BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق قۇرعاق ساۋمال گونكونگقا ەكسپورتتالماق

بيە ٴسۇتىنىڭ قۇرعاق ٴتۇرىن وندىرەتىن وتاندىق جالعىز ونەركاسىپ قاراعاندى وبلىسىندا ورنالاسقان. اشىلعانىنا 3 جىلدان استام ۋاقىت وتكەن زاۋىتتىڭ ٴوندىرىس قۋاتى جىلىنا 30 تونناعا جەتىپ، كاسىپورىن ەندى ەۋروپا مەن ازيا نارىعىنا شىعۋدى كوزدەپ وتىر. بيەنىڭ جاڭا ساۋىلعان سۇتىنەن قۇرعاتۋ (سۋبليماسيا) ادىسىمەن الىناتىن «ساۋمال» ٴونىمى گونكونگتا ساتىلىمعا شىقپاق، دەپ حابارلايدى baq.kz اگەنتتىگىنىڭ قاراعاندىداعى ٴتىلشىسى.

بيە ٴسۇتى مەن ودان جاسالاتىن ونىمدەردىڭ ادام دەنساۋلىعىنا پايدالى ەكەندىگى، ال ساۋمالدىڭ ەرەكشە شيپالىق قاسيەتى ەجەلدەن بەلگىلى. جاڭا ساۋىلعان بيە ٴسۇتىنىڭ ٴبىر كەمشىلىگى – پايدالى قاسيەتتەرىن ۇزاق ۋاقىت ساقتاي الماۋى. ساۋمال ساۋىلعاننان كەيىن بىرنەشە ساعاتتىڭ ىشىندە قۇنارسىز بولادى. الايدا ساۋمالدى سۋبليماسيالاۋ (قۇرعاتۋ) سالاسىنداعى زاماناۋي جەتىستىكتەر بۇل كەمشىلىكتى جويۋعا ٴتيىمدى كومەكتەسەدى. بيە ٴسۇتىنىڭ قۇنارلىعىن ساقتاۋ ٴۇشىن ساۋمالدى قۇرعاق تۇردە دايىنداۋدى شەتەلدىكتەر الدەقاشان قولعا العان ەدى. قازاقستاندا قۇرعاق ٴسۇت ونىمدەرىن ٴوندىرۋدى قالىپقا كەلتىرۋ پروسەستەرى بۇعان دەيىن دە جۇرگىزىلگەنىنە قاراماستان، سۋبليماسيالانعان ٴسۇت وندىرەتىن زاۋىتتى تۇرعىزۋ مەن ىسكە قوسۋ تۇڭعىش رەت وسىدان 3 جىل بۇرىن عانا جۇزەگە اسىرىلعان.

الەم بويىنشا العاشقى بولىپ قۇرعاق ساۋمال شىعاراتىن نەمىستىك ونەركاسىپتىڭ نەگىزىن قالاۋشى رۋدولف شتورح وتكەن عاسىردا قازاق دالاسىنا اسكەري تۇتقىن بولعان ۋاقىتىندا تۋبەركۋلەزگە شالدىعىپ، ساۋمالدىڭ شيپالى قاسيەتىنىڭ ارقاسىندا ٴولىم اۋزىنان قالادى. گەرمانياعا ورالعان رۋدولف شتورح بيە ٴسۇتى ٴوندىرىسىن قولعا الىپ، ونى ەۋروپاعا تانىتادى. كەيىننەن ٴىستى كۇيەۋ بالاسى گانس سولمانعا تابىستايدى.

قازاقستاندا العاشقى بولىپ قۇرعاق ساۋمال ٴونىمىن شىعارۋدى قولعا العان قىدىربەك مەيرامبەكوۆ نەمىستەردىڭ ساۋمالدى قۇرعاق تۇردە شىعاراتىندىعىن ەستىپ، ەلىمىزدە وسىنداي زاۋىت اشۋعا بەل بۋادى. ونىڭ ۇلى عالىمجان مەيرامبەكوۆ گانس سولمانمەن تانىسىپ، قازاقستاندا كاسىپورىن سالۋدى قولعا الادى. وسىلايشا، ەلىمىزدە العاش رەت تۇرعىزىلعان قازاقستاندىق زاۋىت – نەمىس زاۋىتىنىڭ ٴبىرشاما كەڭەيتىلگەن كوشىرمەسى بولىپ تابىلادى.

«بارلىق شارۋاشىلىق – ورنالاساتىن جەرىنەن باستاپ جىلقىلار مەن قىزمەتكەرلەردى ۇيرەتۋگە دەيىن تىكەلەي گانس سولماننىڭ باقىلاۋىمەن جۇرگىزىلدى. قازاقستاندىق زاۋىتتاعى بارلىق پروسەستەر سولمان مىرزانىڭ تىكەلەي قاتىسۋىمەن، ياعني ٴوزىنىڭ كەلۋىمەن نەمەسە بەينەبايلانىس ورناتۋ ارقىلى جۇزەگە اسىرىلادى. وسىعان ۇقساس ٴونىمدى شىعاراتىن ەۋروپالىق وندىرۋشىلەرگە قاراعاندا ٴبىزدىڭ زاۋىتتىڭ ايتارلىقتاي باسىمدىعى بار جانە بۇل سالادا دامۋدىڭ الەۋەتى وتە زور. مۇنى قازاقستاننىڭ گەوگرافياسى دا، كليمات جاعدايى دا، ازىق بازاسى دا، ٴتۇپتىڭ تۇبىندە ٴبىزدىڭ دالامىزدا ٴومىر سۇرگەن حالىقتاردىڭ بارلىق تاريحى دا دالەلدەي تۇسەدى. مالدى قورادا باعۋمەن شەكتەلەتىن ەۋروپالىق جىلقى زاۋىتتارىنا قاراعاندا ٴبىزدىڭ جىلقىلار وزىنە ٴتان تابيعي ورتادا مەكەندەيدى، بۇل ايقىن باسىمدىق جانە جىلقى باعۋعا ٴارى بيە ٴسۇتىن وتە جوعارى ساپادا الۋعا زور سەپتىگىن تيگىزەتىنىن اتاپ وتكىمىز كەلەدى»، - دەيدى زاۋىت ديرەكتورىنىڭ ورىنباسارى عالىمجان مەيرامبەكوۆ.

جوبا اياسىندا كومپانيانىڭ ۇلەسىنە قاراعاندى وبلىسىنىڭ 25 000 گەكتار جايلىم جەرى تيەسىلى. كاسىپورىنداعى 1 500-دەن اسا بيە ٴاربىر 2 مينۋت سايىن ساۋىلىپ، تاۋلىگىنە 2،5 توننا ٴسۇت بەرەدى. بۇگىندە جوعارى ساپالى سۋبليماسيالانعان بيە ٴسۇتىنىڭ ٴبىر جىلداعى مولشەرى 30 تونناعا دەيىن جەتىپ وتىر. نەمىس تەحنولوگياسىن ەنگىزۋ ٴوندىرىس كولەمىنىڭ جوعارى كورسەتكىشىنە جەتۋگە عانا ەمەس، سونىمەن قاتار شىعارىلاتىن ٴونىمنىڭ جوعارى ساپاسىن باقىلاۋدا ۇستاۋعا دا مۇمكىندىك بەرەدى.

«ساۋمال» ٴونىمىن ەلىمىزدىڭ كەز كەلگەن تۇرعىنى ٴدارىحانالاردان، ساۋدا ورىندارىنان ساتىپ الا الادى. عالامتورمەن دە تاپسىرىس بەرۋگە بولادى. جالپى قازاقستان بويىنشا ساتىلىم وتە جاقسى. ٴبىر ايدان كەيىن رەسەي نارىعىنا شىعامىز. قىتاي مەن تايۆاندا دا ساتىلىپ جاتىر. قىتايلىقتار بىزدەن ساتىپ الىپ، ٴوز ەلدەرىندە ساتادى. ال تىكەلەي جەتكىزۋ ماسەلەسى ازىرگە جولعا قويىلماي وتىر. وسى ۋاقىتقا دەيىن قازاقستان ەۋروپا مەن قىتايعا بىردە-بىر ٴسۇت ٴونىمىن ەكسپورتقا شىعارعان ەمەس. وسىعان بايلانىستى ٴبىرشاما قيىندىقتار تۋعانى راس. دەگەنمەندە، گونكونگ نارىعىنا ەكسپورتتاۋعا مۇمكىندىك تۋىپ وتىر. جاقىندا سول جاقتا كورمەدە بولىپ قايتتىم، ولار قۇرعاق ساۋمال ونىمىنە قىزىعۋشىلىقتارىن ٴبىلدىردى. گونكونگ قالاسىندا دۇكەن اشامىز، قازىرگى ۋاقىتتا دايىندىق جۇمىستارى جۇرگىزىلىپ جاتىر»، - دەگەن زاۋىت ديرەكتورىنىڭ ورىنباسارى عالىمجان قىدىربەك ۇلى بولاشاقتاعى جوسپارلارىمەن ٴبولىستى.

كومپانيا باسشىسىنىڭ ايتۋىنشا زاۋىتتىڭ ەل نارىعىندا جۇمىس ىستەپ كەلە جاتقانىنان 3 جىل بولدى. قازىرگى ۋاقىتتا كاسىپورىندا 150-دەن اسا ادام جۇمىسپەن قامتىلعان. زاۋىتتا شەتەلدىك ماماندارمەن قاتار اۋىل تۇرعىندارى دا ەڭبەك ەتەدى. قالادا وسكەن بالاعا قاراعاندا، اۋىلدا قوي مەن جىلقى باعىپ وسكەن بالا جىلقىنى باعىپ-قاعۋعا يكەمدى، قىر-سىرىن بىلەدى. سوندىقتان، ولاردىڭ ەڭبەگى زور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي