BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردا وبلىسىندا ازىق-تۇلىك باعاسىنىڭ تۇراقتىلىعى باستى نازاردا

 استانا. 12-جەلتوقسان. baq.kz – قىزىلوردا قالاسىنىڭ جانە بارلىق اۋداندارداعى ٴىرى جابدىقتاۋشىلار مەن ٴونىمدى وندىرۋشىلەر اراسىندا نەگىزگى ازىق-تۇلىك تاۋارلارىن 5-10 پايىزدىق ۇستەمەدەن اسىرماي ساتۋ جونىندە 46 مەموراندۋمعا قول قويىلعان. بۇل تۋرالى قىزىلوردا وبلىستىق اكىمدىگىنىڭ ٴباسپاسوز قىزمەتى حابارلاپ وتىر.

 كۇندەلىكتى جۇرگىزىلىپ وتىرعان مونيتورينگ بويىنشا بۇگىنگى كۇنگە وبلىستىڭ ىشكى نارىعىنداعى الەۋمەتتىك ماڭىزى بار 33 نەگىزگى ازىق-تۇلىك تاۋارلارىنىڭ باعالارىندا جىل باسىنان سالىستىرعاندا 24 ٴونىم بويىنشا ٴوسىم بايقالسا، 7 ٴتۇرلى ٴونىمنىڭ باعاسى تومەندەگەن، سوڭداي-اق 2 ٴونىم بويىنشا باعالار ٴبىر قالىپتى تۇر.
بۇگىنگى كۇنى وبلىستا الەۋمەتتىك ماڭىزى بار ازىق-تۇلىك ونىمدەرىنىڭ باعالارىن تۇراقتاندىرۋ ماقساتىندا 1 جۇمىس توبى، 1 تۇراقتاندىرۋ قورىن باسقارۋ كوميسسياسى جانە 1 شتاب جۇمىس جاسايدى. وبلىستىق اۋىل شارۋاشىلىعى باسقارماسى تاراپىنان كۇندەلىكتى ازىق-تۇلىك تاۋارلارىنىڭ باعاسىنا مونيتورينگ جۇرگىزىلىپ وتىر. اپتا سايىن ازىق-تۇلىك ونىمدەرىنىڭ ەڭ تومەنگى باعادا ساتىلاتىنى باق ارقىلى جاريالانىپ تۇرادى.
2014 جىلدىڭ اقپان ايىندا «بايقوڭىر» اكك» ۇك» اق جارعىلىق قورىن ۇلعايتۋ ارقىلى «قىزىلوردا قارجى كومپانياسى» جشس 1-سورتتى ۇن، قانت جانە اق كۇرىش باعاسىنىڭ قىمباتتاۋىنا جول بەرمەۋ ماقساتىندا اتالعان تاۋارلاردى ساتىپ الۋعا 200 ملن. تەڭگە ٴبولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي