BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستانعا «جاسىل ٴدالىز» جوباسى بويىنشا قىتايدان 7 مىڭ توننا جەمىس پەن كوكونىس جەتكىزىلگەن

استانا. 7 اقپان. baq.kz – «جاسىل ٴدالىز» جوباسى ىسكە قوسىلعان سوڭ ٴبىر جارىم ايدىڭ ىشىندە قىتايدان قازاقستانعا 7 تىڭ تونناعا جۋىق كوكونىس پەن جەمىس جەتكىزىلگەن دەپ حابارلايدى قر قم كبك ٴباسپاسوز قىزمەتى. 

قازاقستان-قىتاي شەكاراسىنداعى «باقتى» (شقو) جانە «پوكيتۋ» (قىتاي) وتكىزۋ پۋنكتەرى ىسكە قوسىلعان ساتتەن باستاپ، ياعني 2013 جىلدىڭ 23 جەلتوقسانىنان بەرى 7،2 ملن اقش دوللارى سوماسىنداعى جالپى سالماعى 6،9 مىڭ توننا بولاتىن كوكونىس جانە جەمىس-جيدەك وتكەن.
«كەدەن ورگاندارى وتكىزۋ پۋنكتەرىندە كەدەندىك راسىمدەۋ ۋاقىتىن قىسقارتۋى بويىنشا بارلىق قاجەتتى شارالاردى قابىلداۋدا، بۇل شەكارادا كەزەكتىڭ بولماۋىنا جانە سىرتقى ەكونوميكالىق قىزمەتكە قاتىسۋشىلارعا قولايلى جاعداي جاساۋعا ىقپال ەتەدى» دەلىنگەن حابارلامادا.
قازىرگى ۋاقىتتا «باقتى» وتكىزۋ پۋنكتىندە كەدەندىك تازارتۋ جانە كولىك قۇرالدارىنىڭ ٴوتۋىنىڭ ورتاشا ۋاقىتى 51،6 مينۋتتى قۇرايدى. بۇل كورسەتكىش قازاقستان رەسپۋبليكاسى قارجى مينيسترلىگىنىڭ 2011-2015 جىلدارعا ارنالعان ستراتەگيالىق جوسپارىنا سايكەستەلگەن.

قحر-دان «باقتى» وتكىزۋ پۋنكتى ارقىلى وتكىزىلەتىن ونىمدەردىڭ نەگىزگى كولەمىن: 27% - ماندارين، 18% - قىزاناق، 12،5% - قيار، 4،6% - بۇرىش جانە 13،7%-ىن الما قۇراپ وتىر. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي