2842 
0
استانا، baq.kz ٴتىلشىسى. قازاقستاندىق بيزنەستىڭ 70 پايىزى مەملەكەتتىك جانە كۆازيمەملەكەتتىك سەكتورداعى تەندەرلەردىڭ ارقاسىندا كۇن كورىپ وتىر. سەنات دەپۋتاتى مۇرات باقتيار ۇلى وسىلاي ايتتى.
قىمبات ەلتايقىزى 
3369
0 
استانا: 
استانا، baq.kz ٴتىلشىسى. قازاقستاندىق بيزنەستىڭ 70 پايىزى مەملەكەتتىك جانە كۆازيمەملەكەتتىك سەكتورداعى تەندەرلەردىڭ ارقاسىندا كۇن كورىپ وتىر. سەنات دەپۋتاتى مۇرات باقتيار ۇلى وسىلاي ايتتى.
«ٴقازىر ەلىمىزدە مەملەكەتتىك جانە كۆازيمەملەكەتتىك سەكتورلارداعى ساتىپ الۋ جانە يگەرۋ سالاسىندا عانا بيزنەس بار. بۇل قازاقستاندىق بيزنەستىڭ 70 پايىزى تەندەرلەردىڭ ارقاسىندا كۇن كورەتىنىن، ياعني مەملەكەتتىڭ موينىندا ماسىل بولىپ وتىرعانىن بىلدىرەدى. ەكونوميكاداعى مەملەكەتتىك سەكتور ۇلەسى تىم ۇلكەن. بۇنى بارلىعى جاقسى تۇسىنەدى. بۇنداي جاعدايدا مىقتى كاسىپكەر شىقپايدى»، - دەدى مۇرات باقتيار ۇلى سەنات كۋلۋارىندا.
سەناتور كەيىن وسىعان قاتىستى تۇسىنىكتەمەنى پرەمەر-مينيستردىڭ ورىنباسارى ەربولات دوسايەۆتان سۇرادى. دەپۋتات پرەزيدەنتتىڭ ەكونوميكاداعى مەملەكەت ۇلەسىن ازايتۋ تۋرالى تاپسىرماسىن ەسكە سالدى. وسى سۇراققا جاۋاپ بەرگەن دوسايەۆ دەپۋتاتتاردى «ۇكىمەتتە ستارتەگيالىق جوسپار» بار دەپ سەندىردى.
«2020 جىلعا دەيىن مەملەكەتتىك سەكتور جانە كۆازيمەملەكەتتىك سەكتور بويىنشا ەكونوميكاداعى مەملەكەت ۇلەسىن 15 پايىزعا دەيىن ازايتۋ جوسپارلانىپ وتىر. ٴبىز 1 جەلتوقساننان باستاپ بيزنەستى قولداۋعا 600 ميلليارد تەڭگە باعىتتاعىمىز كەلەدى. ولاردىڭ 300 ميلليارد تەڭگەسى ونەركاسىپكە، 100 ميلليارد تەڭگەسى شاعىن جانە ورتا بيزنەستى دامىتۋعا جانە 200 ميلليارد تەڭگەسى اۋىل شارۋاشىلىعىنا ارنالعان. بارلىق قارجى بانك نەسيەلەرى ارقىلى باعىتتالادى»، - دەدى ەربولات دوسايەۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
