BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستاننىڭ ۇزدىك تاۋارى» وڭىرلىك كونكۋرس-كورمەسى وتەدى

 استانا. 26 شىلدە. baq kz – قاراعاندى قالاسىندا 8 تامىزدا س. ساپيەۆ اتىنداعى بوكس ورتالىعىندا كاسىپكەرلىك جانە ونەركاسىپ باسقارماسىمەن جانە قاراعاندى وبلىسى بويىنشا تەحنيكالىق رەتتەۋ جانە مەترولوگيا كوميتەتىنىڭ دەپارتامەنتىمەن «قازاقستاننىڭ ۇزدىك تاۋارى» وڭىرلىك كونكۋرس-كورمەسى وتكىزىلەدى. بۇل تۋرالى وبلىس اكىمىنىڭ رەسمي سايتىندا جاريالاندى.

 كونكۋرستا ٴوز ونىمدەرىن قاراعاندى وبلىسىنىڭ 50 كاسىپورنى ۇسىنادى. سونىمەن قاتار، كونكۋرستان تىس كورمەگە شىعىس-قازاقستان، الماتى جانە پاۆلودار وبلىستىرىنىڭ 15 كاسىپورنى قاتىسادى. كونكۋرس-كورمەنىڭ جۇمىسىنا وبلىستىق اكىمدىك باسشىلارى، قاراعاندى وبلىسى بويىنشا تەحنيكالىق رەتتەۋ جانە مەترولوگيا كوميتەتىنىڭ دەپارتامەنتىنىڭ باسشىلارى، قاراعاندى وبلىسىنىڭ كاسىپورىندارى جانە ۇيىمدارىنىڭ باسشىلارى جانە ماماندارى قاتىسادى. كونكۋرس ٴۇش اتاۋ بويىنشا وتكىزىلەدى: «وندىرىستىك اتالىمداعى ۇزدىك تاۋارلار»، «حالىق ٴۇشىن ۇزدىك تاۋارلار»، «ۇزدىك ازىق-تۇلىك تاۋارلارى». كونكۋرس-كورمە بارىسىندا كاسىپورىندار – كونكۋرس قاتىسۋشىلارى ٴوز ونىمدەرىنىڭ دەگۋستاسياسىن وتكىزەدى، سونىمەن قاتار ٴونىمدى حالىققا ساتادى.
وڭىرلىك كونكۋرس-كورمە قاتىسۋشىلارىن باعالاۋدى وبلىستىق ساراپتاۋ توبى وتكىزەدى. كونكۋرسقا قاتىسۋشىلاردى باعالاۋ كەزىندە نەگىزگى ولشەمدەر ٴونىمنىڭ ساپاسى، ونىڭ ايرىقشالىلىعى جانە باسەكەگە قابىلەتتىلىگى بولىپ تابىلادى.
«قازاقستاننىڭ ۇزدىك تاۋارى» وڭىرلىك كونكۋرستىڭ لاۋرەاتتارى نەمەسە ديپلومانتتارى بولعان كاسىپورىندار ديپلومدارمەن ماراپاتتالادى. كەيىن كونكۋرس قاتىسۋشىلارىنىڭ ماتەريالدارى رەسپۋبليكالىق كونكۋرستىق كوميسسياعا بەرىلەدى. رەسپۋبليكالىق كونكۋرس جەڭىمپازدارىنىڭ ٴتىزىمى «نوۆوستي گوسستاندارتا» جۋرنالىندا جاريالانادى.
1998 جىلدان بەرى جۇرگىزىلىپ كەلە جاتقان وڭىرلىك كونكۋرستار قاراعاندى وبلىسىندا شىعارىلاتىن ٴونىمنىڭ جوعارى دارەجەسىن كورسەتتى. ٴبىزدىڭ ٴوڭىر اعىمداعى جىلى رەسپۋبليكا كولەمىندە وندىرىلەتىن ٴونىم ساپاسى سالاسىندا ٴوز كوشباسشىلىعىن دالەلدەيتىنى ٴسوزسىز.
كونكۋرس ەكونوميكانىڭ ناقتى سەكتورىندا جۇمىس ىستەيتىن قاراعاندى وبلىسىنىڭ بيزنەسمەندەرى ٴۇشىن قوسىمشا ىنتالاندىرۋ بولىپ تابىلادى. كونكۋرس لاۋرەاتتارى اعىمداعى جىلدىڭ سوڭىندا استانا قالاسىنداعى «قازاقستاننىڭ ۇزدىك تاۋارى» رەسپۋبليكالىق كونكۋرس-كورمەگە قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي