BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستاناي وبلىسىندا ىسكە قوسىلعان يننوۆاسيالىق جوبالار ٴوز جەمىسىن بەرۋدە

فوتو: автор

قوستاناي اۋدانىندا يندۋستريالدى-يننوۆاسيالىق دامۋ باعدارلاماسىنا ەرەكشە مəن بەرىلىپ وتىر. وعان دالەل قوستاناي اۋدانىندا ىسكە اسىپ جاتقان ٴىرى ينۆەستيسيالىق جوبانىڭ ٴبىرى – كوكونىس قويماسى. سىيىمدىلىعى 10 مىڭ 300 توننا كوكونىس قويماسىنىڭ قۇرىلىسىنا جالپى قۇنى 180 ملن تەڭگە جۇمسالعان. قاراجاتتىڭ 44 ملن تەڭگەسىن جوبا يەسى بولىپ تابىلاتىن «تەررا» شارۋا قوجالىعى شىعارسا، قالعان بولىگى ەلىمىزدىڭ ەكىنشى دەڭگەيلى بانكتەرى مەن «قازاگروقارجى» اق ارقىلى بەرىلىپ وتىر، دەپ حابارلايدى baq.kz ٴتىلشىسى.

بانكتەردەن الىنعان نەسيە كوكونىس قويماسىنىڭ قۇرىلىسىنا جۇمسالسا، «قازاگروقارجى» اق كومەگىمەن ليزينگ ارقىلى زامان تالابىنا ساي قۇرال-جابدىقتار ساتىپ الىنعان. جوباعا مەملەكەت تاراپىنان كورسەتىلگەن قولداۋدىڭ بارىن دا ايتا كەتكەن ٴجون.

ياعني، قارجىلاندىرۋدىڭ ٴتيىمدى شارتتارى بويىنشا نەسيەنىڭ ٴبىر بولىگىن تولەپ بەرۋدى موينىنا الىپ وتىر.

«بۇل جوبانى قولعا الۋدى كوپتەن بەرى ويلاپ جۇرگەنبىز. ٴبىزدىڭ وڭىردە وسىنداي ٴىرى مولشەردە ٴونىم قابىلدايتىن كوكونىس قويماسى جەتىسپەيدى. سونىڭ ىشىندە ٴوزىم باسقاراتىن قوجالىقتىڭ كوكونىس قويماسىنان تاپشىلىق كورۋگە ٴتۇرلى سەبەپتەر بار. ماسەلەن، كوكونىس ونىمدەرىنىڭ كولەمى جىلدان-جىلعا ارتىپ كەلەدى. ونىڭ ۇستىنە ٴبىز ەگىستىك القاپتارىن ۇلعايتتىق. سالدارىنان قويما سالىنباي تۇرعانعا دەيىن جىل سايىن شامامەن 3،5 مىڭ توننا ٴونىمدى ىسىراپ ەتىپ الماس ٴۇشىن، تەز ارادا ساتۋعا ٴماجبۇر بولىپ جۇردىك. بۇل بىزگە ەشقانداي پايدا اكەلمەيتىنىن ٴبىلىپ وتىرسىزدار. قازىرگى تاڭدا ٴساتتى جۇزەگە اسقان ينۆەستيسيالىق جوبا جوعارىدا اتالعان ماسەلەلەردىڭ وڭتايلى شەشىمىن تاۋىپ بەردى»– دەيدى شارۋا قوجالىعىنىڭ باسشىسى ۆلاديمير سەمەيكين بىزبەن اڭگىمە بارىسىندا.

جاڭا جوبامەن بىرگە جاڭا جۇمىس ورىندارى دا اشىلىپ وتىر. قوجالىق 95 ادامدى تۇراقتى جۇمىسپەن قامتىدى. قويما زامان تالابىنا ساي قۇرال-جابدىقتارمەن قامتاماسىز ەتىلگەندىكتەن، جۇمىسشىلار كوكونىستى بۇرىنعىداي قولدارىمەن ٴبولىپ سۇرىپتامايدى. بارلىعى اۆتوماتتاندىرىلعان قۇرىلعىلار ارقىلى جۇزەگە اسادى.

ەرەكشە توقتالا كەتەر ٴبىر جايت، وسىناۋ ينۆەستيسيالىق جوبانىڭ قۇرىلىس جۇمىستارىنا نەگىزىنەن وتاندىق مەردىگەرلەر تارتىلىپتى. قۇرىلىس ماتەريالدارى ٴوز ەلىمىزدىكى. تەك وزىمىزدە جوق كەيبىر شەتەلدىك قۇرىلعىلاردى باسقا جاقتان ساتىپ الۋعا تۋرا كەلگەن. ال، قويمانىڭ جىلۋ جۇيەسىن ورناتۋعا كورشىلەس رەسەيدەن ارنايى ماماندار شاقىرىپتى.

ويتكەنى كورشىلەس مەملەكەتتە كوكونىس قويماسىن سالۋدا تاجىريبەلى ماماندار كوپ. ونىڭ ۇستىنە قويماعا جىلۋ تارتۋ جۇمىسى اسا ۇقىپتىلىقتى قاجەت ەتەدى. جوبا قۇرىلىسى قازىرگى تاڭدا تولىعىمەن اياقتالىپ، حالىق ٴۇشىن قالتقىسىز جۇمىس ىستەپ تۇر. كاسىپورىن جوبا ٴۇشىن العان جەڭىلدەتىلگەن نەسيەنى بەس جىلدا تولەپ ٴبىتىرۋدى جوسپارلاپ وتىر.

«تەررا» شارۋا قوجالىعى اگرونومدارى كوكونىستى ەگۋدى عانا ەمەس، عىلىمي كوزقاراسپەن قاراي دا بىلەدى. ەگىس القاپتارىنا جاڭا سۇرىپتى ونىمدەر مەن تىڭايتقىشتار، زاماناۋي تەحنولوگيالاردى قولدانۋدى ۇدايى نازاردا ۇستاپ كەلەدى. وسى توككەن تەردىڭ ارقاسىندا ٴونىم كولەمى جىلما-جىل مولىمەن تۇسۋدە. ال، ٴونىمنىڭ كوپ بولۋى، كەز كەلگەن ديقاننىڭ شارۋاشىلىعىنىڭ اياقتان نىق تۇرۋىنا كومەگىن تيگىزبەك. وسى تۇرعىدان العاندا، شاعىن شارۋاشىلىقتىڭ ۇلكەن ينۆەستيسيالىق جوبانى جۇزەگە اسىرۋىنا قاراپ تاڭداي قاعاسىڭ. اتالمىش مەكەمە شاھاردىڭ ٴاربىر شاعىن اۋدانىندا وزدەرىنىڭ دۇكەندەرىن اشىپ، تۇرعىنداردى قولجەتىمدى باعاداعى كوكونىس قورىمەن قامتاماسىز ەتىپ وتىر. وسىنداي يگى باستامانىڭ ارقاسىندا قوستانايلىقتاردىڭ داستارحانىندا كەلەسى جىلدىڭ ونىمىنە دەيىن كوكونىس، جەمىس-جيدەك ۇزىلمەيدى.

اۋداندا جۇزەگە اسقان اۋقىمدى ينۆەستيسيالىق جوبانىڭ ٴبىرى – «سەيداحمەتوۆ» شارۋا قوجالىعىنا تيەسىلى. 200 باسقا ارنالعان اسىل تۇقىمدى ٴىرى قارا شارۋاشىلىعى قوستاناي اۋدانىنىڭ التىنسارين اۋدانىندا ورنالاسقان. وعان 416 ملن تەڭگە جۇمسالسا، ونىڭ 250 ملن تەڭگەسىن قوجالىق يەسىنىڭ ٴوزى شىعارعان. ال، قالعان بولىگىن «قازاگروقارجى» اق قارجىلاندىرىپ وتىر. نەگىزگى ماقساتى – جىل سايىن 130 باس اسىل تۇقىمدى انگۋس سيىرىن ٴوسىرۋ. سونداي-اق، جەرگىلىكتى 10 تۇرعىندى تۇراقتى جۇمىسپەن قامتىدى. اتالمىش جوبانىڭ ماڭىزدىلىعى – ىشكى نارىقتى جوعارى ساپالى ٴىرى قارا مال ونىمدەرىمەن قامتاماسىز ەتۋ، ازىق-تۇلىك قاۋىپسىزدىگىن نىعايتۋ.

ال، «قاراسۋ-ەت» جاۋاپكەرشىلىگى شەكتەۋلى سەرىكتەستىگى جىلىنا 5 400 توننا ۆاكۋۋمدە ورالعان ەت پەن شۇجىقتىڭ سان الۋان تۇرلەرىن شىعارادى. اۋدانداعى ىلكىمدى جوبالاردىڭ ٴبىرى. اتاعى الىسقا كەتكەن ٴوندىرىس وشاعى ەت جانە ەت ونىمدەرىن سىرتقى نارىققا دا ەكسپورتتايدى. كاسىپورىننىڭ قاراسۋداعى بازاسىندا كۇنىنە جيىرما بەس قارا مال، ەلۋ شاقتى قوي جانە قىرىققا تارتا شوشقا سويىلادى. ٴىرى قارا مەن قوي حالال ادىسىمەن سويىلادى ەكەن. مۇندا تەك قوستاناي عانا ەمەس، وبلىستىڭ وزگە دە اۋداندارى مال تاپسىراتىن كورىنەدى. قازىرگى تاڭدا كاسىپورىن 56،5 توننا ەتتى ەكسپورتتاپ وتىر.

جالپى قوستاناي اۋدانىندا وسى جىلى اۋىل شارۋاشىلىق سالاسىنىڭ ٴار ٴتۇرىن قامتىپ، 140706، 438 تەڭگەنى قۇرايتىن توعىز ينۆەستيسيالىق جوبا جۇزەگە اسۋ ۇستىندە.

«جالپى اۋدان بويىنشا جۇزەگە اسىپ جاتقان يننوۆاسيالىق جوبالاردىڭ بارلىعى ٴوز جەمىسىن بەرۋدە. سولاردىڭ اراسىندا اۋىل شارۋاشىلىق سالاسىنا ايرىقشا كوڭىل بولىنۋدە. تىپتەن، كەيبىر جوبالارىمىز ەكسپورتقا ونىمدەرىن شىعارىپ وتىر. ولار ۇلكەن سۇرانىسقا يە» – دەيدى اۋدان اكىمى قايرات احمەتوۆ.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي