BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردادا سال بالالارعا وتا جاسايتىن ساۋىقتىرۋ ورتالىعى بوي كوتەرەدى

قىزىلوردادا سال بالالارعا وتا جاسايتىن ساۋىقتىرۋ ورتالىعى بوي كوتەرەدى، دەپ حابارلايدى baq.kz اقپارات اگەنتتىگى.

«سەرەبرالدى سال اۋرۋى» دياگنوزىمەن اۋىراتىن بالالارعا ارنالعان «قانات» سپورتتىق-ساۋىقتىرۋ ورتالىعى مەملەكەتتىك قولداۋعا يە بولدى. رەسپۋبليكا بويىنشا تەڭدەسى جوق بىرەگەي ورتالىقتىڭ نەگىزىن قالاۋشى ساكەن تەمىرقۇلوۆ ٴوزىنىڭ ادىستەمەسى بويىنشا مۇمكىندىگى شەكتەۋلى بالالاردى ەمدەۋمەن اينالىسادى. ورتالىقتاعى ەم-شارالاردىڭ تيىمدىلىگى ناتيجەسىندە ايماققا ەمدەلۋشىلەر وزگە وڭىرلەردەن عانا ەمەس، سونداي-اق شەتەلدەردەن دە كەلۋدە. ساۋىقتىرۋ ورتالىعىنىڭ ەرەكشەلىگى ساكەن تەمىرقۇلوۆ 70-تەن اسا جاتتىعۋ قۇرىلعىلارىن ويلاپ تاۋىپ، ولاردى قيسايعان بۋىنداردى تۇزەۋ ەم-شارالارىنا قولدانىپ كەلەدى. سونىمەن قاتار كورسەتتەر تىگىلىپ، بسس-مەن اۋىراتىن بوبەكتەرگە قايتارىمسىز نەگىزدە سىيعا بەرىلۋدە.

«بيزنەستىڭ جول كارتاسى 2020» باعدارلاماسى اياسىندا جەكە كاسىپكەر ساكەن تەمىرقۇلوۆ بسس-مەن اۋىراتىن بالالارعا وتا جاساۋعا مۇمكىندىك بەرەتىن سپورتتىق-ساۋىقتىرۋ ورتالىعىنا ارنالعان جاڭا عيماراتتىڭ قۇرىلىسىن اياقتاۋدى جوسپارلاپ وتىر. جوبانى «سەسنابانك» اق جانە «دامۋ» كاسىپكەرلىكتى دامىتۋ قورى» اق قولداپ، بانكتەن نەسيە راسىمدەۋ ماقساتىندا ساكەن تەمىرقۇلوۆقا «دامۋ» قورى تاراپىنان 50% كەپىلدەمە بەرىلدى.

ورتالىقتىڭ جاڭا عيماراتىندا 200 ەمدەلۋشىگە ارنالعان 2 جاتتىعۋ زالى، شەبەرحانا، ەگۋ-ەمدەۋ ٴبولىمى، وتا جاساۋ بولمەسى مەن قىسقى باق ورنالاساتىن بولادى. ساكەن تەمىرقۇلوۆتىڭ سوزىنشە، ول وتا جاسايتىن زال اشۋ جوسپارىن جۇزەگە اسىرۋدى جانە رەسەي فەدەراسياسىنىڭ ەڭبەك سىڭىرگەن ونەرتاپقىشى، مەديسينا عىلىمدارىنىڭ دوكتورى، پروفەسسور ۆ.ب. ۋلزيباتتىڭ (ۋلزيباتتىڭ ادىستەمەسى) ادىستەمەسى بويىنشا وتانى جۇرگىزۋدى كوپتەن ارمانداسا، مىنە ەندى مەملەكەتتىك قولداۋ اياسىندا بۇل جوسپار جۇزەگە اساتىن كۇن دە الىس ەمەس. ۋلزيبات ٴادىسى – بۇل قۇراستىرىلۋى بۇلشىقەتتەگى بىرنەشە تىرتىقشالارعا كيلىكپەي وتا جاساۋعا مۇمكىندىك بەرەتىن سكالپەل ارقىلى بۇلشىقەت تىرتىقشاسىن كەسۋ. ۋلزيبات ٴادىسىن ەنگىزۋ ٴۇشىن ساۋىقتىرۋ ورتالىعىنا رەسەيلىك ۇزدىك حيرۋرگ دارىگەرلەر شاقىرتىلاتىن بولادى.

سەرەبرالدى سال اۋرۋى بۇگىنگى تاڭدا بالالار اراسىندا ٴجيى كەزدەسەتىن اۋرۋ جانە جىل وتكەن سايىن ناۋقاستار سانى ارتۋدا. دەگەنمەن ٴبىزدىڭ ەلىمىزدە ٴتيىمدى ەم-شارالار كورسەتەتىن ارنايى مامانداندىرىلعان ساۋىقتىرۋ ورتالىقتارىنىڭ جەتىسپەۋشىلىگى اسا بايقالۋدا. كاسىپكەر ساكەن تەمىرقۇلوۆتىڭ جوباسى تابىستى جۇزەگە اسسا «قانات» ساۋىقتىرۋ ورتالىعى بازاسىنا ٴبىر ۋاقىتتا ەكى جۇزدەن اسا بسس دياگنوزىمەن اۋىراتىن بالالاردىڭ ەمدەلۋىنە مۇمكىندىك تۋادى.

«قانات» سپورتتىق-ساۋىقتىرۋ ورتالىعىنداعى كەشەندى ەمدەۋ شارالارى ماسساج، فيزيوتەراپيا، بوبات-تەراپيا جانە ارنايى جاتتىعۋ قۇرىلعىلارىنداعى ەمدىك دەنە شىنىقتىرۋدى جوعارى بىلىكتى ماماندار جۇرگىزەتىن بولادى. كاسىپكەر ساكەن تەمىرقۇلوۆ ساۋىقتىرۋ ورتالىعىنىڭ بازاسىندا جاڭادان 38 جۇمىس ورنىن اشۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي