BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق بيزنەسمەندەر تاجىكستانعا 18،8 ملن دوللاردىڭ ٴونىمىن ەكسپورتتايدى

دۋشانبە قالاسىندا قازاقستان ەكسپورت ونىمدەرى ساۋدا-ەكونوميكالىق ميسسياسىنىڭ قورىتىندىلارى بويىنشا جالپى سوماسى 18،8 ملن دوللاردى قۇرايتىن ٴۇش كەلىسىمگە قول قويىلدى. بۇل تۋرالى قازاقستاننىڭ سىرتقى ساۋدا پالاتاسى مالىمدەدى، دەپ حابارلايدى baq.kz اقپارات اگەنتتىگى.

ميسسيانى قازاقستان سىرتقى ساۋدا پالاتاسى تاجىكستان رەسپۋبليكاسىنىڭ ساۋدا-ونەركاسىپ پالاتاسىمەن، قازاقستان رەسپۋبليكاسىنىڭ تاجىكستانداعى ەلشىلىگىمەن ىنتىماقتاستىقتا ۇيىمداستىردى.

قازاقستان دەلەگاسياسىنىڭ قۇرامىنا ماشينا جاساۋ، قۇرىلىس، ازىق-تۇلىك سالاسىنداعى 20 ٴىرى تاۋار ٴوندىرۋشى كىردى. تاجىكستان تاراپىنان كولىك، ەكونوميكالىق دامۋ، قارجى، ونەركاسىپ، ەنەرگەتيكا جانە دەنساۋلىق ساقتاۋ مينيسترلىكتەرىنىڭ وكىلدەرى بولدى. بيزنەس وكىلدەرىنەن ليزينگتىك جانە جەكە كولىك كومپانيالارى، ٴبىرقاتار ساۋدا جەلىلەرى، باسقا دا تاجىكستاندىق فيرمالار قاتىستى.

ميسسيا بارىسىندا «سارىارقااۆتوپروم» ٴجشس-تىڭ «jac» ماركالى 50 ماشيناسىن جەتكىزۋ، سونداي-اق «حولدينگ ازيا گرۋپپ تاجىكستان» جاق حولدينگىنە «jac» ماركالى اۆتوموبيلدەردىڭ بارلىق تۇرىنە تاجىكستان اۋماعىندا ديللەرلىك جاساۋ وكىلەتتەرىن بەرۋ تۋرالى كەلىسىمگە قول قويىلدى.

«hyundai com trans kazakhstan» جالپى سوماسى 18 ملن اقش دوللارى بولاتىن «hyundai» ماركالى تەحنيكالاردى وتكىزدى. ال «mega smart» جشس تاجىكستانعا جيھاز جەتكىزۋ بويىنشا 300 مىڭ دوللاردىق كەلىسىمشارتىنا قول قويدى. «اقتوبە رەلس-ارقالىق زاۋىتى» اق مەن «تاجىكستان تەمىرجولدارى» مۋك اراسىنداعى كەلىسسوزدەر دە تابىستى بولدى. تاراپتار ۇستىمىزدەگى جىلى 6 توننا رەلس جەتكىزۋگە كەلىستى. «جاس-قانات 2006»، «سەسنا-استىق كونسەرنى»، «نوۆو-الدجانسكيي مەلكومبينات»، «duman»، «higer quazar»، «تيككۋريلا» كومپانيالارىنىڭ وكىلدەرى تاجىكستاننىڭ «اشان» جانە «پايكار» ٴىرى ساۋدا جەلىلەرىنە باردى.

ساۋدا-ەكونوميكالىق ميسسيا 12 تامىزعا دەيىن جالعاستى. ميسسيا اياسىندا «تاجىكستان-2018» حالىقارالىق كورمەسى ۇيىمداستىرىلىپ، وندا قازاقستاندا شىعارىلعان «jac» اۆتوموبيلدەرى، سونىڭ ىشىندە كەدەن وداعىنىڭ اۋماعىندا جاسالعان العاشقى jaciev7s ەلەكتروموبيلى، «iveco» كوممەرسيالىق تەحنيكاسى كورسەتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي