BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەيبىرەۋلەر بيزنەستى ساۋىن سيىر دەپ قابىلدايدى – شپەكبايەۆ

فوتو: Агенттіктің баспасөз қызметі

استانا، baq.kz ٴتىلشىسى. اگەنتتىك بيزنەسكە قارسى كەلەتىن زاڭ بۇزۋشىلىقتاردى بولدىرماۋعا كەپىل بولادى. بۇل تۋرالى بۇگىن قر ٴسىم جەمقورلىققا قارسى ٴىس-قيمىل ماسەلەلەرى بويىنشا شەتەلدىك ديپلوماتيالىق كورپۋسقا ارنالعان بريفينگ جانە «protecting business and investments» جوبالىق كەڭسەنىڭ قىزمەتىن تانىستىرۋدى جوسپارلاۋ بارىسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ ايتتى.

«وزدەرىڭىز بىلەتىندەي، قازاقستاندا قازىرگى ۋاقىتتا مەملەكەت باسشىسى بەكىتكەن 2015-2025 جىلدارعا ارنالعان سىبايلاس جەمقورلىققا قارسى ستراتەگيا جانە ۇلت جوسپارى ىسكە اسىرىلۋدا. بيىل مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى مەن ٴسىم بيزنەس پەن ينۆەستيسيانى قورعاۋ جونىندە جوبا باستادى. ونىڭ باستى مىندەتى – اگەنتتىككە سىبايلاس جەمقورلىققا قارسى سۇيەمەلدەۋگە بايلانىستى ينۆەستورلار مەن كاسىپكەرلەردىڭ قىزمەتىندە بيۋروكراتيالىق كەدەرگىلەر مەن جەمقورلىق شىعىنداردى جويۋ. ونىڭ ىسكە اسىرۋ مەحانيزمى ينۆەستورلاردىڭ سىبايلاس جەمقورلىققا قارسى كەلىسىمگە قوسىلۋىن كوزدەيدى. اگەنتتىك كاسىپكەرلەردى 100% قولداپ، پروبلەمالارىن زاڭناما اياسىندا شەشەدى»، - دەدى ۆەدومستۆو باسشىسى.

فوتو: اگەنتتىك

ايتۋىنشا، ەلىمىزدىڭ بارلىق ايماعى بويىنشا اگەنتتىك قۇنى 6 ترلن تەڭگە بولاتىن شەتەلدىك جانە قازاقستاندىق 600-دەن استام جوبانى سۇيەمەلدەيدى.

جوبالاردىڭ 40% جۋىعى شەتەلگە تيەسىلى. ولاردىڭ ىشىندە ازەربايجان، گەرمانيا، ۇلىبريتانيا، ٴۇندىستان، يران، دانيا، قىتاي، كورەيا، مالايزيا، پولشا، رەسەي، سينگاپۋر، سلوۆاكيا، فرانسيا، چەحيا، جاپونيا جانە ت.ب. ەلدەر بار.

«ٴبىزدىڭ تاجىريبەمىزدە اگەنتتىكپەن كەلىسىمگە كەلۋ شەنەۋنىكتەردىڭ قاتىناسىن وزگەرتتى جانە بيزنەسمەندەردىڭ قانداي دا ٴبىر جەمقورلىق تاۋەكەلدەرىن جويىلعانى انىقتالدى. اگەنتتىك – ەل باسشىسى تالاپ ەتكەن جاعدايلاردى مەملەكەتتىك ورگانداردىڭ قاداعالاۋىنا كەپىل. وسىلايشا، ٴبىزدىڭ جوبامىز مەملەكەتتىك قىزمەتشىلەردىڭ جۇمىسىنا سەرۆيستىك تاسىلدەمەلەردى ەنگىزۋگە، اكىمشىلىك قىسىمدى جويۋ جانە ينۆەستيسيالىق جوبا ىسكە اسىرىلۋ بارىسىندا جەمقورلىققا جول بەرمەۋگە باعىتتالعان»، - دەدى ٴتوراعا.

فوتو: اگەنتتىك

جوبا ىسكە اسىرىلۋ كەزەڭىندە 152 ٴوتىنىم كەلىپ، ونىڭ 129-ى كاسىپكەرلەردىڭ پايداسىنا شەشىلگەن. قالعانى قاراستىرىلىپ جاتىر.

«جاپپاي كاسىپكەرلىك پەن ينۆەستيسيا – تۇرعىنداردى جۇمىسپەن قامتۋ دەڭگەيىنىڭ جوعارى بولاتىنىنا كەپىل. بۇل – جاڭا جۇمىس ورىندارى، اقپاراتتىق تەحنولوگيالار جانە ت.ب. بۇگىندە بيزنەسكە قىسىم كورسەتىلمەۋى كەرەك. كەيبىرەۋلەر بيزنەستى ساۋىن سيىر دەپ قابىلدايدى. ال ول ەرتەڭ – كەپىلدى جالاقى، جەتكىلىكتى مولشەردەگى زەينەتاقى، ستيپەنديا، زاماناۋي دامىعان ينفراقۇرىلىم. ٴبىز تەك بيزنەس پەن ينۆەستورلاردى قولداپ، ولارعا كومەكتەسىپ قويماي، قورعايمىز دا. بيسنەس پەن ينۆەستيسياعا قاتىستى قانداي دا ٴبىر زاڭسىز ارەكەت مەملەكەتتىك كاسىپكەرلىكتى قولداۋ ساياساتىن ىسكە اسىرۋعا كەدەرگى دەپ قابىلدانادى»، - دەپ تۇيىندەدى شپەكبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي