جاسالۋى بىلايشا ٴوربيدى. الدىمەن بولاشاق اياق كيىمنىڭ قۇراقتارى پىشۋدەن وتەدى. جەكە بولىكتەردى جەدەل دا­يىنداپ تىگە الاتىن اتەلە قىز­مەتكەرلەرى ولاردى ٴاپ-سات­تە دا­يىن بولىكتەرگە اينالدىرادى. سو­دان كەيىن بارلىق بولىك­تەر رەتىمەن تىگىلىپ، قاجەتتى ساڭى­لاۋلارى سالىنادى. تابانى وبلىس ورتالى­عىنان قۇيدىرىلادى. سوسىن عانا ساۋداعا شىعارۋعا جارايتىن تا­­ۋار پايدا بولادى. الاقانداي عانا جەر­دە شاعىن ۇجىمنىڭ ۇيىم­داس­قان جۇمىسىنىڭ ارقاسىندا، اتەلە ايىنا 300-500 جۇپقا دەيىن اياق كيىم شىعارادى. باعاسى تۇراقتى، مىسالعا، بۇلدىرشىندەردىڭ جازعى اياق كيىمى – 500 بەن 800 تەڭگە ارالىعىندا. جۇمىس كيىمىن 4500 تەڭگەگە الۋعا بولادى. ال ارنا­يى جۇمىس اياق كيىمى 3000 - 6000 تەڭگە شاماسىندا. قونىشتىلاۋ كەلەتىن، اسكەري ۇلگىدەگى اياق كيىم (بەرسى) – 6 مىڭنان باستاپ، 8500 تەڭگەگە دەيىن بارادى. تاپسىرىس بويىنشا كۇرەسكە، كوك­پارعا ارنالعان اياق كيىمدەر دە تىگىلەدى. سونىمەن بىرگە ساتىلىمدا قىز­مەتتىك ارنايى كيىمدەر دە بار. ٴناسىپقالي شىڭعالي ۇلى ٴونىمىن ورال قالاسىنداعى ٴبىر كوم­پا­نياعا اراداعى ۇزاقمەر­زىمدىك كە­ٴلىسىم بويىنشا وتكىزەدى. بۇگىن­دە ارالتوبەدە تىگىلگەن اياق كيىم قازاقستان اۋماعىنا تارالادى.

ٴناسىپقالي اعانىڭ ەندىگى كەزەكتەگى نەگىزگى ماقساتى - ەڭبەك ەكپى­ٴنىن ەسەلەۋ. بۇل كىسىنىڭ تەرى يلەۋ­ٴدى تۇبەگەيلى مەڭگەر­گەن مامان ەكەنىن ايتا كەتۋ كەرەك. بۇرىن­دارى ارنايى اپپاراتتارعا اپا­رىپ، ٴوز قولىمەن يلەگەن تەرى­ٴسىن كادەسىنە جاراتىپ جۇرگەن كا­­ٴسىپ­كەر اعامىز الداعى جۇمىسىن دا سول باعىتتا تىندىرۋدى جوسپارلاۋدا. ول اۋدان ورتالىعىنان ٴجۇن مەن تەرى قابىلدايتىن قوي­ما اشۋدى ويلايدى. كاسىپكەر قا­ٴزىر­ٴدىڭ وزىندە بۇل جۇمىستى اۋىل ىشىندە باستادى.

اۋىلدىق وكرۋگ اكىمىنىڭ ايتۋىنشا، ٴناسىپقالي جىلقىاي­دا­روۆتىڭ كاسىبى اۋىلدىڭ كەي تۇرعىندارىنىڭ ەڭبەك جاعدايىنىڭ جاقسارۋىنا ۇلەس قوسىپتى. مىسالى، كەزىندە الماتى قالاسىنان اياق كيىم تىگۋ ماماندىعىن مەڭ­گەر­گەن التىن تولەۋعاليەۆا وسى اتەلەدە جۇمىستا. تىگىنشى نۇرگۇل بەكەتوۆا مەن ٴپىشۋشى گۇلشات قوج­جانوۆا دا قىزمەت ورنىن وسى كاسىپورىننان تاپقاندارىنا قۋانىشتى. مۇمكىندىگى شەكتەۋلى زامانداسىمىز ٴانۋار رىسقاليەۆ اۋىلداعى اتەلەنىڭ العا باسۋىنا تەر توگىپ ٴجۇر. ەڭبەك ونىمدىلىگى­نە قاراي ولار ايىنا 50 مىڭ تەڭگەگە دەيىن جالاقى الادى.

باۋىرجان شيرمەدين ۇلى،

ارالتوبە اۋىلى،

سىرىم اۋدانى 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!