BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىتاي بيزنەسمەندەرىنىڭ جوبالارىن قازاقستان الدىمەن تالقىلاۋدان وتكىزبەك

جىبەك جولى قالا مەرلەرىنىڭ فورۋمى بارىسىندا قازاقستاندىق جانە قىتايلىق بيزنەسمەندەر «ساعاتتى سالىستىرىپ كوردى» جانە الداعى جوسپاردى تالقىلادى، دەپ حابارلايدىbaq.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.

فورۋم الاڭىندا «قىتاي-قازاقستان. بيزنەس كوشباسشىلارى. 10+10 ارىپتەستىك فورۋمى» پانەلدى سەسسياسى بولىپ ٴوتتى. كەزدەسۋدە سپيكەرلەر قازاقستان مەن قىتاي مەملەكەتتىك باعدارلاماسىن ىسكە اسىرۋدا جەكە بيزنەستىڭ ٴرولىن ەرەكشە اتاپ ٴوتتى.

«قازاقستان-قىتاي باعدارلاماسىنىڭ شەڭبەرىندە 55 ٴىرى ينۆەستيسيالىق جوبا ىسكە اسىرىلۋدا. جوبانىڭ كوپ بولىگىن جەكە بيزنەس اتقارۋدا»، – دەدى قدب باسقارما ٴتوراعاسى بولات جامىشەۆ.

كەزدەسۋگە قىتاي مەن قازاقستاننىڭ ٴىرى كومپانيالارى قاتىستى. ونىڭ اراسىندا – 10 قىتاي ترانسۇلتتىق كومپانياسى بار، ولار قر قالالارى مەن استاناعا ينۆەستيسيا قۇيۋعا قىزىعۋشىلىق ٴبىلدىرىپ وتىر.

«بۇگىن قىتاي مەن قازاقستاننىڭ ٴىرى بيزنەس وكىلدەرى الداعى جوسپاردى تالقىلاپ، ساعاتتى سالىستىردى. قىتاي تاراپىنان ينفراقۇرىلىمدىق جوبالاردى ىسكە اسىرۋ تۋرالى ۇسىنىستاردى قاراپ، ونىڭ ٴبارىن تالقىلاۋعا جىبەردىك. اعىمداعى جوبالار جالعاسۋدا، سونىمەن قاتار جاڭادان ۇسىنىلعان جوبالاردى دا كوردىك. مەنىڭشە اركىم ٴوزىنىڭ باعىتىن تاڭداپ الدى: ەنەرگەتيكا، ينفراقۇرىلىم، جول، «اقىلدى» تەحنولوگيانى ەنگىزۋ»، – دەدى استانا اكىمىنىڭ ورىنباسارى ماليكا بەكتۇروۆا.

ەستەرىڭىزگە سالا كەتەيىك، استانادا ٴى حالىقارالىق جىبەك جولى قالا مەرلەرىنىڭ فورۋمى باستالدى. فورۋم اياسىندا استانانىڭ دامۋى جانە باسقا دا قالالارمەن ارىپتەستىك جونىندەگى مەموراندۋمعا قول قويۋ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي