BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردادا قىش تاقتايشا وندىرەتىن زاۋىت پەن گاز-ەلەكتر ستانسياسى سالىنادى

فوتو: Абзал Қалиев

بۇگىن «ەكسپو-2017» كورمەسىندە «kazakh invest» ۇلتتىق كومپانياسى اق مەن تۇرىك ينۆەستورلارى ينۆەستيسيالىق قۇجاتتارعا قول قويدى. بۇل قۇجاتتارعا سايكەس تۇرىك ينۆەستورلارى قىزىلوردادا گاز-ەلەكتر ستانسياسى مەن قىش تاقتايشا وندىرەتىن زاۋىت، تاۋ-كەن ٴوندىرىسىن دامىتۋ جوبالارىن ىسكە اسىرماق، دەپ حابارلايدى baq.kz ٴتىلشىسى.

«yildizlar sss holding» باسقارما باسشىسى سەباحاتتين يىلدىز بەن «kazakh invest» ۇلتتىق كومپانياسى» اق باسقارما باسشىسى ماقسات قاباشەۆ قازاقستاندا ٴۇش جوبانى ىسكە اسىرۋ ماقساتىندا ٴوزارا مەموراندۋمعا قول قويدى.

«ٴبىز ٴوز ەلىمىزدە ەنەرگەتيكا، اۋىل شارۋاشىلىعى سياقتى ٴارتۇرلى سالالاردا قىزمەت اتقارامىز. قازاقستاندا ٴۇش جوبانى جۇزەگە اسىرۋ جوسپارلانىپ وتىر. ٴبىرىنشىسى ول – قىزىلوردا وبلىسىندا قىش تاقتايشالارىن وندىرەتىن زاۋىت اشۋ. ەكىنشىسى – گاز-ەلەكتر ستانسياسىن سالۋ. ٴۇشىنشىسى – تاۋ كەن ٴوندىرىسى. بۇل جوبالار الداعى ۋاقىتتا جۇزەگە اسىرىلادى. جەرگىلىكتى بيلىك وكىلدەرىمەن تالقىلاپ جاتىرمىز. ٴبىزدىڭ ەل بۇل جوبالاردى جۇزەگە اسىرۋعا ٴازىر. بارلىق تەحنيكامىز دايىن تۇر، قۇجاتتاردى اياقتاعان سوڭ جوبالاردىڭ قۇرىلىسىنا بىردەن كىرىسىپ كەتەمىز»، - دەدى «yildizlar sss holding» باسقارما باسشىسى سەباحاتتين يىلدىز.

ينۆەستور ەنەرگەتيكا سالاسىنداعى جوبانى قازاقستانمەن بىرلەسە وتىرىپ، ال قالعان ەكى جوبانى تەك تۇرىك تاراپى جۇرگىزەتىنىن اتاپ ٴوتتى. سونىمەن بىرگە «yildizlar sss holding» باسقارما باسشىسى قازاقستان نارىعىندا 20 ملن شارشى مەتر قىش تاقتايشا ٴوندىرۋدى جوسپارلاپ وتىرعانىن جەتكىزدى.

«تۇركيادا 80 ملن شارشى مەتر قىش تاقتايشا وندىرەمىز. قازاقستانعا بۇرىندارى دا كەلىپ تۇراتىنمىن. ال كەلىسسوزدەر جۇرگىزۋگە جاقىندا عانا كەلدىم. بۇل ەلدىڭ ينۆەستيسيالىق كليماتى جاقسى»، - دەدى ينۆەستور.

سوڭعى بەس جىلدا تۇرىك ينۆەستورلارى 667،5 ملن اقش دوللارى سوماسىنا 18 جوبانى ىسكە اسىرعان. الداعى ۋاقىتتا جاڭا 10 جوبانى جۇزەگە اسىرۋ جوسپارلانىپ وتىر.

بۇگىنگى كۇنى قازاقستان مەن تۇركيا اراسىنداعى ينۆەستيسيالىق باستامالاردىڭ جالپى پاكەتى 2،7 ملرد اقش دوللارىن قۇرايتىن 70 جوبانى ىسكە ەنگىزىپ، سونىڭ ىشىندە 31 جوبا ىسكە قوسىلدى. ال 40 جوبا الداعى ۋاقىتتا جۇزەگە اسىرىلۋى مۇمكىن. 2017 جىلدىڭ جارتىجىلدىق قورىتىندىسى بويىنشا سىرتقى ساۋدا اينالىمى 925،1 ملن تەڭگەنى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي