BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2018 جىلى قازاقستاندىق كومپانيالار قىتايعا ٴۇش ەسە كوپ كامپيت ەكسپورتتايدى

قازاقستاندىق كونديتەرلىك ونىمدەر «قورعاس» شەكارا ماڭى ىنتىماقتاستىق حالىقارالىق ورتالىعى» ارقىلى ٴنول مولشەرلەمە كولەمىندەگى قوسىمشا قۇن سالىعىمەن ساۋدالاناتىن بولادى، دەپ حابارلايدى baq.kz اقپارات اگەنتتىگى ls سايتىنا سىلتەمە جاساپ.

كومپانيالار وسى ايماقتا باج سالىعىنسىز ساۋدا جۇرگىزۋ ارقىلى قوسىمشا قۇن سالىعىن قايتارۋ ٴۇشىن قىتايعا تاۋار ەكسپورتتاۋ مۇمكىندىگىنە يە بولادى.

«وسى ماسەلەگە بايلانىستى «اتامەكەن» عوك-كە باردىق. 2018 جىلدىڭ 1 قاڭتارىنان باستاپ بۇل ماسەلەنىڭ شەشىلەتىنىنە سەندىردى. بۇرىن شەكارا ماڭى ىنتىماقتاستىق حالىقارالىق ورتالىعىنداعى شەكارالىق بەكەت ٴنومىرى ەكسپورت راستالعان تىزىمگە ەنبەگەندىكتەن، ەكسپورتتى قۇپتاي الماي وتىردىق. ەندى 2018 جىلدان باستاپ «قورعاس» ارقىلى تاۋار ساتىپ، قوسىمشا قۇن سالىعىن تولەمەيتىن بولدىق»، - دەيدى كونديتەرلەر اسسوسياسياسىنىڭ پرەزيدەنتى ٴاليحان تالعاتبەك.

ساراپشىنىڭ ايتۋىنشا، اتالعان نورما ەنگىزىلگەننەن كەيىن قىتايعا كونديتەرلىك ونىمدەر ٴۇش ەسە كوپ ەكسپورتتالۋى مۇمكىن. تالعات مىرزا ٴقازىر وتاندىق كاسىپورىندار 50% جۇمىس ىستەپ جاتقانىن تىلگە تيەك ەتتى. ينۆەستيسيانىڭ كوبەيەتىنىن ەسكەرسەك، فابريكالار ٴونىمى دە ايتارلىقتاي ۇلعايۋى مۇمكىن.

«بىزگە بۇل ماسەلەنى تۇبەگەيلى شەشىپ، ٴوندىرىس قارقىنىن كۇشەيتە ٴتۇسۋ قاجەت. سەبەبى، قىتاي عانا بىزدەن 100 مىڭ توننا كولەمىندە كونديتەرلىك ٴونىم ساتىپ الۋعا دايىن. وسى تۇستا تىلدىك جانە مەنتالدى ەرەكشەلىكتەر، كەدەندىك راسىمدەۋلەر سىندى قيىندىقتار بارىن ەسكەرۋىمىز كەرەك. ٴبىراق، ٴبىز وسى ماسەلەلەر توڭىرەگىندە جۇمىس ىستەپ جاتىرمىز. مىسالى، اسسوسياسياعا قىتايدا لوگيستيكالىق حاب قۇرۋ ماسەلەسىن كوتەردىك. ٴاربىر ويىنشى سول جەرگە تاۋارىن جەتكىزىپ، كەيىن سول جەردەن ساتا الادى. بۇل قازاقستاندىق كاسىپكەرلەر ٴۇشىن ٴتيىمدى بولاتىن ەدى. سەبەبى، ٴار كومپانيانىڭ جەكە-جەكە جۇمىس ىستەۋى قيىن. كەلىسىم بار، تەك ەگجەي-تەگجەيلەرىن تالقىعا سالۋ قالدى. ٴبىراق بۇل جەردە سەنىم ماسەلەسى دە ورىن الىپ وتىر. كومپانيالار ٴوزارا باسەكەلەسەتىندىكتەن، بۇل ۇسىنىسقا اسقان ساقتىقپەن قارايدى»، - دەيدى كونديتەرلەر اسسوسياسياسىنىڭ پرەزيدەنتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي