استانا: 
شەنسي پروۆينسياسىنداعى سيان قالاسىندا قازاقستاننىڭ ساۋدا ٴۇيى اشىلادى. بۇل تۋرالى قازاقستان سىرتقى ساۋدا پالاتاسى باسقارما ٴتوراعاسىنىڭ ورىنباسارى نۇرالى بوكەيحانوۆ ايتتى، دەپ حابارلايدى baq.kz ٴتىلشىسى.
«19 قازاندا قىتايدىڭ سيان قالاسىندا قازاقستاننىڭ ساۋدا ٴۇيىن اشۋ جوسپارلانعان. بۇل ساۋدا ٴۇيى 5 مىڭ شارشى مەتردى قۇرايدى. ودان بولەك، تاۋارلاردى ساقتاۋ ٴۇشىن 10 مىڭ شارشى مەتر قويما بەرىلەدى. وسىلايشا، قازاقستاندىق كاسىپكەرلەر ٴوز ونىمدەرىن قىتايلىق كاسىپكەرلەرگە ۇسىنا الادى»، - دەدى ول استانادا ٴوتىپ جاتقان «ٴبىر بەلدەۋ - ٴبىر جول» يدەياسىنىڭ بەسجىلدىعىنا ارنالعان قازاقستان-قىتاي بيزنەس فورۋمىنىڭ كۋلۋارىندا.
نۇرالى بوكەيحانوۆتىڭ ايتۋىنشا، شەنسي پروۆينسياسىندا اشىلاتىن قازاقستاننىڭ ساۋدا ٴۇيى showroom رەتىندە جۇمىس ىستەيدى. قازىرگى تاڭدا اتالعان ساۋدا ۇيىندە جۇمىس ىستەۋگە 25-تەن استام قازاقستاندىق كاسىپكەردەن ٴوتىنىش تۇسكەن.
ايتا كەتەيىك، ەلوردادا ٴوتىپ جاتقان بيزنەس فورۋمعا قىتايلىق 150 كومپانيا، قازاقستان تاراپىنان 300-دەن استام كومپانيا قاتىسۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2508 
0
3368
0