BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا اسكەري تىكۇشاقتار شىعارىلاتىن بولدى (ۆيدەو)

استانا. 19 شىلدە. baq.kz – استانادا كەلەسى جىلى تىكۇشاق زاۋىتىنىڭ كونۆەيەرلەرىنەن شىعارىلاتىن جاڭا تىكۇشاقتاردىڭ ماكەتى كورسەتىلدى. وسى ۋاقىتقا دەيىن رەسپۋبليكامىزدا جولاۋشىلار مىنەتىن ۇشاقتار قۇراستىرىلىپ كەلگەن. ەندى، الداعى ۋاقىتتا قازاقستان قارۋ نارىعىنا دا ٴوز ونىمدەرىن ۇسىنا الادى.

تانىستىرىلعان بۇل نۇسقانىڭ بولاشاق شىعارىلاتىن اسكەري تىكۇشاقتاردان ەش ايىرماشىلىعى جوق. پۋلەمەتى، تۇندە باقىلاۋ قۇرالدارى جانە «قازاقستاندا شىعارىلعان» تاڭباسى، ٴبارى-بارى بىردەي بولادى. ۇشاقتىڭ قوسالقى بولشەكتەرى گەرمانيادا، فرانسيادا جانە يسپانيادا شىعارىلادى.

استاناداعى قۇراستىرۋ سەحتەرى جىلىنا كەمىندە 10 تىكۇشاق شىعارادى. ٴقازىر قورعانىس مينيسترلىگى مۇنداي اپپاراتتىڭ 4 داناسىن ساتىپ الماقشى. بۇعان قوسا، ec-645 تىكۇشاعىنا شەكارا قىزمەتى مەن ىشكى اسكەرلەردىڭ وكىلدەرى دە قىزىعۋشىلىق ٴبىلدىرىپ وتىر. قازاقستاندا شىعارىلعان تىكۇشاقتار موڭعولياعا، ٴازىربايجانعا، تۇركىمەنستانعا جانە وڭىردەگى وزگە دە مەملەكەتتەرگە ەكسپورتتالادى.

«تىكۇشاقتىڭ مۇنداي ٴتۇرى الەمدە جوق. ونىڭ العاشقى نۇسقاسى 2014 جىلى شىعارىلادى. ٴقازىر گەرمانيا 15 ۇشاق ساتىپ الۋعا كەلىسىم جاسادى، امەريكا دا قازاقستان ٴونىمىن ساتىپ الۋعا نيەتتى»، - دەيدى «ەۋروكوپتەر قازاقستان ينجينيرينگ» جشس قارجى ديرەكتورى قارىباي ابلەزوۆ.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي