BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ەكونوميكاسىنا يزرايلدىك كومپانيالار تارتىلادى – «kaznex invest»

فوتو: Шыңғыс ҚАППАРОВ

قازاقستان يزرايلدىك جوعارى تەحنولوگيالى كومپانيالاردى ەل ەكونوميكاسىنا تارتپاق. سوڭعى مالىمەتتەرگە سايكەس، قوس ەل اراسىنداعى ساۋدا-اينالىمى 230-240 ملن اقش دوللارىن قۇراپ وتىر. بۇل تۋرالى استانادا ٴوتىپ جاتقان قازاقستان-يزرايل بيزنەس فورۋمىندا «kaznex invest» ەكسپورت جانە ينۆەستيسيالار ۇلتتىق اگەنتتىگى» اق باسقارما ٴتوراعاسى بوريسبيي جانقورازوۆ مالىمدەدى، دەپ حابارلايدى baq.kz ٴتىلشىسى.

«قازاقستان مەن يزرايل ساۋدا-ساتتىق سالاسىندا تىعىز قارىم-قاتىناس ورناتقان. 2005 جىلدان باستاپ 2016 جىلعا دەيىن يزرايلدەن قازاقستانعا كەلەتىن تىكەلەي شەتەلدىك ينۆەستيسيالار كولەمى 214 ملن اقش دوللارىن قۇرايدى. بۇل – قارجى، كەپىلدەندىرۋ، مەديسينالىق قىزمەت كورسەتۋ جانە ت.ب. سالالار. ٴبىز يزرايلدىك جوعارى تەحنولوگيالى كومپانيالاردى قازاقستان ەكونوميكاسىنا تارتپاقپىز. سەبەبى، يزرايل – الەمدەگى يننوۆاسيالىق تەحنولوگيالاردى جەتىك مەڭگەرگەن ەلدەردىڭ ٴبىرى. سوندىقتان قازاقستاندىق كاسىپكەرلەرگە بۇل سالا قىزىقتى دەپ ويلايمىن»، - دەدى ول.

بيزنەس فورۋم بارىسىندا بوريسبيي جانقورازوۆ يزرايلدىك جوعارى تەحنولوگيالى كومپانيالاردى قازاقستان ەكونوميكاسىنا تارتۋ ماڭىزدى ەكەندىگىن اتاپ ٴوتتى.

«قوس ەل اراسىنداعى ساۋدا اينالىمى 2011 جىلدان باستاپ 2016 جىلعا دەيىن 6،3 ملرد اقش دوللارىن قۇرادى. سوڭعى ۋاقىتتى ساۋدا اينالىمىنىڭ كورسەتكىشى ٴبىرشاما تومەندەدى. ٴبىراق، بۇل جاعداي ۋاقىتشا دەپ ويلايمىن. سوڭعى ۋاقىتتا قازاقستان مەن يزرايل اراسىنداعى ساۋدا اينالىمى شامامەن 230-240 ملن اقش دوللارىن قۇراپ وتىر. ەلىمىز يزرايلگە كوبىنىسە مۇناي ونىمدەرىن، ٴتۇرلى شيكىزاتتاردى، تانتالدى ەكپورتتايدى. ال يزرايلدەن قازاقستانعا ۇيالى تەلەفوندار، ناۆيگاسيا جۇيلەرى جانە جوعارى تەحنولوگيالى ونىمدەر جەتكىزىلەدى»، - دەدى ٴتوراعا.

ٴسوز سوڭىندا باسقارما ٴتوراعاسى ەلىمىزدى يننوۆاسيالىق مەملەكەتكە اينالدىرۋ جولىندا ٴتيىستى شارالار جۇرگىزىلىپ جاتقاندىعىن ايتتى.

«ۇكىمەت 6 جىل بويى يندۋستريالدى يننوۆاسيا باعدارلاماسى اياسىندا جۇمىس ىستەۋدە. باعدارلاما بويىنشا 6 نەگىزگى سالا انىقتالدى. ولار – مەتاللۋرگيا، مۇناي وڭدەۋ، ماشينا جاساۋ، حيميا ونەركاسىبى جانە ازىق-تۇلىك ونىمدەرىن شىعارۋ. ۇكىمەتتىڭ پىكىرىنشە، جوعارىدا اتالعان سالالاردا كاسىپكەرلەر اراسىندا باسەكەلەستىك بولادى»، - دەدى بوريسبيي جانگۋزاروۆ.

ايتا كەتەيىك، قازاقستان-يزرايل بيزنەس فورۋمىنىڭ جۇمىسىنا قوس ەلدىڭ بيزنەس جانە ۇكىمەتتىك ەمەس ۇيىمدارىنىڭ 400-دەن استام وكىلى قاتىسىپ جاتىر. 2016 جىلدىڭ 1 قاراشاسىنا دەيىنگى مالىمەتكە سايكەس، قازاقستاندا يزرايلدىك كاپيتالدىڭ قاتىسۋىمەن 254 كاسىپورىن تىركەلگەن. ونىڭ ٴ112-سى جۇمىس ىستەۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي