BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا جاڭادان ەكى تەمىرجول باعىتى اشىلادى

 استانا. 21 تامىز. baq.kz – ەرتەڭ ياعني 22 تامىزىندا «استانا-اتىراۋ» باعىتىنداعى №19/20 جۇردەك جولاۋشىلار پويىزدارى استانا قالاسىنان جولعا شىعادى. بۇل تۋرالى قر كولىك جانە كوممۋنيكاسيا مينيسترلىگىنىڭ ٴباسپاسوز قىزمەتى baq. kz تىلشىسىنە حابارلادى.

 جولداعى جالپى ٴجۇرۋ ۋاقىتى 22 ساعات 15 مينۋت. بۇدان باسقا، تامىزدىڭ 25-ىندە جولدا ٴجۇرۋ ۋاقىتى 12 ساعات 45 مينۋتتى قۇرايتىن «استانا-سەمەي» تەمىرجول باعىتى اشىلادى. ەكى پويىز دا «تالگو» ۆاگوندارىنان قۇرالعان جانە 4 كۇندە ٴبىر رەت قاتىنايتىن بولادى.
پويىزداردىڭ جاڭا قۇرامى 27 ۆاگوننان تۇرادى، ونىڭ ٴ22-سى جولاۋشىلار ۆاگونى، ونىڭ ىشىندە 2 ۆاگونى «گراند» ساناتتى (ەكى ورىندىق ليۋكس)، 2 ۆاگونى «بيزنەس» ساناتتى (ەكى ورىندىق) جانە «تۋريست» ساناتتى (ٴتورت ورىندىق) 18 جولاۋشى ۆاگونى، سونداي-اق، 3 تەحنيكالىق، 1 ۆاگون-بار مەن 1 مەيرامحانا ۆاگونى بار. «گراند» ساناتتى ۆاگوندا مۇمكىندىگى شەكتەۋلى ازاماتتارعا ارنالعان ٴبىر كۋپە قاراستىرىلعان.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي