BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ ٴبىرقاتار ايماقتارىندا ازىق-تۇلىك باعاسى ارزاندادى

استانا. 30 قاڭتار. baq.kz – «قازاگروماركەتينگ» اق-نىڭ ەل ايماقتارى بويىنشا ازىق-تۇلىك باعالارىنا جۇرگىزگەن مونيتورينگى 2015 جىلدىڭ 20-27 قاڭتارى ارالىعىندا بولشەك ساۋدا باعالارىنىڭ تومەندەگىدەي وزگەرىسىن انىقتادى.

قاراستىرىلىپ وتىرعان ۋاقىت ىشىندە استانادا ۇرمە بۇرشاق باعاسى 11%-عا 440-تان 490 تەڭگە/كگ-عا دەيىن قىمباتتادى. ورتاشا باعالاردىڭ قىمباتتاۋى باعالاردى تىركەۋ كۇنى «شاپاعات» كوممۋنالدىق بازارىندا قاپتان ولشەنىپ ساتىلاتىن ارزان ٴونىمنىڭ بولماۋىمەن بايلانىستى. كوتەرمە باعا 280 تەڭگە/كگ دەڭگەيىندە ساقتالىپ قالدى.

الماتى قالاسىندا تۇتاس تاۋىق ەتى باعاسىنىڭ 12%-عا تومەندەۋى تىركەلدى. ٴبىر اپتا ىشىندە ٴونىمنىڭ ورتاشا باعاسى 712-دەن 627 تەڭگە/كگ-عا دەيىن ارزاندادى. تاۋىق ەتىنىڭ ارزانداۋىنا نارىقتىڭ ونىممەن قانىعۋى جانە ساتۋشىلاردىڭ كوتەرمە باعانى 3%-عا 558-دەن 540 تەڭگە/كگ-عا دەيىن تومەندەتۋى سەبەپ بولدى.

جەمىس-كوكونىس ونىمدەرىنىڭ اراسىندا كەلەسى وزگەرىستەر انىقتالدى:
- استانادا ٴجۇزىم باعاسى 18%-عا 815-تەن 958 تەڭگە/كگ-عا دەيىن قىمباتتادى. ٴونىم مولشەرىنىڭ ازايۋى جانە كوتەرمە باعالاردىڭ 4%-عا 625-تەن 650 تەڭگە/كگ-عا دەيىن ارتۋى ٴونىم باعاسىنىڭ قىمباتتاۋىنا اكەلدى;
- پاۆلوداردا قيار باعاسى 10%-عا 520-دان 470 تەڭگە/كگ-عا دەيىن ارزاندادى. ٴونىمنىڭ ارزانداۋىنا ساتىلىمداعى ٴونىم مولشەرىنىڭ ارتۋى مەن كوتەرمە باعالاردىڭ 26%-عا 470-تەن 350 تەڭگە/كگ-عا دەيىن تومەندەۋى اسەر ەتتى;
- وسكەمەندە بايالدى باعاسى 13%-عا 472-دەن 533 تەڭگە/كگ-عا دەيىن قىمباتتادى. بۇعان اۋا رايىنا بايلانىستى اكەلىنەتىن ٴونىم مولشەرىنىڭ، ياعني ساتىلىمداعى تاۋار ۇلەسىنىڭ ازايۋى سەبەپ بولدى. كوتەرمە باعا 11%-عا 358-دەن 397 تەڭگە/كگ-عا دەيىن قىمباتتادى.

وزگە ازىق-تۇلىك ونىمدەرىنىڭ باعاسى ايتارلىقتاي (10%-دان ارتىق) وزگەرگەن جوق. «قازاگروماركەتينگ» اق ەلىمىزدىڭ بارلىق وبلىستارى مەن استانا، الماتى قالالارىندا اپتا سايىن سەيسەنبى كۇنى ازىق-تۇلىكتىڭ 66 ٴتۇرىنىڭ باعاسىنا مونيتورينگ وتكىزەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي