BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن گرۋزيا اراسىنداعى سىرتقى ساۋدا اينالىمى ۇلعايدى

بۇگىن قازاقستاننىڭ سىرتقى ساۋدا پالاتاسى ساۋدا-ونەركاسىپ پالاتاسىمەن بىرىگىپ قازاقستاندىق دەلەگاسيانىڭ تبيليسي قالاسىنداعى ساۋدا-ەكونوميكالىق ميسسياسى اياسىندا بيزنەس-فورۋم ۇيىمداستىرادى، دەپ حابارلايدى baq.kz اقپارات اگەنتتىگى.

شارا 2018 جىلعى 24 قىركۇيەك كۇنى «radisson blu» قوناقۇيىندە وتەدى. قولداۋ كورسەتۋشى – گرۋزيا رەسپۋبليكاسىنداعى قازاقستان رەسپۋبليكاسىنىڭ ەلشىلىگى.

فورۋمنىڭ نەگىزگى ماقساتى – قازاقستاندىق كاسىپورىندار مەن پوتەنسيالدى گرۋزيالىق ساتىپ الۋشىلار اراسىندا تىكەلەي بايلانىس ورناتۋ، ساۋدا قاتىناسىن ىسكە قوسۋ. قازاقستاندىق دەلەگاسيانىڭ قۇرامىندا تاۋ-كەن، قۇرىلىس جانە ماشينا جاساۋ سالالارىنداعى ٴىرى كومپانيالار بار. ساۋدا-ەكونوميكالىق ميسسيا اياسىندا قازاقستاننىڭ سىرتقى پالاتاسى مەن گرۋزيانىڭ ساۋدا-ونەركاسىپ پالاتاسى اراسىندا مەموراندۋمعا قول قويۋ جوسپارلانعان.

قازىرگى تاڭدا قازاقستان گرۋزياعا مۇناي ونىمدەرىن، ازوت تىڭايتقىشىن، ماكارون ونىمدەرىن، تەمىردەن جازىق پروكات، تەمەكى، توڭازىتىلعان بالىق، دارى-دارمەك ەكسپورتتايدى. گرۋزيادان قازاقستانعا يمپورتتالاتىن تاۋارلارعا شاراپ، الكولسىز سۋسىندار مەن سۋلار، سپيرتتىك تۇندىرما، مەتالل قۇبىرلار، ۆاكسينالار، ٴسۇت پەن قويىلتىلعان كىلەگەي جاتادى.

2017 جىلى ٴوزارا ساۋدانىڭ ٴوسۋ قارقىنى ۇلعايا تۇسكەن. وسىلايشا، 2018 جىلعى قاڭتار مەن شىلدە ايلارىنىڭ ارالىعىنداعى ناتيجەلەرگە سايكەس، قازاقستان مەن گرۋزيا اراسىنداعى سىرتقى ساۋدا اينالىمى ۇقساس مەرزىممەن سالىستىرعاندا 67% ٴوسىپ، 77 ملن تەڭگەنى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي