BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردادا ۇن تارتاتىن ٴوندىرىس ورنى ىسكە قوسىلماق

 استانا. 8 جەلتوقسان. baq.kz – قىزىلوردادا ۇن تارتاتىن ٴوندىرىس ورنى ىسكە قوسىلماق. بۇگىنگى كۇنى قۇراما جەم ٴوندىرىپ كەلە جاتقان «جان-اراي جەم» جشس بۇدان ٴارى ۇن تارتاتىن سەحتىڭ جۇمىسىن جانداندىرۋدى جوسپارلاپ وتىر.

 ٴقازىر اتالعان جوبانى ىسكە اسىرۋ ٴۇشىن سالاارالىق بايلانىس ورناتىلىپ، ماسەلەنى شەشۋ جولدارى قاراستىرىلۋدا. ۇن شىعاراتىن اگرارلىق كاسىپورىن قاجەتتى شيكىزاتپەن قامتاماسىز ەتىلەتىن بولادى.
«ەلىمىزدە جۇزەگە اسىرىلىپ جاتقان ۇدەمەلى يندۋستريالىق-يننوۆاسيالىق دامۋ باعدارلاماسىنىڭ تۇپكى ماقساتى – حالىقتىڭ تۇرمىسىن كوتەرۋ، ٴوندىرىستىڭ، باسقا دا سالالاردىڭ باسەكەگە قابىلەتتىلىگىن ارتتىرۋ، تۇرعىنداردى ساپالى جۇمىس ورنىمەن قامتاماسىز ەتۋ بولىپ تابىلادى. بۇل باعىتتاعى جۇمىستار سىر وڭىرىندە دە قارقىن الىپ كەلە جاتقانى بەلگىلى. كەڭەس وداعى كەزىندە ارال اۋدانىندا ۇن تارتاتىن ديىرمەن كەشەنى بولدى. كەيىن ٴوندىرىس شيكىزاتىنىڭ تاپشىلىعى سالدارىنان ونىڭ جۇمىسىن توقتاتۋعا تۋرا كەلدى»، - دەيدى وبلىستىق يندۋستريالىق-يننوۆاسيالىق دامۋ باسقارماسىنىڭ باسشىسى مۇرات يماندوسوۆ.
ەستەرىڭىزگە سالا كەتسەك، "جان اراي جەم" جشس مۇنىمەن بىرگە قۋاتتىلىعى تاۋلىگىنە 80 توننا بولاتىن قۇراما جەم زاۋىتى جوباسىن ىسكە اسىرۋ باعىتىندا جۇمىس ىستەپ جاتىر. ٴبىرىنشى بلوكتا جەم شىعارىلاتىن بولسا، قالعان ەكى بلوكتا شيكىزاتقا جانە دايىن ونىمدەرگە ارنالعان قويمالار ورنالاساتىن بولادى.

دەرەككوز: "سىر بويى" گازەتى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي